Efesu 4:9 - MUKANDA USANDU WA ZAMBI 1975

⁹ (Achi, ha kwamba ngwo, Wazezukile, kuchi shina hatangu wahulumukine nawa mu yihanda ya kushi ya hashi?

Mukanda Wa Zambi 1970

⁹ Maliji wano, “yazezuka,” kuchi analumbunuka? Kaanalumbunuka ngwo, hatangu yahulumuka kushi lia mavu.

Efesu 4:9 Iomraidhean Croise

Ubutukilo 11:5

Alioze Yehova yahulumuka akamone limbo ni kaposhi yoze ana ja atu machitunga.

Miaso (Masamu) 139:15

Muze angutangile ku tenga; muze anguwumbile ni utotombo mushi chikolo lia mavu, yifwaha yami kuyaswamine kuli yena.

Miaso (Masamu) 63:9

Alioze waze akufupa mbunge yami akayonwone kumakanjila mushi lia hashi.

Miaso (Masamu) 8:5

Mumu hiwangupwisa kushi lia angelo hakepe wika. Hiwamusa chipangula cha uhenya ni ulemu.

Kutuhuka 19:20

Yehova yahulumuka ndo ha mulundu wa Sinai, e ndo ha mbulwa mulundu. Yehova yatambika Mose eze ha mbulwa mulundu. Mose yakanduka.

Yishima 30:4

Iya hanazezuka mwilu akahulumuke nawa? Iya hanakungika fuji mu moko jenyi? Iya hanakashila e meya mu mazalo jenyi? Iya hanakolesa masongo eswe a hashi? Jina lienyi iya? Jina lia mwanenyi iya, nyi unamunyingika?

Izaya 44:23

Enu malilu, imbenu, mumu Yehova hanachilingi; kololoka ena hashi uli mushi; enu milundu putukenu kwimba; ni yenu usaki ni mitondo yeswe yilimo! Mumu Yehova hakuta Yakomba, kumakawana uhenya muli Izalele.

Ezekiel 31:14

Chino cheswe muchikapwa kukanjisa mitondo ya ku meya kanda yitunda naye, chipwe kusa masongo jayo hakachi ka malelwa, mitondo yize ya kutambula meya kanda yihetako ha kutolomoka. Mumu yeswe hanayikunjika ku kufwa muma mushi lia muno-muze hakachi ka atu a kufwa hamwe ni waze akuya ku jondo.

Mateu 12:40

mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.

Yoano 20:17

Yesu yamba kuli iye ngwenyi, Kanda ungukwata; mumu kanda nguchizezuka kuli mwe Tata: alioze yako kuli mandumbu jami, ukambe kuli ayo ngwe, Munguzezuka kuli Tata kanda Tatenu, ni Zambi yami kanda Zambi yenu.

Yoano 3:13

Mba niumwe wazezukile mwilu shina yoze wahulumukine mwilu, mwe Mwana Mutu, mwenawo mwilu mwali.

Yoano 6:33

Mumu ye mbolo ya Zambi yoze mahulumuka mwilu, mahana mwono kuli akwa hashi.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

Yoano 6:41

Kashika A-Yunda alinyenyetene hali iye, mumu wambile ngwenyi, Mbolo yize yahulumukine mwilu yami.

Yoano 6:51

Ye mbolo ya mwono yami, yize yahulumukine mwilu: kachi umwe malia mbolo yino kumakapwa ni mwono ndo ku miaka ya mutolo: ewa, ni mbolo yize mungukahana te musunya wami uze mungukahana ha mwono wa akwa hashi.

Yoano 6:58

Yino ye mbolo yahulumukine mwilu: kuchapwile ngwe tulamba twenu alile maná, afwile; yoze malia mbolo yino kumakapwa ni mwono ndo ku miaka ya mutolo.

Yoano 6:62

Mba kuchi muchipwa kachi munumona mwe Mwana Mutu kanazezuka kuze apwile hatangu?

Yoano 8:14

Yesu wakumbulwile ngwenyi, Chipwe kachi ngunashindakenya hali yami mwene, kachi Shindakenyo yami yamwenemwene; mumu ngunanyingika kuze ngunakatuka, ni kuze munguya; alioze yenu kunwanyingikine kuze ngunakatuka ni kuze munguya.

Hebreu 2:7

Hiunamupwisa ha shimbu likepe kushi lia angelo; hiunamuse chipangula cha uhenya ni ulemu, hiunamuse helu lia yitanga ya moko je:

Hebreu 2:9

Alioze tunamono Yesu, yoze amupwishile ha shimbu likepe kushi lia angelo, mumu ha lamba lia kufwa, hanamuse chipangula cha uhenya ni ulemu, hanga ku vumbi lia Zambi akamone kufwa hali atu eswe.