Ezra 1:6 - MUKANDA USANDU WA ZAMBI 1975

⁶ Ni eswe a kwajingilika yatakamisa moko jo ni yikwachilo ya prata, ni oru, ni upite, ni yimuna, ni yikumba yilemu, helu lia milambu ya mbunge.

Mukanda Wa Zambi 1970

⁶ Enyembo jo eswe yaakwasa, yaaha yuma yinji: prata, ni oru, ni yakulia, ni yikashi ya kumbachila yuma, ni yuma yikwo yilemu, ni milambu ya kulambula mu zuwo lia Zambi.

Ezra 1:6 Iomraidhean Croise

1 Sango Ja Mianangana 29:9

Ni e atu awahililile mumu ahanyine ni mbunge, mumu alambwile Yehova ni mbunge yingunu, ni mwanangana David wawahililile ni chiseke chinji.

Ezra 1:4

Mba mweswawo masala kweswako atunga, enyembo jenyi amukwase ni prata, ni oru, ni upite, ni yimuna, helu lia mulambu wa mbunge ha zuwo lia Zambi lize lili mu Yerusaleme.

Ezra 8:33

Mba ha tangwa liamuchiwana twapezalishile prata, ni oru, ni yikwachilo mu zuwo lia Zambi yetu nikuyikunjika kuli Meremote mwana Uriya mwe sasendote. Kwapwile hamwe nenyi Eleazare mwana Finehase, ni hamwe no Jozabade mwana Yeshua, ni Noadia mwana Binui, A-Levi.

Nehemia 6:9

Mumu te kanafupu kutukolesa woma ngwo, Mutuhongesa moko jo ku milimo mba kechi kuyilinga. Alioze yena Zambi, ungukolese moko jami haliapwila.

Miaso (Masamu) 106:46

Waaselele keke kuli waze eswe aatwalile mu ufunge.

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

Kutuhuka 12:35

A-Izalele alingile nikulita ni liji lia Mose. Yeta kuli A-Engitu upite wa prata ni upite wa oru ni mazalo.

Kutuhuka 12:36

E atu apemenene A-Engitu ni vumbi kuli Yehova; A-Engitu chocho yaaha yize aechile. O yapupa A-Engitu.

Izaya 35:3

Takamisenu moko a upekepeke, kolesenu makungunwa aze keshi tachi.

2 Korintu 9:7

Mutu ni mutu akahane nikulita ngwe hanalisela mu mbunge yenyi: hi ni chinyengo ko, hanji ha kukapwola: mumu Zambi kakuzanga chihanyi wa kusehejela.