Efesu 3:8 - MUKANDA USANDU WA ZAMBI 1975

⁸ Kuli yami, nguli mukepekepe Wahiana eswe wa kuli asandu eswe, hanangwehe vumbi lino, kwambujola hakachi ka akwa mavungu sango lipema lia upite wa Kristu, uze niumwe mahasa kuunyingika;

Mukanda Wa Zambi 1970

⁸ Yami nguli mukepe Wahiana akwa Kristu eswe. Chibwe chocho, Zambi hanangukunjika utu uno wa kwambujola kuli waze hi Ayuda ko Sango Jibema ja yiwape yahiana ya Kristu,

Efesu 3:8 Iomraidhean Croise

1 Sango Ja Mianangana 17:16

Mba mwanangana David yanjila, yatwama kumeso ja Yehova. Yamba ngwenyi, Yehova Zambi kuchi napwa yami, hanji munyachi wami kuchi wapwa wanguneha ndo kuno?

Miaso (Masamu) 31:19

Utu we walumbama, uze hiwatulikila waze akukuvwila woma. Wenawo hiwalingila atu aze aswama muli yena kumeso ja ana ja atu.

Luka 14:22

Mba ndungo wambile ngwenyi, Mwene, chize wambanga hachilinga, ni hindu mihela kuyili.

Yoano 1:16

Mumu cha ku kulumbama chenyi yetu eswe hitunatambula, ni vumbi ha vumbi.

Yilinga 5:41

O kashika akatukile kumeso ja akwa kuyula, nikuwahilila se Zambi aanyongene akwa kutela kusauka ha lie Jina.

Yilinga 9:15

Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele:

A-ROMA 11:33

E mana ni yinyingi ya Zambi, chocho yajotoka nikulumbama ngwe upite! Upatwilo wenyi keshi kuhasa kuunyonga weswe! Majila jenyi keshi kuhasa kwafunjika eswe!

A-ROMA 12:10

Ha kufwila cha mandumbu, lifwilenu ni utu umwe kuli mukwo ni mukwo; ha ulemu, eswe akaliange kuulweza kuli mukwo.

A-ROMA 2:4

Shina unalelesa kulumbama cha utu wenyi ni uhumikizo ni uhomboloji; ngwe kwanyingikine utu wa Zambi kuunakukoko Ulikonyeke.

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

1 Korintu 15:9

Mumu ami nguli mukepe Wahiana eswe a kuli apostolo, chatelele akanguvuluke ngwo, Postolo, mumu nahungumionene chikungulwila cha Zambi.

1 Korintu 2:9

Alioze nikulita ngwe chinasonewa ngwo, Yuma yize meso kayimwene, ni matwi kayivwile, kuyanjilile mu mbunge ya mutu, yuma yize hanalulika Zambi hali waze akumuzanga.

Galashia 1:16

mukusolola Mwanenyi muli yami, hanga ngukamwambujole hakachi ka akwa mavungu; haze hene chahanjikile ni atu a musunya ni manyinga,

Galashia 2:8

(mumu yoze walingile muli Petulu ha upostolo wa akwa ungalami, wapwile nikulinga muli yami ha apostolo wa akwa mavungu);

Efesu 2:7

hanga ha miaka yize muyiza kwiza, akasolole kulumbama chahiana cha vumbi lienyi ni utu kuli yetu muli Kristu Yesu.

Efesu 3:1

Ha chikuma chino yami Paulu, funge ya Kristu Yesu mumu hali yenu akwa mavungu,

Efesu 3:16

hanga akanwehe, nikulita ni kulumbama cha uhenya wenyi, kunutakamisa ni tachi kuli Spiritu yenyi muli mutu wa muchima;

Efesu 3:19

nikunyingika zango lia Kristu, lize Kakuhiana yinyingi, hanga nukazale tò ndo ku kuzala cheswe cha Zambi.

Efesu 3:2

kachi nwevwile ha uselo wa vumbi lia Zambi uze hanangwehe hali yenu;

Filipu 2:3

Kanda nulinga nichimwe ku Spiritu ya kulitachika, hanji ya uhenya wamokomoko, alioze ni mbunge ya kulikehesa, mweswe anyonge ngwenyi, Mukwetu wanguhiana.

Filipu 4:19

Chocho Zambi yami kumakanwaha yize yeswe munuhona nikulita ni upite wenyi mu uhenya muli Kristu Yesu.

Kolosu 1:27

Kuli ayo Zambi wafupile kulweza chize chapwa kulumbama cha uhenya wa chijimbikilo chino hakachi ka mavungu, chenacho Kristu muli yenu, che kutalatala cha uhenya.

1 Timoteu 1:13

chipwe napwile kunyima mukwa kushililika Zambi, mukwa kuhungumiona, mukwa kupopolola: alioze nawanyine keke, mumu nachilingile ni kwalajala, nikuhona Ufulielo.

1 Timoteu 1:15

Liji lino liatela kufuliela, linatambe kutá cheswe, ngwo, Kristu Yesu wejile hano hashi mukulamwina yivulumunyi; hakachi ko, yami nahiana.

1 Timoteu 2:7

Ha chuma chino hanangusela mukwa kwambujola ni postolo (ngunahanjika umwenemwene, chahanjikile mahuza), nguli longeshi ya akwa mavungu mu Ufulielo ni umwenemwene.

2 Timoteu 1:11

Ku lino hanangusela mukwa kwambujola, ni postolo, ni longeshi ya akwa mavungu.

Usolwelo 3:18

Ngunakwehe mana ngwami, Ulande kuli yami oru ya kusaya ku kahia, hanga ukapwe pichi, ni mahina atoma hanga uzale, hanga sonyi ja uselesele we kujichi kusoloka; ni yitumbo ya meso ya kukwita meso je, hanga umone.