Efesu 4:10 - MUKANDA USANDU WA ZAMBI 1975

¹⁰ Yoze wahulumukine mwenawo wazezukile nawa helu lia malilu eswe, hanga akazalise yuma yeswe.)

Mukanda Wa Zambi 1970

¹⁰ Yoze wahulumukine, mwenawo nawa wazezukile helu lia lilu, hanga akabwe kweswe.

Efesu 4:10 Iomraidhean Croise

Mateu 24:34

Pundu ngwami, Chisemuko chino kuchichi kahwa ndo yino yuma yeswe muyikamanunuka.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 1:16

Mumu cha ku kulumbama chenyi yetu eswe hitunatambula, ni vumbi ha vumbi.

Yoano 19:24

Aliambile kashika umwe kuli mukwo ni mukwo ngwo, Kanda tuchipula, alioze tuchitenu chela, yoze muchipwa nichenyi: hanga chisoneko chikamanunuke, chize chinambe ngwo, Alianyinyine mazalo jami hakachi ko, ni ha uzalo wami atele chela. Maswalale kashika alingile yino yuma.

Yoano 19:28

Kulutwe lia chino, Yesu, se kananyingika yuma yeswe hiyamanunuka, hanga chisoneko chikamanunuke, yamba ngwenyi, Pwila ngunevu.

Yoano 19:36

Mumu alingile yino yuma, hanga chisoneko chikamanunuke ngwo, Chifwaha chenyi nichimwe kuchichi kamakuka.

Yilinga 1:11

aze nawa ambile ngwo, Malunga A-Ngalileya, kuchi te nunamana nikutala mwilu? Yono Yesu, hamuchiza kuli yenu amutambwile mwilu, chocho kumakeza chizechene ngwe hinwamumona nikuya mwilu.

Yilinga 1:9

Muze te hamba yino yuma, shimbu machitala, amupindumwine kwilu; ni lelwa liamutambwile, liamuswekele ku meso jo.

Yilinga 2:33

Kashika se hanamunangamisa ku kwoko lia chindume lia Zambi, ni se hanatambula kuli mwe Tata chilakenyo cha Spiritu Musandu, hanazukula chino, nunamono, nunevu haliapwila.

Yilinga 3:18

alioze Zambi chocho hanamanununa chize ambulwile Shimbu-kanda ku makanwa ja aprofeta jenyi eswe ngwo, Kristu yenyi makevwa lamba.

2 Korintu 12:2

Ngunanyingika mutu muli Kristu, kumi lia miaka ni miaka yiwana kunyima, (shina mu mujimba Chanyingikine: shina haze lia mujimba Chanyingikine, Zambi kananyingika), umwe ngwe yono amupindumwine ndo mwilu mwamuchitatu.

Efesu 3:19

nikunyingika zango lia Kristu, lize Kakuhiana yinyingi, hanga nukazale tò ndo ku kuzala cheswe cha Zambi.

Kolosu 1:19

Mumu che kupwa cheswe cha Uzambi chatwama muli iye nikuwaha.

Kolosu 2:9

Mumu muli iye mwatwama kuzala tò cheswe cha Uzambi mu mujimba.

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

Hebreu 4:14

Kashika se sasendote mukwa lutwe munene tuli nenyi, yoze hanapalika ndusu mu malilu, Yesu mwe Mwana Zambi, tulalaminyenu ku kutayiza chetu.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

Hebreu 8:1

Achi, ha yuma yino tunambe, chikuma chahiana chino ngwetu, sasendote mukwa lutwe ngwe yono tuli nenyi, yoze hanatwama ku kwoko lia chindume lia ngunja ya Ulamba mu malilu,