Efesu 4:8 - MUKANDA USANDU WA ZAMBI 1975

⁸ Kashika kanambe ngwenyi, Muze azezukile kwilu, wafungile funge anji, wahanyine yawana kuli atu.

Mukanda Wa Zambi 1970

⁸ Ngwe chize Mukanda wa Zambi unambe: “Muze azezukile mwilu, Yatwala funge hamwe nenyi. Yahana yawana kuli atu.”

Efesu 4:8 Iomraidhean Croise

Estere 2:18

Henaho mwanangana walingile chiteleka chinene kuli alemu jenyi eswe ni tuvumbi twenyi—chiteleka cha Estere. Yasela utuswilo mu yifuchi ni kuhana yawana nikulita ni vumbi lia mwanangana.

Miaso (Masamu) 68:18

Ena hiwazezuka mwilu hiwatwala funge ku ufunge, hiwatambula yawana hakachi ka atu, ewa, chipwe hakachi ka akwa kukolema nawa hanga Yehova Zambi akatwame hakachi ko.

Yishima 30:4

Iya hanazezuka mwilu akahulumuke nawa? Iya hanakungika fuji mu moko jenyi? Iya hanakashila e meya mu mazalo jenyi? Iya hanakolesa masongo eswe a hashi? Jina lienyi iya? Jina lia mwanenyi iya, nyi unamunyingika?

Efesu 4:11

Iye hanahana amwe apostolo; ni amwe aprofeta; ni amwe akwa kwambujola; ni amwe tulayi ni alongeshi;

Kolosu 2:15

Se hanapupu mawanangana ni yiyulo, waahepwishile kumeso ja atu eswe, nikwakumba nayo.

Akwa Kuyula 5:12

Laula! Laula Debola! Laula! Laula wimbe mwaso! Ena Mbarake! Katuka utwale funge je, ena mwana wa Abinoame.

1 Samuel 30:26

Ha kuheta ku Zikalage David yatuma chihanda cha upite kuli masepa jenyi makulwana ja Yunda ngwenyi, Tambulenu chawana chenu cha ku upite wa akwa kole ja Yehova.