Efesu 4:2 - MUKANDA USANDU WA ZAMBI 1975

² ni mbunge yeswe ya kulikehesa, ni umbovu, hamwe ni uhomboloji, nikulihumikiza umwe kuli mukwo mu zango,

Mukanda Wa Zambi 1970

² Matangwa eswe likehesenu, bwenu yimbovu ni yihomboloji. Lihumikizenu ni zango.

Efesu 4:2 Iomraidhean Croise

Miaso (Masamu) 138:6

Mumu chipwe Yehova kanangama hindu kakutala hali akwa kulikehesa. Alioze akwa kulizelula kusuku kakwasa chinyingi.

Miaso (Masamu) 45:4

Enda nikuwaha mu ulamba we, mumu ha umwenemwene, ni umbovu, ni ululi. Chindume che muchikulongesa yuma ya kukolesa mwongo.

Yishima 16:19

Kulikehesa hamwe ni yiswale chawaha kuhiana kulipangila upite ni akwa kulengumuka.

Yishima 3:34

Pundu kakulenya akwa kulenya, alioze kakupwa ni vumbi kuli akwa kulikehesa.

Longeshi 7:8

Songo lia chuma chapema kuhiana uputukilo wacho, ni mukwa kulihumikiza mu mbunge kapema kuhiana mukwa kulengumuka mu mbunge.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Zefania 2:3

Enu eswe akwa kulikehesa mu chifuchi akwa kulinga shimbi jenyi; fupenu Yehova, fupenu ululi, fupenu kulikehesa cha mbunge. Hanji manusweka ha tangwa lia ufwatulo wa Yehova.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Kwalula 12:3

Mwe lunga Mose wapwile mukwa kushimbika chikolo. Ha kushimbika iye wahianyine atu eswe apwile hashi.

Mateu 11:29

Lilemenu ni kanga yami, lilongesenu kuli yami; mumu nguli mukwa kushimbika, mukwa kulilelesa mu mbunge; mba kumunukawana uhwimino ku mbunge jenu.

Marku 9:19

Iye yaakumbulula ngwenyi, Yenu! chisemuko kuchishi Ufulielo, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuli yami.

Yilinga 20:19

nalingilile Mwene ni mbunge yeswe ya kulikehesa, ni masoji anji, ni yeseko yize yanguwanyine ni utwahe wa A-Yunda;

A-ROMA 15:1

Achi yetu tuli akwa tachi, chatutamba kumbata ulelu wa waze keshi tachi, hi kuliwahisa ko yetwene.

1 Korintu 13:7

kuliakufuka yuma yeswe, kuliakufuliela yuma yeswe, kuliakutalatala yuma yeswe, kuliakunyongonona mu yuma yeswe.

Galashia 6:2

Limbachilenu yilemu umwe hali mukwo, ni chocho munumanununa shimbi ya Kristu.

Efesu 1:4

nikulita ngwe atutongwele muli iye, shimbu te kanda asela fundamentu ya hashi, hanga tukapwe asandu, kutushi kapalia kumeso jenyi.

Kolosu 1:11

nukalikoleze ni tachi jeswe nikulita ni ndundo ja uhenya wenyi, hanga nukapwe ni utunu weswe ni uhomboloji hamwe ni uwahililo:

1 Timoteu 6:11

Alioze yena, mutu wa Zambi, China yino yuma; ukakaule ululi, ni uwayilo, ni Ufulielo, ni zango, ni utunu, ni kushimbika.

2 Timoteu 2:25

ni Spiritu ya kushimbika, afumbe waze akulimika; kachi hanji Zambi makaaha kulikonyeka, akahete ku yinyingi ya umwenemwene.

Tiangu (Jake) 1:21

Kashika, mbilenu majilo eswe ni kulumbama cha uhuka, tambulenu ni kushimbika liji lize alitumbile muli yenu, lienalio kuliakuhasa kulamwina mbunge jenu.

1 Petulu 3:15

aiioze Selenu Kristu ngwe mwe Mwene mu mbunge jenu: nukalulike matangwa eswe mukuhana kumbululo kuli mweswe manwita chikuma cha kutalatala chize chili muli yenu, hindu ni kushimbika ni woma.

1 Petulu 3:8

Ha kusula, pwenu eswe ni kunyonga chimuwika, nikulivwila vumbi umwe ni mukwo ni mukwo, akwa kulizanga ngwe mandumbu, akwa mbunge ja vumbi, akwa mbunge ja kulikehesa.