Efesu 4:16 - MUKANDA USANDU WA ZAMBI 1975

¹⁶ Kuli iye we mujimba weswe wakusepekenya nikununga, ni chize makonekeno eswe akuhana, nikulita ni cheseko cha kulinga cha chihanda cheswe, chakuweza ku kulitatwisa cha mujimba wene mu zango.

Mukanda Wa Zambi 1970

¹⁶ Ku chiyulo chenyi yihanda yeswe ya mujimba yakusepekenya ni kununga hamuwika, ni mujimba hiunalinungu weswe wamuundu mu makonekeno jawo. Chenacho muze Chihanda cheswe muchilinga ngwe Chinatambe, mujimba weswe muutatuka ni Kulitakamisa ku zango.

Efesu 4:16 Iomraidhean Croise

Yoano 15:5

Ye vindera yami, yenu nuli mitango: yoze matwama muli yami, ni yami mungutwama muli iye, mwenawo mema mihuko yinji: mumu kunwahashile kulinga nichimwe shina ni yami.

A-ROMA 12:4

Mumu ngwe tuli ni yihanda yinji mu mujimba umuwika, ni yihanda yeswe kuyishi mulimo umuwika;

1 Korintu 10:17

Se kuyili mbolo yimuwika, yetu se tuli anji tuli mujimba umuwika: mumu yetu eswe twakuliangana ha mbolo yimuwika.

1 Korintu 13:13

Alioze haliapwila yinasala Ufulielo, kutalatala, zango, yino yitatu; ni che chahiana cha ku yino, zango.

1 Korintu 8:1

Achi, ha kutwala ku yuma yize hanayilamtula yitapo ku mahamba: tunanyingika yetu eswe yinyingi tuli nayo. Yinyingi kuyakufuza, alioze zango kuliakukolesa.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Efesu 1:4

nikulita ngwe atutongwele muli iye, shimbu te kanda asela fundamentu ya hashi, hanga tukapwe asandu, kutushi kapalia kumeso jenyi.

Efesu 3:17

hanga Kristu akatwame mu mbunge jenu ku Ufulielo; hanga yenu nikutanda miji, nukajikize mu zango;

Efesu 3:7

Ha lienalio angupwishile kavumbi, nikulita ni chawana cha vumbi lia Zambi lize anguhele, nikulita ni kulinga cha tachi jenyi.

Efesu 4:12

kululika asandu ha milimo ya uvumbiko, mukukolesa mujimba wa Kristu,

Efesu 4:15

alioze nikukakaminya ku umwenemwene mu zango, tukatatuke ni yuma yeswe kuli mwe mutwe, iye Kristu.

Filipu 1:9

Chino nakulemba, hanga zango lienu likalumbame nikuliwezela mu yinyingi yeswe ni mana;

Kolosu 2:19

Keshi kukakaminya ku mutwe, kuli iye mujimba weswe, ha kulihoka, nikulinunga ku makonekeno ni mijipa, kuwakutatuka ni kutatwisa cha Zambi.

Kolosu 2:2

hanga mbunge jo jikalilembejeke, ha kulinunga mu zango, hanga akapwe ni kulumbama cheswe cha chinyingi cha malinjekela, hanga akanyingike chijimbikilo cha Zambi, chenacho Kristu,

1 Tesalonika 1:3

Kutushi kulitwamina kwiwuluka milimo yenu ya Ufulielo, ni kukilikita chenu cha zango, ni uhumikizo wa kutalatala chenu muli Mwene wetu Yesu Kristu, kumeso ja Zambi yetu kanda Tata yetu.

1 Tesalonika 2:13

Ha chikuma chino twakusakwila kuli Zambi, nikulitwamina nichimwe, ngwe muze nwatambwile liji lia sango lia Zambi kuli yetu, nwalitambwile hi ngwe liji lia atu ko, alioze chizechene ngwe liapwa chamwenemwene, liji lia Zambi, lienalio nawa kuliakulinga kanawa muli yenu akwa kufuliela.

1 Tesalonika 3:12

Ni Mwene akanuwezele zango lia kulumbama umwe kuli mukwo, ni kuli atu eswe, chizechene ngwe yetu twakulinga kuli yenu;

2 A-TESALONIKA 1:3

Chatutamba kusakwila kuli Zambi matangwa eswe hali yenu, mandumbu, ngwe chinalite, mumu Ufulielo wenu kuwakutatuka kuhiana, ni zango umwe kuli mukwo ni mukwo hakachi ka yenu eswe kuliakuiumbama.

1 Timoteu 1:5

Alioze songo lia shimbi ngwo, Zango lia ku mbunge yitoma, ni shimbi yipema ya mbunge: ni Ufulielo uze kuushi ulembekese.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

1 Yoano 4:16

Ni yetu tunanyingika, hitunafuliela zango lize Zambi ali nalio hali yetu. Zambi iye zango, ni mweswe matwama ni zango, matwama muli Zambi, ni Zambi matwama muli iye.