Efesu 4:6 - MUKANDA USANDU WA ZAMBI 1975

⁶ Zambi umuwika, Tato ya eswe, yoze uli helu lia eswe, ni kuli eswe, ni muli yetu eswe.

Mukanda Wa Zambi 1970

⁶ Kwali lume Zambi umuwika kanda Tata ya atu eswe, yoze uli helu lia eswe, yoze wakulinga ni eswe, yoze watwama muli eswe.

Efesu 4:6 Iomraidhean Croise

Ubutukilo 14:19

Yawahisa Apalama ngwenyi, Zambi Chitunda, Mwenya malilu ni hashi akawahise Apalama,

Miaso (Masamu) 95:3

Mumu Yehova iye Zambi munene; iye mwanangana munene helu lia mazambi eswe.

Izaya 63:16

Mumu yena uli Tata, chipwe Apalahama katunyingikine, chipwe Izalele katutayijile. Yena Yehova, uli Tata. Chize ku shakulu jina lie ngwo, Mukwa-Kutukula.

Malaki 2:10

Te eswe hi tata umuwika ko? Katutangile kuli Zambi umuwika? Nyi chocho kuchi te twakulinga ni mafwefwe umwe kuli mukwo ni mukwo nikujilula usendo wa tulamba?

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

Mateu 6:13

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

Mateu 6:9

Ngwe chino kashika lembenu ngwenu, Tata uli mu malilu, jina lie lipwe lisandu.

Yoano 14:23

Yesu wamukumbulwile, ngwenyi, Kachi umwe manguzanga, kachi mafunga liji liami; ni mwe Tata makamuzanga, kumutukeza kuli iye, mutukatenga muma mwetu mwa kutwama hamwe nenyi.

Yoano 17:26

naanyingikishine jina lie, mungukaanyingikisalio; hanga zango lize hiunanguzange nalio, likapwe muli ayo, ni yami muli ayo.

Yoano 20:17

Yesu yamba kuli iye ngwenyi, Kanda ungukwata; mumu kanda nguchizezuka kuli mwe Tata: alioze yako kuli mandumbu jami, ukambe kuli ayo ngwe, Munguzezuka kuli Tata kanda Tatenu, ni Zambi yami kanda Zambi yenu.

A-ROMA 11:36

Mumu yuma yeswe kuyakatuka kuli iye, kuyakola ku tachi jenyi, yakuswila muli iye. Uhenya ukapwe kuli iye ndo ku miaka ya mutolo. Amene.

1 Korintu 12:6

Kuchili kulipalikila cha kulinga, alioze Zambi umuwika, yoze wakulingisa yuma yeswe muli eswe.

1 Korintu 8:6

Hindu kuli yetu, kwali Zambi umuwika, mwe Tata, yuma yeswe yinakatuka kuli iye, ni yetu tuli hali iye; ni Mwene umuwika, Yesu Kristu, kuli iye yuma yeswe yinakatuka, ni yetu kuli iye.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

Efesu 1:21

helu lia mawanangana eswe ni yiyulo yeswe, ni tachi jeswe, ni wene weswe, ni majina eswe waze anaavuluka hi ha mwakono wika ko, alioze ha uze muwizaho nawa.

Efesu 2:22

Muli iye yenu nawa kunwatungiwa hamuwika kupwa zuwo lia Zambi muli Spiritu.

Efesu 3:17

hanga Kristu akatwame mu mbunge jenu ku Ufulielo; hanga yenu nikutanda miji, nukajikize mu zango;

Efesu 6:23

Sambukila yikapwe kuli mandumbu, ni zango hamwe ni Ufulielo, ya kuli Zambi Tata, ni ya kuli Mwene Yesu Kristu.

Shimbi 6:4

Enu A-Izalele, ivwenu, Yehova Zambi yetu iye Yehova umuwika.

1 Yoano 3:24

Ni waze mafunga shimbi jenyi, matwama muli iye, iye matwama muli ayo; ni ku chino tunanyingika katwama muli yetu, te kuli Spiritu yoze hanatwehe.