Efesu 1:6 - MUKANDA USANDU WA ZAMBI 1975

⁶ ku uhaliso wa uhenya wa vumbi lienyi, mu lienalio hanatuvumbisa muli yoze anamuzange chikolo.

Mukanda Wa Zambi 1970

⁶ Halisenu Zambi mumu ha utu wenyi Wahiana, ni chawana chenyi chakulumbama chize atuhele mu kuliendela ni Mwanenyi.

Efesu 1:6 Iomraidhean Croise

Miaso (Masamu) 22:20

Pulula kama mbunge yami ku katana; pulula kama yoze ngunamuzange chikolo ku ndundo ja tuwa.

Miaso (Masamu) 60:5

Utukumbulule, utulamwine ni kwoko lie lia chindume, hanga yoze unamuzange akapuluke.

Yishima 16:4

Yuma yeswe Yehova hayitengela milimo yayo; ewa chipwe yingulungulu haasela tangwa lia yipi.

Izaya 42:1

Talenu kavumbi kami yoze ngunamukundwiza, yoze wa kusakula kuli yami, mbunge yami yinawahilila muli iye. Hinamusa Spiritu yami, kumakasolola ululi kuli akwa mavungu.

Izaya 43:21

atu aze nawumbile hali yami mwene hanga akambulule uhaliso wami.

Izaya 61:11

Mumu chizechene ngwe mavu kakusokesa mafwo, ni munda wakusokesa yize akuwilemo, chocho Mwene Yehova masokesa ululi ni uhaliso kumeso ja mavungu eswe.

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Jeremia 23:6

Ha matangwa jenyi malamwina Yunda, ni Izalele matwama ni sambukila. Jina lize mamwaha ngwo, Yehova ululi wetu.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Alevi 15:15

Sasendote maalambula, umwe akapwe mulambu ha shili, mukwo akapwe mulambu wa kulumba. Chocho sasendote mamufukila ha kuhita chenyi kumeso ja Yehova.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Mateu 17:5

Shimbu te machihanjika, lelwa lia kutemuka liaazulaminyine Chizulie, ni liji liatuhukile mu lelwa ngwo, Yono mwe Mwanami, ngunamuzange chikolo, muli iye ngunawahilila; mwivwenu.

Mateu 20:9

Muze waze aalakenyene ha ola kumi ni kashi ejile, atambwile mutu ni mutu lumbongo.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

Luka 2:14

Uhenya kuli Zambi mwilu mwahiana, Hano hashi sambukila hakachi ka atu akumuwahila.

Yoano 10:17

Kashika mwe Tata kakunguzanga, mumu mungutumbika mwono wami, hanga ngukawande cheka nawa.

Yoano 3:35

Mwe Tata kakuzanga mwe Mwana; hanakunjika yuma yeswe mu kwoko lienyi.

A-ROMA 8:1

Kashika uhiso wakuhi niumwe haliapwila kuli waze ali muli Kristu Yesu.

2 Korintu 4:15

Mumu yuma yeswe yinapu mumu hali yenu, hanga lie vumbi nikwoka kuli anji, likalumbamise kusakwila ha uhenya wa Zambi.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Efesu 1:12

hanga tukapwe ku uhaliso wa uhenya wenyi, yetu, twaliangile kutalatala kuli Kristu.

Efesu 1:14

Iye che chifungo cha chihinga chetu ndo ku ukule wa upite wa Zambi mwene, ku uhaliso wa uhenya wenyi.

Efesu 1:18

meso ja mbunge jenu akapanguluke, hanga nukanyingike chize chapwa kutalatala cha kutambika chenyi, chize chapwa kulumbama cha uhenya wa chihinga chenyi muli asandu;

Efesu 2:7

hanga ha miaka yize muyiza kwiza, akasolole kulumbama chahiana cha vumbi lienyi ni utu kuli yetu muli Kristu Yesu.

Filipu 1:11

nukazale tò ni mihuko ya ululi, yize ya kuli Yesu Kristu, ku uhenya ni uhaliso wa Zambi.

Filipu 3:9

hanga akanguwane muli iye, hi ni ululi wa yami mwene ko, uze wa ku shimbi, alioze uze wa ku Ufulielo kuli Kristu, ululi uze wa kuli Zambi ku Ufulielo,

Filipu 4:19

Chocho Zambi yami kumakanwaha yize yeswe munuhona nikulita ni upite wenyi mu uhenya muli Kristu Yesu.

Kolosu 1:13

mwenawo hanatupulula ku chiyulo cha milima, hanatututulwila ku wanangana wa mwe Mwana wa zango lienyi.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

1 Petulu 4:11

Kachi umwe mahanjika ahanjike ngwe iye liji lia Zambi; kachi umwe mavumbika, avumbike ngwe ku ngolo jize akumwaha Zambi: hanga mu yuma yeswe achichimieke Zambi ku tachi ja Yesu Kristu, yoze uhenya ni ndundo niyenyi ndo ku miaka yeswe ya mutolo. Amene.