Efesu 3:4 - MUKANDA USANDU WA ZAMBI 1975

⁴ hanga muze munutanga, malinjekela jami mu chijimbikilo cha Kristu akanulumbunuke;

Mukanda Wa Zambi 1970

⁴ Ni muze munwatanga, munuhasa kunyingika chinyingi chami hakutwala ku chijimbikilo cha Kristu.)

Efesu 3:4 Iomraidhean Croise

Mateu 13:11

Iye waakumbulwile, ngwenyi, Yenu hananwehecho kunyingika yijimbikilo ya wanangana wa malilu, alioze o kaahelecho.

Luka 8:10

Iye wambile ngwenyi, Hananwehecho kunyingika yijimbikilo ya wanangana wa Zambi, alioze kuli akwo yinapu ni yishima; hanga nikutala, kechi kamona, nikwivwa, kechi kanyingika.

A-ROMA 11:25

Mumu chazangile yenu, mandumbu, kwalajala ha chijimbikilo chino, kuchina munukanyama ni kutaka cha yenwene, ngwe kukalisa ha chihanda hichawana A-Izalele, ndo ku kuzala tò cha akwa mavungu muchiza:

A-ROMA 16:25

Haliapwila kuli yoze wahasa kunutakamisa, nikulita ni sango lipema lia yami ni kwambujola cha Yesu Kristu, nikulita ni usolwelo wa chijimbikilo, chize aswekele chize ku miakulwila,

1 Korintu 13:2

Chipwe mungupwa nikuprofeteza, chipwe mungunyingika yijimbikilo yeswe, ni yinyingi yeswe; chipwe mungupwa ni Ufulielo weswe, chocho munguhasa kututulula milundu, alioze kachi chishi zango, ngunapu wamokomoko.

1 Korintu 4:1

Mutu mweswe atumone ngwe tuvumbi twa Kristu, ni tuselo twa yijimbikilo ya Zambi.

2 Korintu 11:6

Alioze kachi nguli chikukumi ha kuhanjika hindu hi ha yinyingi ko. Alioze mu majila eswe hitunasolola chino kuli yenu ni yuma yeswe.

Efesu 1:9

Nikutunyingikisa chijimbikilo cha upale wenyi, nikulita ni chize chamupemena, chize waliselele kulinga muli iye mwene;

Efesu 3:3

ngwe ku usolwelo angunyingikishine chijimbikilo, nikulita ngwe nasonekene kulu ni maliji akehe,

Efesu 3:9

ngukalweze atu eswe uze wapwa uselo wa chijimbikilo, chahengamine chize ku miakulwila muli Zambi, yoze watangile yuma yeswe;

Efesu 5:32

Chijimbikilo chino chinene: alioze ngunahanjika ha kutwala kuli Kristu ni chikungulwila.

Efesu 6:19

Ni hali yami, hanga akangwehe kuhanjika, ha kupakula kanwa liami ni hamu, mukusolola yinyingi ya chijimbiko cha sango lipema,

Kolosu 1:26

Chijimbikilo chino chahengamine chize ku miakulwila ni ku yisemuko: alioze haliapwila hanachisolola kuli asandu jenyi.

Kolosu 2:2

hanga mbunge jo jikalilembejeke, ha kulinunga mu zango, hanga akapwe ni kulumbama cheswe cha chinyingi cha malinjekela, hanga akanyingike chijimbikilo cha Zambi, chenacho Kristu,

Kolosu 4:3

Lembenu ha shimbu lize liene hali yetu nawa, hanga Zambi akatwazulwile pito ha liji, mukuhanjika chijimbikilo cha Kristu, mumu ha chenacho nawa nguli mu makana;

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

1 Timoteu 3:9

akwa kulalaminya ku chijimbikilo cha Ufulielo ni shimbi yipema ya mbunge.