Efesu 2:5 - MUKANDA USANDU WA ZAMBI 1975

⁵ chipwe muze twapwile afu mu milonga yetu, hanatupwisa ni mwono hamwe ni Kristu (ku vumbi hananulamwina).

Mukanda Wa Zambi 1970

⁵ Chibwe twabwile ngwe afu mu yitela yetu, hanatupwisa ni mwono hamwe ni Kristu. Hanatulamwina ku utu wa Zambi.

Efesu 2:5 Iomraidhean Croise

Luka 15:24

Mumu yono mwanami wapwile mufu, kali ni mwono cheka nawa; watokele, mba hamuwana. O aputukile kusehejela.

Yoano 5:21

Mumu chizechene ngwe mwe Tata kakuhindwisa afu, kakwapwisa ni mwono, chocho nawa mwe Mwana kakwapwisa ni mwono waze mapala.

Yoano 6:63

Yoze wakupwisa ni mwono, mwe Spiritu; musunya kuushi kufumbuka nichimwe; maliji aze ngunahanjika kuli yenu, Spiritu ni mwono.

Yilinga 15:11

Alioze tunafuliela makatulamwina ku vumbi lia Mwene Yesu, chizechene ngwe ayo nawa.

A-ROMA 16:20

Alioze Zambi ya sambukila kumakafwenya Satana kushi lia yiliato yenu kamunomuno. Vumbi lia Mwene wetu Yesu Kristu likapwe hamwe ni yenu eswe. Amene.

A-ROMA 3:24

Se hanatusambisa chawana ku vumbi lienyi, ku ukule uze uli muli Kristu Yesu:

A-ROMA 4:16

Ha chikuma chino kuchapwa ku Ufulielo, hanga chikalite ni vumbi; hanga chilakenyo chikakole ku munyachi weswe; hi ku munyachi wa shimbi ko, alioze ku uze nawa wa ku Ufulielo wa Apalahama; iye tato ya yetu eswe,

A-ROMA 5:10

Mumu kachi shimbu twapwile akwa kole, twawanyine ni Zambi ku kufwa cha Mwanenyi, Shinaho chikolo se hitunawane, makatulamwina ni mwono wenyi;

A-ROMA 5:6

Mumu shimbu te kutushi tachi, ha mwaka wa kulita Kristu wafwilile yitanganyanyi.

A-ROMA 5:8

Alioze Zambi kanasolola chinyingi cha zango lienyi kuli yetu, mumu shimbu te tuchili yivulumunyi, Kristu watufwilile.

A-ROMA 8:2

Mumu shimbi ya Spiritu ya mwono muli Kristu Yesu hiyinangutusula ku shimbi ya shili ni kufwa.

2 Korintu 13:14

Vumbi lia Mwene Yesu Kristu, ni zango lia Zambi, ni kuliendela cha Spiritu Musandu chikapwe hamwe ni yenu eswe.

Efesu 2:1

Ni yenu nwapwile afu mu Utanguko wenu ni mu milonga yenu,

Efesu 2:8

Mumu ku vumbi hananulamwina, ku Ufulielo; ni chino hi cha kuli yenwene ko; chawana cha Zambi;

Efesu 5:14

Kashika kanambe ngwenyi, Laula, yena uli mu tulo, uhinduke hakachi ka afu, ni Kristu makakutemukina.

Kolosu 2:13

Ni yenu, se nwapwile afu mu milonga yenu, ni mu ulima wa musunya wenu, yenu ngwami, Hananupwisa ni mwono hamwe nenyi, se hanatukonekena milonga yetu yeswe;

Titu 2:11

Mumu vumbi lia Zambi hilinasoloka, Unaneha ulamwino kuli atu eswe,

Titu 3:5

hi ku yitanga ya ululi ko, yize twalingile yetwene, aiioze nikulita ni keke yenyi yinene watulamwinyine, ku kusanyisa cha kusema chaha, ni kupwisa chaha cha Spiritu Musandu.

Usolwelo 22:21

Vumbi lia Mwene Yesu Kristu likapwe hamwe ni asandu eswe. Amene. Talentu ya oru — 59 kilos. Talentu ya prata — 44 kilos. Talentu ya unengu — 36 kilos. Efa—chisoka cha 30 kilos. Homere—ngwe 300 kilos. Hine—ngwe 6 litros. Mbate—efa — 35 litros. Kore—homere. Konkubina—Pwo umwe atwama nenyi aiioze kamumbachile. Virgem—Yoze kanda achilimona ni lunga.