Ezra 1:2 - MUKANDA USANDU WA ZAMBI 1975

² Siru mwanangana wa Persia ngwenyi, Yehova Zambi ya mwilu hangwaha mawanangana eswe a hashi. Mba iye hangwaha shimbi kumutungila zuwo mu Yerusaleme mu chifuchi cha Yunda.

Mukanda Wa Zambi 1970

² “Yami Siruse, mwanangana wa Persia. Ngunahane Shimbi yino ngwami, Mwene Zambi, Zambi ya Mwilu, hanangupwisa mukwa kuyula chifuchi cheswe cha hashi, hanangwehe milimo ya kumutungila zuwo mu Yerusaleme mu chifuchi cha Yuda.

Ezra 1:2 Iomraidhean Croise

1 Yitanga Ya Mianangana 8:27

Alioze pundu, Zambi matwama hano hashi nyi? Chipwe lilu ni lilu lia malilu kuliakutele. Mba zuwo lino hinakutungila kuchi?

2 Sango Ja Mianangana 2:12

Hurame yaweza nawa ngwenyi, Yehova Zambi ya Izalele, Tangi ya lilu ni hashi, afumane, mumu hahana kuli mwanangana David mwana umwe wa mana ni malinjekela ni yinyingi, akatungile Yehova zuwo, ni zuwo lia wanangana nawa.

Ezra 1:5

Henaho akwa lutwe mu minyachi ya atato a Yunda ni Mbenjamine yakatuka, ni asasendote, ni A-Levi, waze eswe Zambi hasangumuna mbunge jo akaye akatunge zuwo lia Yehova lili mu Yerusaleme.

Ezra 3:7

Yahana nawa mbongo kuli akwa kululika mawe, ni kuli akarpinteru; ni kulia ni kunwa ni maji kuli A-Sendone ni A-Teru akachize mitondo ya sedru ku Lebano nikuyineha ku kalungalwiji ku Yopa, nikulita ni shimbi yize Siru mwanangana wa Persia waahele.

Ezra 4:3

Alioze Zorobabele ni Yeshua ni akwo akwa lutwe mu minyachi ya atato mu Izalele yamba kuli ayo ngwo, Enu kunushi nichimwe ni yetu kutungila zuwo Zambi yetu. Yetwene ukawetu mututungila Yehova Zambi ya Izalele ngwe Siru mwanangana wa Persia hatutuma.

Ezra 5:15

Yamba kuli iye nawa ngwenyi, Tambula yikwachilo yino uye Ukayise mu tembele mu Yerusaleme atunge nawa zuwo lia Zambi homa halio.

Ezra 6:10

hanga akalambule yitapo ya lupembo mupema kuli Zambi ya mwilu, akalembele mwono wa mwanangana ni anenyi a malunga.

Ezra 6:3

Ha mwaka utangu wa mwanangana Siru, mwanangana Siru wasele shimbi ngwenyi, Ha kutwala ku zuwo lia Zambi ku Yerusaleme—atunge lie zuwo kuze mashihila yitapo. Ase fundamentu ya tachi. Chizundamo chalio makumi asambano a mbandu, ni kutoha chalio makumi asambano a mbandu.

Ezra 7:12

Artasherke mwanangana wa mianangana kuli sasendote Ezera, mwe mukwa kusonyeka shimbi ja Zambi ya mwilu, tunakumeneka.

Nehemia 1:4

Ha kwivwa maliji ano natwamine hashi nikulila nikulinyenga matangwa lume. Chatambwile kulia; nalembele kumeso ja Zambi ya mwilu,

Nehemia 1:5

ngwami, Ngunalembe, Yehova Zambi ya mwilu, Zambi munene, kole ni woma. Kuwakukolesa usendo ni utu wa zango kuli waze akukuzanga nikufunga shimbi je.

Miaso (Masamu) 136:26

Sakwililenu Zambi ya mwilu; mumu utu wa zango lienyi wa mutolo.

Miaso (Masamu) 85:2

Hiunakonekena atu je uhenge wo. Hiunafuku shili yo yeswe.(Litulike.)

Yishima 21:1

Mbunge ya mwanangana yapwa mu kwoko lia Yehova ngwe chitwetwe cha meya, kakuyitalikisa kweswako mazanga.

Izaya 41:2

Iya wanehene mukwa Chivumbuko mukwa kuwana kukumba mu kwenda chenyi cheswe? Kakumukunjika mavungu, kashika kakuliachila mianangana hashi; ni katana kenyi kakwafwenya ngwe fufuta, ni uta wenyi kakwahehula ngwe yizungu.

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Izaya 44:28

Ha kutwala kuli Siru kakwamba ngwenyi, Iye kafunga kami, kumakamanununa upale wami weswe; ha kutwala ku Yerusaleme kanambe ngwenyi, Kumuyikatungiwa! Ha kutwala ku tembele ngwenyi, Kumakasa fundamentu ye.

Izaya 45:1

Yami Yehova ngunambe kuli Siru yoze nawayishile ni maji, ngwami, nakwachile ku kwoko lienyi lia chindume hanga akapokwese mavungu kumeso jenyi, akajitule miya ya mianangana, akazulule mapito kumeso jenyi hanga kechi kahasa kwajilako.

Izaya 66:1

Yehova kanambe ngwenyi, Lilu liapwa ngunja yami, ni hashi chitwamo cha yiliato yami. Zuwo lize munungutungila lika? Kuma kwami kwa kuhwimina kuchi kwapwa?

Jeremia 10:11

Muwamba kuli ayo ngwe, Mazambi aze katangile malilu ni hashi kumakanonga ni hashi ni mushi lia malilu.

Jeremia 27:5

yami mwene ni tachi jami jinene ni kwoko liami lia kuzoza hinatanga hashi, ni atu, ni tushitu waze ali hashi, mba nakuyihana kuli mweswe munguzanga kumwahayo.

Jeremia 29:10

Mumu Yehova kanambe ngwenyi, Muze makumi shimbiali a miaka hamanunuka ku Babilonia mungununangisa; mungumanununa kuli yenu chize nalakenyene. Mungunuhilwisa ku chifuchi chino.

Daniel 1:21

Mba Daniel walindulukile ndusu ndo mwaka utangu wa mwanangana Siru.

Daniel 2:21

Iye kakwalumuna miaka ni tungonde; kakuchiza mianangana; kakumika mianangana. Kakuhana mana kuli akwa mana; kakuhana yinyingi kuli waze yuma muyialumbunuka.

Daniel 2:28

Alioze umwe Zambi mwilu mwali mukwa kujimbula yijimbikilo, mba iye hasolola kuli mwanangana Nabukanezore yuma yize muyikapwa ha matangwa a kusula. Chilota chenu ni usolwelo wa mutwe wenu shimbu nuli ha muhela wenu, yino:

Daniel 4:25

akanuhume hakachi ka atu; wendelo wenu muukapwa hakachi ka tushitu a mu yambu; makanulisa mwambu ngwe ngombe, munukawula ni mume wa mwilu, ndo tungonde shimbiali hanupalika, nukanyingike mwe Chitunda kakuyula mu wanangana wa atu nikuuhana kuli mweswawo mapala.

Daniel 4:32

mba makuhuma hakachi ka atu, ni wendelo we muukapwa hakachi ka tushitu a mu yambu. Muolia mwambu ngwe ngombe, mba tungonde shimbiali makakupalika ndo hiwalilongesa, mwe Chitunda kakuyula mu wanangana wa atu ni kuuhana kuli mweswawo mapala.

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Daniel 6:25

Mba mwanangana Dariu yatuma mulanda kuli akwa mavungu eswe, ni minyachi yeswe, ni malimi eswe aze atwama hano hashi ngwenyi, Sambukila yikalumbame kuli yenu.

Yona 1:9

Iye yaakumbulula ngwenyi, Nguli Ka-Hepreu. Nakuvwila woma Yehova, Zambi ya mwilu, yoze watangile kalunga-lwiji ni hashi homu.