Efesu 2:3 - MUKANDA USANDU WA ZAMBI 1975

³ Hakachi ko ni yetu eswe nawa ha miaka ya kunyima, twendele mu usolo wa musunya wetu, nikulinga upale wa musunya ni wa mbunge, ni ku chisemewa twapwile akwa kutambula utenu, chizechene ngwe akwo.

Mukanda Wa Zambi 1970

³ Yetu eswe twabwile nawa ngwe ayo, twendele nikulita ni usolo ubi wa uutu wetu, yitumanununa upale wa mijimba yetu ni manyonga jetu. Te Zambi kakututenukina ngwe atu akwo eswe.

Efesu 2:3 Iomraidhean Croise

Ubutukilo 5:3

Alama yatwama kulakaji lia miaka ni makumi atatu a miaka mba yasema mwana wa lunga wa kulifwa nenyi, mwe mu chano chenyi. Yamuluka jina ngwenyi, Sete.

Ubutukilo 6:5

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Jobe 14:4

Iya mahasa kuchiza chuma chipema muchima lia chuma chipi? Niumwe.

Jobe 25:4

Mba mutu kuchi mahasa kusamba kumeso ja Zambi? Yoze unasemuka kuli pwo kuchi mahasa kupema?

Miaso (Masamu) 51:5

Pundu angusemene mu uhenge. Mama wangusesekele mu shili.

Izaya 53:6

Etu eswe hitunatoko ngwe mapanga. Hitunahambuluka mutu mu jila yenyi, mutu mu jila yenyi; alioze Yehova hanamutwika iye uhenge wa yetu eswe.

Marku 4:19

alioze yipikalo ya mwaka uno, ni kwonga cha upite, ni usolo wa yuma yikwo ha kunjila, muyikeketesa lie liji, mulikunda.

Yoano 1:13

aze asemukine hi ku manyinga ko, chipwe ku upale wa musunya, chipwe ku upale wa lunga, ka, alioze kuli Zambi.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

Yilinga 14:16

iye ha yisemuko yize hiyinapalika Watayijile mavungu eswe kwenda mu majila jo ene.

A-ROMA 1:24

Kashika Zambi waakunjikile mu usolo wa mbunge jo ku luchisa, mukusaula mijimba yo hakachi ko.

A-ROMA 11:30

Mumu ngwe yenu chamwenemwene ha miaka ya kunyima kunwononokene kuli Zambi, alioze haliapwila hinunawane keke, mumu ha uhulia wo.

A-ROMA 13:14

Alioze zalenu Mwene Yesu Kristu, kanda nusela nichimwe ha musunya mukumanununa usolo wawo.

A-ROMA 2:14

(Mumu muze mavungu aze keshi shimbi, malinga ni mbunge jo yuma ya shimbi, o se keshi shimbi, kanapu shimbi kuli ayo ene;

A-ROMA 5:10

Mumu kachi shimbu twapwile akwa kole, twawanyine ni Zambi ku kufwa cha Mwanenyi, Shinaho chikolo se hitunawane, makatulamwina ni mwono wenyi;

A-ROMA 5:9

Shinaho chikolo kashika, se hanatusambisa haliapwila ni manyinga jenyi, kuli iye makatulamwina ku utenu.

A-ROMA 6:12

Kanda nutayiza shili kuyula mu mijimba yenu ya kufwa, nukononoke ku usolo wayo:

A-ROMA 7:18

Mumu ngunanyingika muli yami, te mu musunya wami, chuma chipema kuchishimo: mumu kupala nakupala, alioze kulinga chize chipema Chahashile.

A-ROMA 9:22

Kachi Zambi, kanazange kulweza utenu wenyi, nikusolola tachi jenyi, wanyongonwene ni uhomboloji wunji ni yikwachilo ya utenu alitesele ha kwonwona:

1 Korintu 4:7

Kulipwila chino, iya wakuhelecho? Chika uli nacho chize kwachitambwile? Alioze kachi wachitambwile kuchi te unalisambe ngwe kwachitambwile?

2 Korintu 7:1

Kashika se yilakenyo yino tuli nayo, akwetu a zango, tulipemesenu ku luchisa mweswe wa musunya ni Spiritu, tukamanunune usandu mu woma wa Zambi.

Galashia 3:22

Alioze yisoneko hiyayika yuma yeswe kushi lia shili, hanga akahane chilakenyo ku Ufulielo kuli Yesu Kristu kuli waze akufuliela.

Efesu 2:2

mu yenayo ha miaka ya kunyima nwendele nikulita ni ndako ya hano hashi, nikulita ni mwata wa chiyulo cha mu tetela, Spiritu yoze haliapwila wakulinga muli akwa uhulia.

Efesu 4:22

Ngwe nukazule mutu mukulu, yoze wakulipihisa nikulita ni usolo wa kwonga, nikulita ni kwenda chenu cha kunyima;

Kolosu 1:21

Ni yenu, se ha miaka ya kunyima nwahandunukine, nwapwile akwa kole mu kunyonga chenu mu yitanga yenu ya ungulungulu,

1 Tesalonika 4:13

Alioze kutwazangile nukalajale, mandumbu, ha kutwala kuli waze hanayi tulo; kunuchi kevwa chinyengo ngwe akwo waze keshi kutalatala.

1 Tesalonika 5:6

Chocho kevwe kanda tuya tulo ngwe akwo, alioze tulénu, tukeyelenu.

1 Timoteu 6:9

Alioze waze mazanga kupwa pichi, malimbuka mu cheseko, ni mu muheto, ni mu usolo wunji wa kuhulama ni wa kulemeka, uze kuwakushimbamisa atu mu kwenyeka ni mu kwonwona.

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

1 Petulu 1:14

Chizechene ngwe akwa kwononoka, kanda nulitesa ni usolo wenu wa kunyima mu kwalajala chenu:

2 Petulu 2:14

Kali ni meso a tò ni utanji, keshi kuhasa kulitwamina ku shili; nikusongojola atu aze kajikijile; nikupwa ni mbunge ja kulifumba ni kuzo; akwa shingo.

2 Petulu 2:18

Mumu nikuhanjika maliji anene a kulivwimba amokomoko, kakusondojola mu usolo wa musunya, ni ujila, waze anambe kwomboka kuli waze akwenda mu maliji a kupiangula.

1 Yoano 2:16

Mumu yize yeswe yili hano hashi, usolo wa musunya, ni usolo wa meso, ni kulizata cha mwono, hi ya kuli Tata ko, aiioze ya hano hashi.

1 Yoano 2:8

Cheka nawa shimbi yaha ngunasoneka kuli yenu; chenacho chamwenemwene muli iye ni muli yenu; mumu milima yinapalika, ni pangu liamwenemwene linapanguka kulu.