Efesu 1:8 - MUKANDA USANDU WA ZAMBI 1975

⁸ Lienalio alilumbamishine kuli yetu ni mana eswe ni ukanyame.

Mukanda Wa Zambi 1970

⁸ uze atulwezele wakulumbama! Mu mana ni malinjekela eswe

Efesu 1:8 Iomraidhean Croise

Miaso (Masamu) 104:24

Yehova, yitanga ye yoka Chichize! Yeswe wayilingile ni mana. Hashi hazala tò ni upite we.

Yishima 8:12

Yami Mana, kunatunga hamwe ni Kukanyama. Kunakuwana yinyingi waze akwiza ha kupukuna.

Izaya 52:13

Kavumbi kami mawaha mu milimo yenyi. Kumakanangama ni kuzunduka; kumakapwa kwe kwilu lume.

Mateu 11:19

Mwe Mwana Mutu wejile nikulia, nikunwa, o mamba ngwo, Chipulutu, mukwa kuzengewa, kasendo ka akwa kufwetesa lijimu ni yivulumunyi! Alioze mana hanasambe hali ana jenyi.

A-ROMA 11:33

E mana ni yinyingi ya Zambi, chocho yajotoka nikulumbama ngwe upite! Upatwilo wenyi keshi kuhasa kuunyonga weswe! Majila jenyi keshi kuhasa kwafunjika eswe!

A-ROMA 5:15

Alioze chawana cha vumbi kuchapwile ngwe we mulonga. Mumu kachi ku mulonga wa umuwika anji afwile, Shinaho chikolo, vumbi lia Zambi, ni chawana ku vumbi, lia mutu umuwika, Yesu Kristu, lialumbamine kuli anji.

1 Korintu 2:7

alioze twakuhanjika mana ja Zambi mu chijimbikilo, te mana a kuhengama, aze Zambi wafunjikile shimbu kanda kushi lia miakulwila, ha uhenya wetu.

Efesu 1:11

Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;

Efesu 1:7

Muli iye, ukule tuli nawo ku manyinga jenyi, we ukonekeno wa milonga yetu, nikulita ni kulumbama cha vumbi lienyi.

Efesu 1:9

Nikutunyingikisa chijimbikilo cha upale wenyi, nikulita ni chize chamupemena, chize waliselele kulinga muli iye mwene;

Efesu 3:10

hanga haliapwila akanyingikise mawanangana ni yiyulo mu malilu, ku chikungulwila, milali yeka ni yeka ya mana a Zambi.

Kolosu 2:3

yoze muli iye upite weswe wa mana ni yinyingi kuwahengama.

Yuda 1:25

Kuli Zambi umuwika, Chilamwina chetu, mu jina lia Yesu Kristu Mwene wetu, uhenya, ni ulamba, ni ndundo, ni yiyulo, yikapwe kushi ku miaka ya mutolo, ni haliapwila, ni ndo ku miaka ya mutolo. Amene.

Usolwelo 5:12

Kanambe ni liji linene ngwo, Mwe Mwana-panga yoze hanamushihi katela kutambula tachi, ni upite, ni mana, ni ngolo, ni ulemu, ni uhenya, ni lufuma.