Efesu 2:12 - MUKANDA USANDU WA ZAMBI 1975

¹² Ha miaka yize nwapwile kunushi ni Kristu, tundaka ku vungu lia Izalele, ni yilambala ku usendo wa chilakenyo, ni kutalatala nichimwe, nwapwile kunushi ni Zambi hano hashi.

Mukanda Wa Zambi 1970

¹² Yenu, waze hi Ayuda ko, iwulukenu chize nwabwile kusuku ni Kristu. Nwabwile yilambala; kunwabwile ko a ku mbunga yize atongwele Zambi. Kunwabwile ko ni Chihanda ku Usendo uze Zambi alakenyene atu jenyi. Te kunwanyingikine yoze munuhasa kusa mbunge, te kunushi Zambi!

Efesu 2:12 Iomraidhean Croise

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

2 Sango Ja Mianangana 15:3

Ha shimbu linene A-Izalele hahona mwe Zambi wamwenemwene, chipwe sasendote mukwa kulongesa, chipwe shimbi.

Ezra 4:3

Alioze Zorobabele ni Yeshua ni akwo akwa lutwe mu minyachi ya atato mu Izalele yamba kuli ayo ngwo, Enu kunushi nichimwe ni yetu kutungila zuwo Zambi yetu. Yetwene ukawetu mututungila Yehova Zambi ya Izalele ngwe Siru mwanangana wa Persia hatutuma.

Kutuhuka 12:45

Ngeji ni mukwa milimo wa kufweta kanda akaliaho.

Izaya 14:1

Yehova kumakavwila keke A-Yakomba; kumakatongola cheka nawa A-Izalele, ni kwasa mu chifuchi cho ene. Chipwe tundaka malifutula no ni kulalaminya ku munyachi wa Yakomba.

Izaya 44:6

Yehova, Mwanangana wa Izalele, Mukwa-Kukula, Yehova-wa-Tujita kanambe ngwenyi, Yami mutangu ni yami kasula-songo; kukushi zambi niumwe shina yami mwene.

Izaya 45:20

Kungulukenu nwize; kundamenu hamuwika, enu kunwafwile hakachi ka akwa mavungu. Waze akumbatambata tuponya twa mitondo, nikulemba kuli umwe zambi kahashile kulamwina, o keshi yinyingi.

Izaya 61:5

Yilambala mamanamana nikulisa mapanga jenu, tundaka manulimina ni kufunga minda yenu ya uva.

Jeremia 14:8

Ena, kutalatala cha Izalele, chilamwina cho ha tangwa lia lamba, kuchi te unapu ngwe chilambala mu chifuchi, ngwe ngeji yoze majingako akapombe ufuku umuwika?

Jeremia 17:13

Yehova, yena uli kutalatala cha Izalele. Akwa kukwehuka eswe mevwa sonyi. Waze eswe makakatuka kuli yena maasoneka hashi, mumu hanehuka Yehova, lie fuji lia meya a mwono.

Ezekiel 13:9

Kwoko liami mulikalimika ni aprofeta aze akumona usolwelo wa kulionga ni waze akutaha ni mahuza. Kechi katwama mu punga ya atu jami; kechi kaasoneka mu mukanda wa munyachi wa A-Izalele, chipwe kunjila mu chifuchi cha A-Izalele; mba munukanyingika yami nguli Mwene Yehova.

Ezekiel 37:26

Mungukakolesa no usendo wa sambukila. Muukapwa usendo wa mutolo, mba mungukaawahisa, nikwaokesa; mungukasa zuwo liami lisandu hakachi ko ndo ku miaka yeswe.

Ezekiel 47:22

Munuliselacho chihinga kuli yenwene ni kuli yilambala waze hanatungu ni yenu, hanaseme ana hakachi kenu. O makapwa kuli yenu ngwe A-Izalele a chisemuko. Munukaasela chihinga hamwe ni yenu hakachi ka minyachi ya Izalele.

Hosea 3:4

Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Kwalula 18:19

Milambu yeswe ya kuzundula ya ku yuma yisandu A-Izalele matambula kuli Yehova, hingunakweheyo yena, ni kuli ana je a malunga, ni kuli ana je a mapwo hamwe ni yena, yikapwe chiyulo cha mutolo. Kuchapwa usendo wa mungwa wa mutolo kumeso ja Yehova kuli yena ni kuli ana je hamwe ni yena.

Luka 1:72

Mukulweza keke kuli tulamba twetu, mukwiwuluka usendo wenyi usandu;

Yoano 10:16

Mapanga akwo nguli no, waze hi a ku limba lino ko, waze nawa, changutamba kwaneha, kumakevwa liji liami; o kumakapwa chendo chimuwika, kafunga umuwika.

Yoano 15:5

Ye vindera yami, yenu nuli mitango: yoze matwama muli yami, ni yami mungutwama muli iye, mwenawo mema mihuko yinji: mumu kunwahashile kulinga nichimwe shina ni yami.

Yoano 4:22

Yenu nwakuwayila chize kunwanyingikine: yetu twakuwayila chize tunanyingika; mumu ulamwino wa kuli A-Yunda.

Yilinga 2:39

Mumu kuli yenu chilakenyo kuchili, ni kuli ana jenu, ni kuli waze atwama kusuku, ni kuli waze eswe mwe Mwene Zambi yetu makatambika kuli iye.

Yilinga 28:20

Kashika ha chikuma chino hinanutambika nwize kuli yami, ngunumone, nguhanjike ni yenu: mumu ha kutalatala cha akwa Izalele ngunakashiwa ni lenge lino.

Yilinga 3:25

Yenu nuli ana ja aprofeta ni ja usendo uze Zambi wakwachile ni tulamba twetu, nikwamba kuli Apalahama ngwenyi, Mu munyachi we majimo eswe a hashi kumakawaha.

A-ROMA 9:8

Te hi ana a musunya ko anapu ana a Zambi; alioze ana a chilakenyo kanaalula ngwo, Munyachi.

Galashia 4:8

Alioze ha miaka yize se kunwanyingikine Zambi, nwapwile mu undungo kuli waze ku chisemewa hi mazambi ko.

Efesu 2:19

Chocho hi nuli yilambala ni njize ko nawa, alioze enyaho-ni-akwo hamwe ni asandu ni akwa zuwo lia Zambi.

Efesu 4:18

nikulá mu kunyonga cho, kahandunuka ku mwono wa Zambi mumu ha kwalajala chize chili muli ayo, mumu ha ukalu wa mbunge jo.

Kolosu 1:21

Ni yenu, se ha miaka ya kunyima nwahandunukine, nwapwile akwa kole mu kunyonga chenu mu yitanga yenu ya ungulungulu,

Kolosu 1:27

Kuli ayo Zambi wafupile kulweza chize chapwa kulumbama cha uhenya wa chijimbikilo chino hakachi ka mavungu, chenacho Kristu muli yenu, che kutalatala cha uhenya.

Kolosu 1:5

Mumu ha kutalatala chize hananutulikila mu malilu; ha chino nwevwile kulu mu liji lia umwenemwene wa sango lipema.

1 Tesalonika 4:13

Alioze kutwazangile nukalajale, mandumbu, ha kutwala kuli waze hanayi tulo; kunuchi kevwa chinyengo ngwe akwo waze keshi kutalatala.

1 Tesalonika 4:5

Hi ni kusasaminya cha usolo ko, chizechene ngwe akwa mavungu waze kanyingikine Zambi.

2 A-TESALONIKA 2:16

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi,

1 Timoteu 1:1

Yami Paulu, postolo wa Yesu Kristu, nikulita ni chiyulo cha Zambi Chilamwina chetu, ni cha Kristu Yesu, iye kutalatala chetu;

Hebreu 11:34

ajimine tachi ja kahia, apulukile ku lutwilo wa katana, ku ulelu alikolezele, ayile ni kutakama mu jita, achinyishine yizavu ya yilambala.

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

Hebreu 8:6

Alioze haliapwila hanazuku uvumbiko wahiana, se iye chitakanyishi nawa cha usendo Wahiana, uze hanaukolesa ha yilakenyo yipema yahiana.

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.

1 Petulu 1:3

Zambi kanda Tato ya Mwene wetu Yesu Kristu afumane, yoze nikulita ni keke yenyi yinji hanatuseme chaha, tukapwe ni kutalatala cha mwono, ku Uhindukilo wa Yesu Kristu hakachi ka afu,

1 Petulu 3:15

aiioze Selenu Kristu ngwe mwe Mwene mu mbunge jenu: nukalulike matangwa eswe mukuhana kumbululo kuli mweswe manwita chikuma cha kutalatala chize chili muli yenu, hindu ni kushimbika ni woma.

1 Yoano 3:3

Ni mweswe uli ni kutalatala chino muli iye, kakulitomesa chizechene ngwe iye mutoma.