Efesu 1:4 - MUKANDA USANDU WA ZAMBI 1975

⁴ nikulita ngwe atutongwele muli iye, shimbu te kanda asela fundamentu ya hashi, hanga tukapwe asandu, kutushi kapalia kumeso jenyi.

Mukanda Wa Zambi 1970

⁴ Muze te kanda achitanga hashi, Zambi watutongwele kulu ha kubwa atu jenyi mu kulinunga ni Kristu, hanga tukabwe akwa kulinanga, kutushi kapalia ku meso jenyi. Mu zango lienyi,

Efesu 1:4 Iomraidhean Croise

2 Samuel 22:24

Napwile mungunu nawa kumeso jenyi, nalifungile ku uhenge wami.

Miaso (Masamu) 135:4

Mumu Yehova hanatongola Yakomba akapwe niwenyi. Hanatongola Izalele akapwe upite wa iye mwene wika.

Izaya 42:1

Talenu kavumbi kami yoze ngunamukundwiza, yoze wa kusakula kuli yami, mbunge yami yinawahilila muli iye. Hinamusa Spiritu yami, kumakasolola ululi kuli akwa mavungu.

Alevi 19:2

Amba ku chikungulwila cheswe cha A-Izalele ngwe, Pwenu asandu mumu yami Yehova Zambi yenu nguli musandu.

Alevi 20:7

Liselenu kuli yami kashika. Pwenu asandu mumu yami Yehova Zambi yenu.

Mateu 24:22

Nyi kachi matangwa aze kaatepulwileko, kachi mutu niumwe malilamwina; alioze mumu hali waze hanaatongola, matangwa aze kumakatepuluka.

Mateu 24:24

Mumu akristu a kwonga ni aprofeta a kwonga kumakasoloka, no makasolola yilayi yinene ni yikomokeso; hanga nyi machihasa, akapiangule chipwe waze hanaatongola.

Mateu 24:31

Kumakatuma angelo jenyi ni liji linene lia chitavwi, no makakungulula waze hanaatongola kuli iye ku fuji jiwana, ku songo limwe lia malilu ndo ku songo likwo.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Yoano 10:16

Mapanga akwo nguli no, waze hi a ku limba lino ko, waze nawa, changutamba kwaneha, kumakevwa liji liami; o kumakapwa chendo chimuwika, kafunga umuwika.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 17:24

Tata, ngunazange waze nawa hiunangwehe akapwe hamwe ni yami kuze nguli, hanga akatale uhenya wami, uze wanguhele; mumu wanguzangile shimbu kanda asela fundamentu ya hashi.

Yilinga 13:48

Shimbu akwa mavungu evwile chino, awahililile, achichimiekene liji lia Mwene: ni waze eswe Zambi waafunjikile ku mwono wa mutolo afulielele.

Yilinga 15:18

Zambi kananyingika yitanga yenyi yeswe chize ku miakulwila.

Yilinga 18:10

mumu nguli hamwe ni yena, ni mutu niumwe kechi kakukwata mukukulinga chipi: mumu atu anji nguli no mu limbo lino.

A-ROMA 8:33

Iya masuma mulonga waze hanaatongola Zambi? Ngwetu, Zambi yoze wakusambisa, nyi?

1 Korintu 1:8

Yoze nawa kumakanukolesa ndo ku songo, hanga nukasambe ha tangwa lia Mwene wetu Yesu Kristu.

Galashia 5:13

Mumu anutambikile, mandumbu, nukatusuke; chino wika, kanda nukalumuna kutusuka chenu kaliongelo ka kulingila musunya, alioze ku zango lilingilenu umwe ni mukwo.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Efesu 3:17

hanga Kristu akatwame mu mbunge jenu ku Ufulielo; hanga yenu nikutanda miji, nukajikize mu zango;

Efesu 4:2

ni mbunge yeswe ya kulikehesa, ni umbovu, hamwe ni uhomboloji, nikulihumikiza umwe kuli mukwo mu zango,

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Efesu 5:27

hanga akatumbikile chikungulwila kuli iye mwene, cha uhenya, kuchishi chipeka, hanji mukanya, hanji chuma chimwe ngwe chino; alioze hanga chikapwe chisandu, kuchishi kapalia.

Filipu 2:15

hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo.

Kolosu 1:22

hindu haliapwila hananuwanyisa mu mujimba wa musunya ku kufwa, mukunutumbikila ku usandu, kunushi kapalia, akwa kusamba kumeso jenyi.

Kolosu 2:2

hanga mbunge jo jikalilembejeke, ha kulinunga mu zango, hanga akapwe ni kulumbama cheswe cha chinyingi cha malinjekela, hanga akanyingike chijimbikilo cha Zambi, chenacho Kristu,

Kolosu 3:12

Kashika ngwe ana aze hanaatongola Zambi, asandu, waze kanaazange chikolo, zalenu mbunge ja keke, ni utu, ni mbunge ja kulikehesa, ni kushimbika, ni uhomboloji;

1 Tesalonika 3:12

Ni Mwene akanuwezele zango lia kulumbama umwe kuli mukwo, ni kuli atu eswe, chizechene ngwe yetu twakulinga kuli yenu;

1 Tesalonika 4:7

Mumu Zambi hanatutambika hi mukulinga luchisa ko, alioze ku usandu.

2 Timoteu 1:9

yoze hanatulamwina, hanatutambika ni kutambika chisandu, hi nikulita ni yitanga yetu ko, alioze nikulita ni upale wenyi mwene ni vumbi lienyi, lize atuhele shimbu miaka kanda yipwa.

2 Timoteu 2:10

Ha chikuma chino nakunyongonona mu yuma yeswe, mumu hali waze hanaatongola, hanga akazuke ulamwino uze uli muli Kristu Yesu, hamwe ni uhenya wa mutolo.

2 Timoteu 2:19

Hindu fundamentu yingunu ya Zambi kuyakola, yikwete Chijikilo chino ngwo, Mwene kananyingika ninyenyi; chikwo ngwo, Mweswe mavuloka jina lia Mwene akakatuke ku uhenge.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

1 Petulu 1:2

waze hanaatongola nikulita ni chinyingi cha kulutwe cha Zambi Tata, nikulita ni tachi ja Spiritu, ha kutusela ku usandu hanga twononoke, atusapwile ni manyinga a Yesu Kristu: Vumbi kuli yenu ni sambukila yikalumbame.

1 Petulu 1:20

Amunyingikine chamwenemwene shimbu kanda asela fundamentu ya hashi, aiioze hanamusolola ha kusula songo lia miaka mumu hali yenu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

2 Petulu 3:14

Kashika, akwetu a zango, se nwakutalatala yino yuma, lipupwisenu hanga akanuwane kuli iye ni sambukila, kunushi chipeka hanji kapalia.

1 Yoano 4:16

Ni yetu tunanyingika, hitunafuliela zango lize Zambi ali nalio hali yetu. Zambi iye zango, ni mweswe matwama ni zango, matwama muli Zambi, ni Zambi matwama muli iye.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Usolwelo 17:8

Ngongo yoze hiwamona, wapwile, keshiho; himakanduka mu jondo, maya ku kwonwona. Ni akwa hashi, waze majina jo kasonewene chize ku kusela cha fundamentu ya hashi mu mukanda wa mwono, makakomoka muze mamona ngongo yoze wapwile, keshiho, makeza.