Efesu 1:11 - MUKANDA USANDU WA ZAMBI 1975

¹¹ Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;

Mukanda Wa Zambi 1970

¹¹ Mu kulinunga chetu ni Kristu, Zambi hanatutongola shimbu kanda ha kubwa atu jenyi nikulita ni manyonga jenyi. Zambi kakulinga yuma yeswe nikulita ni chize abatwile ni chize apalile iye mwene.

Efesu 1:11 Iomraidhean Croise

Jobe 12:13

Zambi kali ni mana ni ndundo; chiyulo ni chinyingi niyenyi.

Jobe 33:29

Zambi kakulinga yino yuma yeswe kaali, katatu, kuli mutu,

Miaso (Masamu) 37:18

Yehova kananyingika matangwa ja mutu mungunu, ni chihinga chenyi muchipwa cha mutolo.

Yishima 8:14

Yiyulo niyami, ni chinyingi chingunu. Malinjekela yami, ni tachi nguli najo.

Izaya 25:1

Yehova, yena uli Zambi yami; mungukunangamisa, munguhalisa jina lie; mumu hiwalinga yikomokeso, yuma ya kufunjika kushi, yuma yamwenemwene, yuma ya pundu.

Izaya 28:29

Chino nawa chinakatuka kuli Yehova-wa-Tujita. Iye Wahiana ha kulongesa mana, yinyingi yenyi ye yipema.

Izaya 5:19

Kakwamba ngwo, Atambukeko, apupwise milimo yenyi hanga tukayimone. Upale wa mwe Musandu wa Izalele Ukundame, wize tuunyingike!

Jeremia 23:18

Mumu iya hakachi ko hapwa mu punga ya Yehova akanyingike akevwe liji lienyi? Iya hapanjika ku liji lienyi alivwe?

Jeremia 32:19

Uli munene mu yiyulo, uli wa ndundo mu yitanga. Meso je kanalaula ku ndako jeswe ja atu, nikwononona mutu mweswe nikulita ni ndako jenyi, nikulita ni mihuko ya yitanga yenyi.

Zakaria 6:13

Iye mwene makatungisa tembele ya Yehova; uhenya wa wanangana muukapwila hali iye, mba makatwama nikuyula ha ngunja yenyi. Ku ngunja yenyi kumukukapwa sasendote; hakachi ko aali makalitesa ni sambukila.

Yilinga 13:48

Shimbu akwa mavungu evwile chino, awahililile, achichimiekene liji lia Mwene: ni waze eswe Zambi waafunjikile ku mwono wa mutolo afulielele.

Yilinga 2:23

iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

Yilinga 20:27

Mumu chalitwaminyine kwambujola kuli yenu mana eswe a Zambi.

Yilinga 20:32

Haliapwila ngunanukunjika kuli Zambi, ni ku liji lia vumbi lienyi, lize Unahase kunukolesa, nikunwaha chihinga hakachi ka waze hanaasela ku usandu.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

Yilinga 4:28

mukulinga cheswacho kwoko lie ni mana je afunjikile Shimbu-kanda.

A-ROMA 11:34

Mumu iya hananyingika kunyonga cha Mwene? Hanji iya wapwile mukwa kumwaha mana?

A-ROMA 8:17

Nyi kachi tuli ana, kachi tuli maswana ja Zambi ni maswana-ni-akwo a Kristu; kachi chamwenemwene mutwivwa lamba hamwe nenyi, hanga tukapwe ni uhenya hamwe nenyi.

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

A-ROMA 8:29

Mumu waze waanyingikine Shimbu-kanda, waafunjikile Shimbu-kanda nawa, hanga akaatese ni kulifwa cha Mwanenyi, hanga iye akapwe mutangu hakachi ka ana akwo anji:

A-ROMA 8:30

mba waze waafunjikile Shimbu-kanda, o nawa waatambikile; ni waze iye waatambikile, o nawa waasambishile; ni waze iye waasambishile, o nawa waahele uhenya.

A-ROMA 9:11

Mumu ana te kanda asemuka, chipwe kanda alinga nichimwe chipema hanji chipi, hanga upale wa Zambi nikulita ni kutongola chenyi ukakole, hi wa ku yitanga ko, alioze wa kuli yoze wakutambika.

Galashia 3:18

Mumu kachi chihinga muchipwa cha ku shimbi, kuchichi kuhasa kupwa cha ku chilakenyo; alioze Zambi hanachihana ni vumbi kuli Apalahama ku chilakenyo.

Efesu 1:14

Iye che chifungo cha chihinga chetu ndo ku ukule wa upite wa Zambi mwene, ku uhaliso wa uhenya wenyi.

Efesu 1:18

meso ja mbunge jenu akapanguluke, hanga nukanyingike chize chapwa kutalatala cha kutambika chenyi, chize chapwa kulumbama cha uhenya wa chihinga chenyi muli asandu;

Efesu 1:5

Se watufunjikile ni zango Shimbu-kanda, hanga muli Yesu Kristu akatupwise ana kuli iye mwene, nikulita ni kuwaha cha upale wenyi,

Efesu 1:8

Lienalio alilumbamishine kuli yetu ni mana eswe ni ukanyame.

Efesu 1:9

Nikutunyingikisa chijimbikilo cha upale wenyi, nikulita ni chize chamupemena, chize waliselele kulinga muli iye mwene;

Efesu 3:11

Nikulita ni kupala chize cha ku miaka ya mutolo, chize apalile kulinga muli Kristu Yesu Mwene wetu;

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

Kolosu 1:12

nukasakwile kuli Tata, yoze hanatutesa ha kutambula chihanda cha chihinga cha asandu mu pangu;

Kolosu 3:24

Nyingikenu ngwenu, Kuli Mwene mutukatambula chihinga ha kwononona, mumu twakulingila Mwene Kristu.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Titu 3:7

hanga, se hanatusambisa ku vumbi lienyi, tukapwe maswana nikulita ni kutalatala cha mwono wa mutolo.

Hebreu 6:17

Muze mwene Zambi nikuzanga kulweza kuhiana chikolo kuli maswana ja chilakenyo, ngwe upale wenyi kuushi kuhasa kwalumuka, wachikolesele ni shingo.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

1 Petulu 1:4

tukapwe ni chihinga chingunu, kuchishi luchisa, ni chize kuchishi kujimuka, kanachifungu mu malilu hali yenu.

1 Petulu 3:9

Kanda nufwetesa yipi ni yipi, hanji kutukana ni kutukana, aiioze Shinaho ni uwape; mumu ha chino hananutambika, hanga nukahinge uwape.