Efesu 1:3 - MUKANDA USANDU WA ZAMBI 1975

³ Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

Mukanda Wa Zambi 1970

³ Tusakwililenu Zambi kanda Tato ya Mwene wetu Yesu Kristu! Hanatuwahisa mu kulinunga chetu ni Kristu ni kutwaha yiwape yeswe ya mwilu ya uzambi.

Efesu 1:3 Iomraidhean Croise

Ubutukilo 14:20

Chikwo nawa, Zambi Chitunda akafumane, Iye hanakunjika akwa kole je mu kwoko lie. Mba Apalama yamwaha chihanda chimuwika ha yihanda kumi ya ku yuma yeswe.

Ubutukilo 22:18

Mu munyachi we makawahisa mavungu eswe a hashi, mumu hiunononoka ku liji liami.

1 Sango Ja Mianangana 29:20

David yamba kuli akwa chikungulwila eswe ngwenyi, Haliapwila hiwahisenu Yehova Zambi yenu. Mba akwa chikungulwila eswe yalemesa Yehova Zambi ya tulamba two. Yahetamisa mitwe yo ni kuwayila Yehova ni mwe mwanangana.

1 Sango Ja Mianangana 4:10

Jabeze yatambika ha jina lia Zambi ya Izalele ngwenyi, Nguwahisenu pundu ni kutohesa njiza yami. Kwoko lie likapwe hamwe ni yami ungufunge ku yipi; kanda yinguvwisa chinyengo. Mba Zambi walingile chize wechile.

2 Sango Ja Mianangana 31:8

Muze Hezekia ni alemu heza, yamona milumba, yawahisa Yehova ni atu jenyi A-Izalele.

Nehemia 9:5

Mba A-Levi, Yeshua, ni Kamiele, ni Mbani, ni Hashabania, ni Sherebia, ni Hodia, ni Shebania, ni Petahia yamba ngwo, Manenu nukafumanyise Yehova Zambi yenu chize ku miaka yeswe ndo ku miaka yeswe. Jina lie lia uhenya, lize liatunda helu lia ulemeso weswe ni uhaliso weswe, likafumane.

Miaso (Masamu) 134:3

Yehova mu Zaione akuwahise; yoze watangile lilu ni hashi.

Miaso (Masamu) 72:17

Jina lienyi kumulikalinduluka lia mutolo; jina lienyi kumulikalinduluka miaka yeswe tangwa mulikalinduluka. Atu eswe makaawahisa muli iye. Mavungu eswe makamuvuluka ngwo, Kawaha.

Miaso (Masamu) 72:19

Jina lienyi lilemu likafumane ku miaka ya mutolo. Hashi heswe hakazale tò ni ulemu wenyi. Amene ni Amene.

Izaya 61:9

Ana jo makaanyingika hakachi ka mavungu; waze masemuka kuli ayo makaanyingika hakachi ka minyachi. Waze eswe makaamona makaatayiza ngwo, Atu a kuwahisa kuli Yehova.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Luka 2:28

hohene wamutambwile mu moko jenyi, wachichimiekene Zambi ngwenyi,

Yoano 14:20

Ha tangwa lize kumunukanyingika, yami nguli muli Tata, ni yenu muli yami, ni yami muli yenu.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

Yoano 20:17

Yesu yamba kuli iye ngwenyi, Kanda ungukwata; mumu kanda nguchizezuka kuli mwe Tata: alioze yako kuli mandumbu jami, ukambe kuli ayo ngwe, Munguzezuka kuli Tata kanda Tatenu, ni Zambi yami kanda Zambi yenu.

A-ROMA 12:5

chocho yetu, tuli anji, tunapu mujimba umuwika muli Kristu, ni eswe, mutu ni mutu, chihanda chimwe cha mukwo ni mukwo.

A-ROMA 15:6

hanga ni mbunge yimuwika ni kanwa limuwika, nukachichimieke Zambi kanda Tato ya Mwene wetu Yesu Kristu.

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

1 Korintu 12:12

Mumu chizechene ngwe mujimba unapu umuwika, ni yihanda yinji ukwete, ni yihanda yeswe ya mujimba nikupwa yinji yinapu mujimba umuwika; chocho nawa Kristu.

2 Korintu 1:3

Zambi kanda Tato ya Mwene wetu Yesu Kristu akafumane, Tato ya keke, kanda Zambi ya kulembejeka cheswe;

2 Korintu 11:31

Zambi kanda Tato ya Mwene Yesu Kristu, yoze wafumuna ndo ku miaka ya mutolo, kananyingika chishi kuhanjika mahuza.

2 Korintu 5:17

Kashika kachi umwe mapwa muli Kristu, kachi iye chitanga chaha; yuma yikulu hiyinahu; yuma yeswe yinapu yaha.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Galashia 3:9

Chocho akwa Ufulielo haawahisa hamwe ni Apalahama mwe mukwa ufulielo.

Efesu 1:10

ndo ku kuyula cha kumanunuka cha miaka, hanga akaswise yuma yeswe muli Kristu, yuma yize yili mu malilu, ni yuma yize yili hano hashi, muli iye ngwami.

Efesu 1:17

hanga Zambi ya Mwene wetu Yesu Kristu, Tato ya uhenya, akanwehe spiritu ya mana ni usolwelo mu yinyingi yeswe ya iye;

Efesu 1:20

jize walingile muli Kristu muze amuhindwishile hakachi ka afu, muze amutwamishine ku kwoko lienyi lia chindume mu malilu,

Efesu 2:6

Hanatuhindwisa hamwe nenyi; hanatutwamisa hamwe nenyi mu malilu muli Kristu Yesu;

Efesu 3:10

hanga haliapwila akanyingikise mawanangana ni yiyulo mu malilu, ku chikungulwila, milali yeka ni yeka ya mana a Zambi.

Efesu 6:12

Mumu kulinjika chetu hi cha kulimika ni atu a musunya ni manyinga ko, alioze cha kulimika ni mawanangana, cha kulimika ni yiyulo, cha kulimika ni ene ja milima ya mwakono, cha kulimika ni maspiritu ja ungulungulu mu malilu.

Filipu 2:11

hanga malimi eswe akatayize ngwo, Yesu Kristu iye mwe Mwene, akachichimieke Zambi Tata.

Hebreu 8:5

(Waze akulingila chilweza ni Chizulie cha yuma ya mwilu, ngwe Zambi watumbile Mose, muze aputukile kutunga mbalaka: mumu kanambe ngwenyi, Tala ukatunge yuma yeswe nikulita ni cheseko chize hanakulweze ha mulundu.)

Hebreu 9:23

Chatamba kashika apemese yizulie ya yuma mu malilu ni yino; aiioze yuma ya mwilu yene ni yitapo yipema yahiana.

1 Petulu 1:3

Zambi kanda Tato ya Mwene wetu Yesu Kristu afumane, yoze nikulita ni keke yenyi yinji hanatuseme chaha, tukapwe ni kutalatala cha mwono, ku Uhindukilo wa Yesu Kristu hakachi ka afu,