Efesu 2:2 - MUKANDA USANDU WA ZAMBI 1975

² mu yenayo ha miaka ya kunyima nwendele nikulita ni ndako ya hano hashi, nikulita ni mwata wa chiyulo cha mu tetela, Spiritu yoze haliapwila wakulinga muli akwa uhulia.

Mukanda Wa Zambi 1970

² Ha miaka yize te nwakwenda nikulita ni ndako yibi ya uutu ya hano hashi. Yinwononokena mwanangana wa tachi ja mu tetela, mwiku uze wakulinga haliabwila muli atu waze keeshi kwononokena Zambi.

Efesu 2:2 Iomraidhean Croise

Jobe 1:16

Shimbu machihanjika yikwiza mukwo ngwenyi, Kahia ka Zambi kahulumukanga kwilu nikwocha mapanga ni e ngamba nikwalalisa, yami wika nombokanga ngununehene liji.

Jobe 1:19

mba kwakatukanga umwe chijimbi munene ku puya. Kalambanga mbango jiwana ja zuwo, mba liawuzukilanga hali akweze—hafwa, yami wika nombokanga ngununehene liji.

Jobe 1:7

Yehova yamba kuli Satana ngwenyi, Kuli unakatuka? Satana yakumbulula Yehova ngwenyi, Ha kwendangana hashi, ni kujingajingaho.

Jobe 31:7

nyi lwano wami hapiasuka mu jila, mbunge yami yikakaule meso jami, hanji chipeka cheswacho hichalalaminya ku moko jami,

Miaso (Masamu) 17:14

Ngulamwine kuli atu, yena Yehova, ni kwoko lie kuli atu a hano hashi, waze ali ni chihanda cho mu mwono uno. Wakukuchisa majimo jo ni yuma ye yipema ya kusweka. Hanayuku ni ana, kakuhichika upite wo kuli ana jo.

Izaya 30:1

Yehova kanambe ngwenyi, Lamba kuli e ana a uhulia, waze akulinga nikulita ni kuhala, alioze hi kuhala cha yami ko. Kakukolesa usendo alioze hi wa Spiritu yami ko hanga akaweze mulonga ha mulonga.

Izaya 57:4

Neya unahehe? Kuli iya unapakwila kanwa lie nikwawila mwau, ni kutuhwisa limi lie? Ngwami, Nuli ana ja Utanguko, nwasemukine mu kwonga.

Jeremia 23:10

Mumu chifuchi hichazala ni yitanji. Mumu chifuchi chinalinyenge ha mukunda wa shingo; kelo ja ku puya hijoma. Jila yo yipi; ngolo jo kujalulamine.

Hosea 10:9

Enu A-Izalele, chize ku matangwa a Ngibia hinwavulumuna. Kwenako halikoleza nacho. Jita kuyichi kaawana te mu Ngibia?

Alevi 11:16

ni kakulu, ni chambamba, ni ngavota, ni chikoji nikulita ni vungu lienyi,

Mateu 11:19

Mwe Mwana Mutu wejile nikulia, nikunwa, o mamba ngwo, Chipulutu, mukwa kuzengewa, kasendo ka akwa kufwetesa lijimu ni yivulumunyi! Alioze mana hanasambe hali ana jenyi.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Mateu 13:38

munda he hano hashi; mbuto yipema yino, ana a wanangana; mwambu wamokomoko ana a mwe mupi.

Marku 4:19

alioze yipikalo ya mwaka uno, ni kwonga cha upite, ni usolo wa yuma yikwo ha kunjila, muyikeketesa lie liji, mulikunda.

Luka 16:8

Mwene wenyi wahalishile kaselo ka uhenge, mumu walingile ni ukanyame, mumu akwa mwaka uno ha chisemuko cho ene kanakanyama kuhiana akwa pangu.

Luka 22:31

Mba Mwene wambile ngwenyi, Semone, Semone, tala, Satana hananufupu hanga akanusale ngwe tiliku.

Yoano 12:31

Haliapwila upatwilo wa hashi hiweza; haliapwila kumambila haze mwata wa hashi.

Yoano 13:2

Shimbu machilia, Ndiapu se hanachise kulu mu mbunge ya Yundase Ka-Keriote mwana Semone, amukunjike.

Yoano 13:27

Kulutwe lia lupapa, hohene Satana wanjilile muli iye. Yesu kashika yamba kuli iye ngwenyi, Chize mulinga, linga nikawashi.

Yoano 14:30

Chichi kuhanjika chinji nawa ni yenu, mumu mwata wa hano hashi meza: keshi nichimwe muli yami;

Yoano 15:19

Kachi yenu nwapwa akwa hashi kachi akwa hashi mazanga nio ene: alioze mumu yenu hi nuli akwa hashi ko, alioze nanutongwele kuli akwa hashi, kashika akwa hashi kakunuvwila kole.

Yoano 16:11

ha kutwala ku upatwilo, mumu hapatwila mwata wa hano hashi.

Yoano 7:7

Akwa hashi kahashile kunuvwila kole; alioze yami kakunguvwila kole, mumu nakushindakenya hali ayo, ngwami, Yitanga yo ya ungulungulu.

Yoano 8:23

Iye wambile kuli ayo ngwenyi, Yenu nuli a mushi; yami nguli wa mwilu: yenu nuli akwa hashi; yami hi nguli mukwa hashi ko.

Yoano 8:44

Yenu nuli a kuli tatenu Ndiapu, nwakuzanga kulinga usolo wa tatenu. Iye wapwile chingalwe chize ku uputukilo, kamanyine mu umwenemwene, mumu umwenemwene wakuhi muli iye, niumwe. Muze mahanjika mahuza, kanahanjika nichenyi mwene; mumu iye mukwa mahuza ni mwe tato ya mahuza.

Yilinga 19:35

Muze te mukwa kusonyeka wa limbo hatulwisa mbunga, yamba ngwenyi, Yenu malunga A-Efwesu, mutu muka kanyingikine ngwenyi, Limbo lia A-Efwesu mwe mukwa kufunga tembele ya Ndiana munene, ni kaponya kenyi yoze waholokele mwilu.

Yilinga 5:3

Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda?

A-ROMA 12:2

Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.

1 Korintu 5:10

chambile ni yitanji a hano hashi, hanji ni akwa kwivwa kuzo, hanji akwa Tututu, hanji ni akwa kukombelela mahamba; nyi chocho, kachi Chanutamba kukatuka hano hashi;

1 Korintu 6:11

Ngwe wano amwe a kuli yenu nwapwile: alioze hananusanyisa, alioze hananusela ku usandu, alioze hananusambisa mu jina lia Mwene Yesu Kristu, muli Spiritu ya Zambi yetu.

2 Korintu 4:4

muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo.

Galashia 1:4

yoze waliechele ha milonga yetu, hanga akatupulule ku mwakono upi, nikulita ni upale wa Zambi kanda Tata yetu.

Efesu 1:21

helu lia mawanangana eswe ni yiyulo yeswe, ni tachi jeswe, ni wene weswe, ni majina eswe waze anaavuluka hi ha mwakono wika ko, alioze ha uze muwizaho nawa.

Efesu 2:11

Kashika iwulukenu, ngwe yenu ha miaka ya kunyima nwapwile mavungu mu musunya, waze akwavuluka ngwo, Ulima kuli waze akwavuluka ngwo, Ungalami mu musunya wakulinga ni moko.

Efesu 2:13

Alioze haliapwila muli Kristu Yesu, yenu ha miaka ya kunyima nwapwile kusuku, hananukundamisa mumu ha manyinga ja Kristu.

Efesu 2:3

Hakachi ko ni yetu eswe nawa ha miaka ya kunyima, twendele mu usolo wa musunya wetu, nikulinga upale wa musunya ni wa mbunge, ni ku chisemewa twapwile akwa kutambula utenu, chizechene ngwe akwo.

Efesu 4:17

Kashika chino ngunambe, ngunashindakenya muli Mwene ngwami, Kanda nukenda nawa ngwe mavungu akwenda mu kunyonga cho chamokomoko,

Efesu 4:22

Ngwe nukazule mutu mukulu, yoze wakulipihisa nikulita ni usolo wa kwonga, nikulita ni kwenda chenu cha kunyima;

Efesu 5:6

Niumwe kanda akanwonga ni maliji amokomoko: mumu ha yino yuma utenu wa Zambi kumuwiza hali akwa uhulia.

Efesu 5:8

Mumu yenu nwapwile milima ha miaka ya kunyima, alioze haliapwila nuli pangu muli Mwene: endenu chizechene ngwe akwa pangu,

Efesu 6:12

Mumu kulinjika chetu hi cha kulimika ni atu a musunya ni manyinga ko, alioze cha kulimika ni mawanangana, cha kulimika ni yiyulo, cha kulimika ni ene ja milima ya mwakono, cha kulimika ni maspiritu ja ungulungulu mu malilu.

Kolosu 1:21

Ni yenu, se ha miaka ya kunyima nwahandunukine, nwapwile akwa kole mu kunyonga chenu mu yitanga yenu ya ungulungulu,

2 Timoteu 4:10

mumu Ndima hanangwehuka, mumu kanafwila yuma ya mwakono, hanayi ku Tesalonika; Cresene hanayi ku Ngalashia, Titu hanayi ku Ndalamashia.

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.

Tiangu (Jake) 1:7

Mumu yoze mutu kanda akashinginyeka ngwe makatambula chuma chimwe kuli mwe Mwene.

Tiangu (Jake) 4:4

Yenu yitanji, kunwanyingikine kufwila cha hano hashi, kole kuli Zambi, nyi? Kashika mweswe mapala kupwa kasendo ka akwa hashi, malipwisa mukwa kole kuli Zambi.

1 Petulu 1:14

Chizechene ngwe akwa kwononoka, kanda nulitesa ni usolo wenu wa kunyima mu kwalajala chenu:

1 Petulu 4:3

Mumu kunahu hali yenu miaka yize yapalika kulinga upale wa akwa mavungu, nikwenda mu ujila, ni usolo, ni kunwa vinyu, ni chimbangwinya, ni kunwanwa walwa, ni kukombelela cha kuzelwokesa.

2 Petulu 2:14

Kali ni meso a tò ni utanji, keshi kuhasa kulitwamina ku shili; nikusongojola atu aze kajikijile; nikupwa ni mbunge ja kulifumba ni kuzo; akwa shingo.

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.

1 Yoano 4:4

Yenu nuli a kuli Zambi, ana akepe, hinunaakumbu; mumu yoze uli muli yenu iye munene Wahiana yoze uli hano hashi.

1 Yoano 5:19

Tunanyingika yetu tuli a kuli Zambi, ni hashi heswe lukombo kuhakupomba mu chiyulo cha mwe chingulungulu.

1 Yoano 5:4

Mumu mweswawo masemuka kuli Zambi, makumba hashi: ni chino che kukumba chize hichinakumbu hashi, te Ufulielo wetu.

Usolwelo 12:9

Ni ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi; amunyashine ndo hashi, ni anyashine angelo jenyi hamwe nenyi hashi.

Usolwelo 13:14

Iye yapiangula akwa hashi mumu ha yilayi yize amuhele mukulinga kumeso ja mwe ngongo; nikwamba kuli akwa hashi akatange kaponya kuli ngongo, yoze uli ni mbandu ya katana Watwamine ni mwono.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Usolwelo 16:17

Mba mungelo wamuchishimbiali wamwangine musenge wenyi ha tetela; mwatuhukile liji linene mu tembele ya mwilu, ku ngunja, ngwo, Hichahwa.

Usolwelo 20:2

Iye wakwachile ndragau, mwe kapela wa shakulu, mwenawo Ndiapu kanda Satana, wamukashile kanunu ka miaka.