Efesu 5:3 - MUKANDA USANDU WA ZAMBI 1975

³ Alioze utanji, ni luchisa mweswe, chipwe kuzo, kanda ayivuluka hakachi kenu nichimwe, ngwe chinatela asandu;

Mukanda Wa Zambi 1970

³ Nuli akwa Kristu. Ha chino, kuchalitele chibwe kuvuluka hakachi kenu: utanji, ni luchisa, ni lwahu wa mbongo.

Efesu 5:3 Iomraidhean Croise

Miaso (Masamu) 10:3

Mumu chingulungulu kakulivwimba ha chize mbunge yenyi kuyakuzanga; kakuwahisa mukwa kuzo; kakulelesa Yehova.

Miaso (Masamu) 119:36

Twala mbunge yami ku Shindakenyo je hi ku kuzo ko.

Kutuhuka 18:21

Chikwo nawa ukalitalile malunga yitakame a kuli atu, a kuvwila woma Zambi, malunga amwenemwene, a kuvwila lwaji chipululu. Ukaapwise miata jo; akapwe akwa kuyula tununu twa atu, akwa kuyula makulakaji, akwa kuyula makumi atano, akwa kuyula kumi lia atu.

Kutuhuka 20:17

Kanda ukavwila chipululu zuwo lia mwenyembo we. Kanda ukavwila chipululu pwo lia mwenyembo we, chipwe ngamba yenyi wa lunga, chipwe ngamba yenyi wa pwo, chipwe ngombe yenyi, chipwe chimbulu chenyi, chipwe chuma chimwe cha mwenyembo we.

Kutuhuka 23:13

Nukafunge yuma yeswe hinamba kuli yenu. Kanda nukavuluka majina ja tuzambi tweka, chipwe kanda akaevwa ku makanwa jenu.

Yishima 28:16

Mwanangana yoze keshi malinjekela mapwa mukwa kupinjisa nawa; alioze yoze kazangile chipululu masuhisa matangwa jenyi.

Jeremia 22:17

Alioze yena uli ni meso ni mbunge ya kunyonga kufumbuka cha uhenge, ni kumwanga manyinga keshi chitela ni kulinga upinjiso ni upupilo.

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Jeremia 8:10

Kashika munguhana mapwo jo kuli akwo, ni minda yo kuli akwa kukumba, mumu chize kuli mukepe wahiana ndo kuli munene Wahiana, eswe kali ni chipululu cha kufumbuka cha uhenge. Chize kuli profeta ndo kuli sasendote eswe kakulinga ni mahuza.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Alevi 15:18

Nyi lunga kanapombo ni pwo mba mamwanga mbuto yenyi, eswe ni aali akasane meya akapwe a luchisa ndo chingoloshi.

Mika 2:2

Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Kwalula 25:1

A-Izalele atwamine ku Shitime, e atu yaputuka kulinga ukoi hamwe ni ana-mapwo a Moape.

Mateu 15:19

Mumu mu mbunge mwakutuhuka manyonga api, ni ungalwe, ni utanji, ni upangala, ni wiji, ni Shindakenyo ya mahuza, ni kushililika.

Luka 12:15

Iye wambile kuli ayo ngwenyi, Kanyamenu, lifungenu ku kuzo yeswe; mumu mwono wa mutu kuushi kupwa ni kulumbama cha yize ali nayo.

Luka 16:14

A-Fwariseu nawa, waze apwile akwa kufwila mbongo, evwile yino yuma yeswe; amukekwine.

Yilinga 15:20

alioze tutume mukanda kuli ayo akasúle ku luchisa wa mahamba, ni ku utanji, ni kuli tushitu a kuhonda, ni ku manyinga.

Yilinga 20:33

Chevwile kuzo ha prata ja niumwe, hanji oru, hanji mahina, ka.

A-ROMA 1:29

se, azalile tò ni uhenge weswe, ni ungulungulu, ni kuzo, ni uhuka; a tò ni lufwachinda, ni ungalwe, ni vunda, ni kalimbalimba, ni upapwoki; akwa kulinongota,

A-ROMA 16:2

hanga nukamutambule muli Mwene, chizechene ngwe chinateta asandu, hanga nukamukwase ni chuma cheswacho mafupa kuli yenu: mumu iye mwene nawa hanapu mukwa kukwasa anji, ni yami nawa.

A-ROMA 6:13

chipwe kanda nukatumbikila yihanda yenu yitwa ya uhenge ku shili; alioze litumbikilenu kuli Zambi chizechene ngwe a mwono hanaahindwisa hakachi ka afu, ni yihanda yenu yitwa ya ululi kuli Zambi.

1 Korintu 10:8

Chipwe kanda tulinga utanji ngwe ayo alingile, mba alimbukile ha tangwa limuwika makumi aali a tununu ni tununu atatu.

1 Korintu 5:1

Chinafumana hakachi ka eswe ngwo, Upangala uliko hakachi kenu, upangala umwe kuushiko chipwe hakachi ka akwa mavungu, mutu akapwa ni pwo lia tato.

1 Korintu 6:13

Kulia ha jimo, ni jimo ha kulia: alioze Zambi kumakahwisa yeswe yiali. Alioze mujimba hi ha utanji ko, alioze hali Mwene, ni Mwene ha mujimba:

1 Korintu 6:18

Chinenu utanji. Milonga yize yeswe mutu mavulumuna yili haze lia mujimba; alioze yoze malinga utanji mavulumuna mujimba wenyi mwene.

2 Korintu 12:21

Kuchina cheka nawa muze mungwiza, Zambi yami mangulelesa kumeso jenu, mungunenganyana hali anji a kuli waze hanavulumuna kunyima, ngwe kalikonyekeneko ha luchisa ni utanji ni upangala uze alingile.

Efesu 5:12

Mumu yuma yize o akulinga ku tenga, yikola sonyi chipwe kuyivuluka.

Efesu 5:5

Mumu chino nunanyingika chamwenemwene, ngwo, Chitanji niumwe, chipwe mukwa luchisa, chipwe mukwa kuzo, mwenawo mukwa kukombelela mahamba, keshi chihinga mu wanangana wa Kristu ni Zambi.

Filipu 1:27

Chino wika, kwenda chenu chikapwe ngwe chinatela sango lipema lia Kristu: hanga chipwe mungwiza ni kunumona, chipwe chishiko, ngukevwe ha kutwala kuli yenu, ngwe nwakumana ngú, ni kunyonga chimuwika, ni mbunge yimuwika, nikulinjika hamuwika ha Ufulielo wa sango lipema.

Kolosu 3:5

Kashika shihenu yihanda yenu yize yili hano hashi; ni utanji, ni luchisa, ni kusasaminya, ni usolo upi, ni kuzo, yenayo kukombelela mahamba;

1 Tesalonika 4:3

Mumu chino we upale wa Zambi, ngwetu, usandu wenu, nukachine utanji.

1 Tesalonika 4:7

Mumu Zambi hanatutambika hi mukulinga luchisa ko, alioze ku usandu.

1 Timoteu 2:10

alioze aliwahise ni yitanga yipema ngwe chinatambe mapwo akutayiza uwayilo wa Zambi.

1 Timoteu 3:3

hi mukwa chimbangwinya ku vinyu ko; hi mukwa kumbufula, ko; alioze chimbovu, hi mukwa ndombo ko; hi mukwa kufwila mbongo ko;

1 Timoteu 6:10

Mumu chipululu cha mbongo chikota cha yipi yeswe: amwe nikujifupa, hanapianguka ku Ufulielo, hanalituwu ni yikola yinji.

2 Timoteu 3:2

Mumu atu kumakapwa akwa kulifwila ene, akwa kufwila mbongo, akwa kulizata, akwa kulizelula, akwa kushililika, keshi kwononoka kuli yisemi jo, akwa kaleleso, akwa luchisa,

Titu 1:11

Chatamba kupakika makanwa jo; se kakulimbwisa mazuwo a muwundu, nikulongesa ha upite wa sonyi yuma yize kuchaatambile kulongesa.

Titu 1:7

Mumu chatamba kalayi, se iye kaselo ka Zambi, akapwe keshi kapalia; hi mukwa pami ko, hi chitenu ko, hi mukwa kuzwela ko ku vinyu, hi mukwa kumbufula ko, yoze keshi chipululu cha upite wa sonyi;

Titu 2:3

Makulwana ja mapwo chizechene akalinge ngwe chatamba asandu, hi yilamikiji ko, hi akwa kunwa vinyu vinji ko, akapwe alongeshi ja yuma yipema;

Hebreu 12:16

kuchina chitanji umwe, hanji chijiluke, ngwe Esau, yoze ha kulia chimuwika walanjishile wata wenyi.

Yoshua 7:21

Muze namwene hakachi ka yuma ya kupupa chikuto chimwe chipema cha ku Babilonia, ni kulakaji aali a shekele ja prata, ni chipinji cha oru cha makumi atano a shekele nayivwilile kuzo, yinguyitambula. Kuyili ya kusweka mu mavu muchima lia mbalaka yami. Prata kushi yili.

1 Petulu 5:2

ngwami, Fungenu mbunga ya mapanga a Zambi, yize yili hakachi kenu, pwenu tulayi, hi ha kuzangisa ko aiioze mumu nunazange: chipwe hi mukufumbuka ko ku upite wa sonyi, aiioze mumu ha zango.

2 Petulu 2:10

aiioze kuhiana chikolo waze akwenda nikulita ni musunya ni usolo wa luchisa, akulelesa ulemu. Akwa kuhunuka, akwa pami, keshi woma wa kutuka alemu.

2 Petulu 2:14

Kali ni meso a tò ni utanji, keshi kuhasa kulitwamina ku shili; nikusongojola atu aze kajikijile; nikupwa ni mbunge ja kulifumba ni kuzo; akwa shingo.

2 Petulu 2:3

Ni ku kuzo, ni maliji a ulembekese, makanupwisa yuma ya kusepa nayo: upatwilo wo chize ku shakulu kuushi kushimbula, ni kwonwona cho kuchishi kufungunuka.

Usolwelo 2:14

Alioze yuma yikehe ngukuli nayo, mumu uli no koko waze akulalaminya ku longeso lia Mbalau, yoze walongesele Mbalake kutela chitalingiso kulutwe lia ana ja Izalele, mukulia yuma yize hanayitambula yitapo ku mahamba, mukulinga utanji.

Usolwelo 2:21

Namuhele shimbu, hanga alikonyeke; iye kasolo kulikonyeka ha utanji wenyi.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.

Usolwelo 9:21

o kalikonyekeneko ha ungalwe wo, chipwe ha yipandapanda yo, chipwe ha utanji wo, chipwe ha wiji wo.

1 Samuel 8:3

Anenyi kendele mu ndako ja tato. Apiasukile nikukaula upite. Atambwile chindo nikuhongesa upatwilo.