Efesu 2:8 - MUKANDA USANDU WA ZAMBI 1975

⁸ Mumu ku vumbi hananulamwina, ku Ufulielo; ni chino hi cha kuli yenwene ko; chawana cha Zambi;

Mukanda Wa Zambi 1970

⁸ Mumu Zambi, ku utu wenyi, hananulamwina, mumu ha ufulielo. Ulamwino uno hi wa kuli yenu ko, kuuli chawana cha Zambi.

Efesu 2:8 Iomraidhean Croise

Mateu 16:17

Yesu wamukumbulwile, ngwenyi, Kuwawaha yena, Semone, mwana Yona, musunya ni manyinga kayisolwele kuli yena, alioze Tata yoze uli mu malilu.

Mateu 20:9

Muze waze aalakenyene ha ola kumi ni kashi ejile, atambwile mutu ni mutu lumbongo.

Marku 16:16

Yoze mafuliela, mamupapachisa, kumakamulamwina; alioze yoze keshi kufuliela, kumakamuhisa.

Luka 7:50

Iye wambile kuli pwo ngwenyi, Ufulielo we hiwakulamwina; uye kanawa.

Yoano 3:36

Yoze mafuliela mwe Mwana, mwono wa mutolo kali nawo; yoze keshi kwononoka kuli mwe Mwana, kechi kamona mwono, alioze utenu wa Zambi kuwatwama hali iye.

Yoano 4:10

Yesu wamukumbulwile, ngwenyi, Kachi yena wanyingika chawana cha Zambi ni yoze unambe kuli yena ngwenyi, Ngwehe kama meya ngunwe; kachi wamwita ni kachi wakwaha meya a mwono.

Yoano 5:24

Pundu, pundu, ngunambe kuli yenu ngwami, Yoze mevwa liji liami, akafuliele yoze wangutumine, mwono wa mutolo ali nawo, kechi kanjila mu upatwilo, alioze hanakatuka ku kufwa, hananjila mu mwono.

Yoano 6:35

Yesu wambile kuli ayo ngwenyi, Mbolo ya mwono yami; yoze meza kuli yami kechi kevwa zala nichimwe, ni yoze mangufuliela yami kechi kevwa pwila nichimwe ha mwaka niumwe.

Yoano 6:37

Waze eswe Tata mangwaha, kumakeza kuli yami; ni yoze meza kuli yami chichi kamumbila haze nichimwe.

Yoano 6:40

Mumu uno we upale wa Tata, mweswawo mamona mwe Mwana, akamufuliele, akapwe ni mwono wa mutolo; mungukamuhindwisa ha tangwa lia kusula.

Yoano 6:44

Niumwe mahasa kwiza kuli yami shina mwe Tata wangutumine mamukoka; mungukamuhindwisa ha tangwa lia kusula.

Yoano 6:65

Iye wambile ngwenyi, Ha chikuma chino nambanga kuli yenu ngwami, Niumwe mahasa kwiza kuli yami shina mamwahacho kuli mwe Tata.

Yilinga 13:39

muli yono, mweswe mafuliela masamba ku yuma yize yeswe kunwahashile kusamba ku shimbi ya Mose.

Yilinga 14:27

Muze te haheta, hakungulula akwa chikungulwila, ambulwile kuli ayo yuma yize yeswe Zambi walingile no, ngwe wazulwile pito lia Ufulielo kuli akwa mavungu.

Yilinga 15:11

Alioze tunafuliela makatulamwina ku vumbi lia Mwene Yesu, chizechene ngwe ayo nawa.

Yilinga 16:14

Mba umwe pwo, jina lienyi Lindia, mukwa kutalikila mahina a ufungo, wa ku limbo lia Taiatira, mukwa kuwayila Zambi watuvwile: Mwene wazulwile mbunge yenyi kupanjika ku yuma yize ahanjikile Paulu.

Yilinga 16:31

O ambile ngwo, Fuliela Mwene Yesu Kristu, mba kumakakulamwina, yena ni akwa zuwo lie.

A-ROMA 10:14

Mba ngwe kuchi makatambika kuli yoze kamufulieleleko? Ngwe kuchi makafuliela yoze kamuvwilile liji? Ngwe kuchi makevwa shina ni mukwa kwambujola?

A-ROMA 10:17

Chocho Ufulielo unakatuka ha kwivwa sango, ni sango Unakatuka ku liji lia Kristu.

A-ROMA 4:16

Ha chikuma chino kuchapwa ku Ufulielo, hanga chikalite ni vumbi; hanga chilakenyo chikakole ku munyachi weswe; hi ku munyachi wa shimbi ko, alioze ku uze nawa wa ku Ufulielo wa Apalahama; iye tato ya yetu eswe,

A-ROMA 4:5

Alioze kuli yoze keshi kulinga, hindu mafuliela mukwa kusambisa yitanganyanyi, malula Ufulielo wenyi ha ululi.

A-ROMA 9:16

Chocho kuchapwile kuli waze mapala; chipwe cha kuli yoze mazomboka, ka; alioze cha kuli Zambi, yoze wakwivwa keke.

Galashia 3:14

Hanga uwape wa Apalahama ukeze hali akwa mavungu muli Kristu Yesu; hanga tukatambule chilakenyo cha Spiritu ku Ufulielo.

Galashia 3:22

Alioze yisoneko hiyayika yuma yeswe kushi lia shili, hanga akahane chilakenyo ku Ufulielo kuli Yesu Kristu kuli waze akufuliela.

Efesu 1:19

ni uze wapwa unene Wahiana wa tachi jenyi kuli yetu akwa kufuliela, nikulita ni kulinga cha ngolo ja ndundo jenyi,

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Efesu 2:5

chipwe muze twapwile afu mu milonga yetu, hanatupwisa ni mwono hamwe ni Kristu (ku vumbi hananulamwina).

Filipu 1:29

Mumu hananwehecho ni vumbi mumu hali Kristu hi kumufuliela wika ko, alioze kwivwa lamba nawa mumu hali iye.

Kolosu 2:12

se hananufundu hamwe nenyi mu upapachiso, mu wenawo hananuhindwisa nawa hamwe nenyi ku Ufulielo ku kulinga cha Zambi, yoze wamuhindwishile hakachi ka afu.

2 A-TESALONIKA 1:9

Kumakaafwetesa ha milonga yo, kwenyeka cha mutolo muma mwa kuhandunuka kumeso ja Mwene, ni ku uhenya wa ngolo jenyi;

Hebreu 6:4

Mumu ha kutwala kuli waze apangukile kamuwika, apanjikile chawana cha mwilu, aapwishile akwa kulianyina hali Spiritu Musandu,

1 Petulu 1:5

Yenu kananufungu ni tachi ja Zambi ku Ufulielo, ha ulamwino, himausolola ha mwaka wa kusula.