Efesu 1:1 - MUKANDA USANDU WA ZAMBI 1975

¹ Yami Paulu, postolo wa Kristu Yesu ku upale wa Zambi, Kuli asandu waze ali ku Efwesu, amwenemwene muli Kristu Yesu:

Mukanda Wa Zambi 1970

¹ Yami Paulu ngunanusonekena yenu akwa Kristu waze nwatwama mu limbo lia Efesu, akwa kushishika mu kuliendela chenu ni Kristu Yesu. Ku upale wa Zambi nguli kanganda ka Kristu Yesu.

Efesu 1:1 Iomraidhean Croise

Kwalula 12:7

Kuchapwile chocho ni kavumbi kami Mose, iye mutu wa jika mu zuwo liami lieswe.

Luka 16:10

Yoze mapwa wamwenemwene ni chikepekepe, mapwa wamwenemwene nawa ni chinji: ni yoze mahengesa ni chikepekepe, mahengesa ni chinji.

Yilinga 16:15

Muze te hamupapachisa, ni akwa zuwo lienyi, waliumbile kuli yetu ngwenyi, Kachi unangumono wamwenemwene kuli Mwene, njilenu mu zuwo liami, nukatwamemo; mba watukokesele.

Yilinga 18:19

Iye wahetele ku Efwesu, waahichikileko: alioze iye mwene wanjilile mu sunangonga nikuhanjika kuli A-Yunda.

Yilinga 18:21

alioze washikile no, ngwenyi, Changutamba kuhichika yuma yeswe ngukapwe ku chiwanyino chize muchizaho ku Yerusaleme; alioze kumungukahiluka kuli yenu kachi Zambi mapala, iye wakatukile ku Efwesu nikwenda mu ulungu.

Yilinga 9:13

Ananiya wakumbulwile ngwenyi, Mwene, hingunevu kuli anji ha kutwala kuli yono lunga, ngwe yipi yinji chikolo hanalingi kuli asandu je ku Yerusaleme:

A-ROMA 1:1

Yami Paulu, ndungo ya Yesu Kristu, amutambikile postolo, amuselele ku sango lipema lia Zambi,

A-ROMA 1:7

Kuli waze eswe ali mu Roma kanaazange chikolo kuli Zambi, hanaatambika asandu: Vumbi kuli yenu ni sambukila ya kuli Zambi Tata yetu ni Mwene Yesu Kristu.

A-ROMA 8:1

Kashika uhiso wakuhi niumwe haliapwila kuli waze ali muli Kristu Yesu.

1 Korintu 4:12

twakukilikita, nikulinga milimo ni moko ja yetwene; kakututuka, etu twakuwahisa; kakutuhungumiona, etu twakulihumikiza;

1 Korintu 4:17

Ha chikuma chino natumine kuli yenu Timoteu, yoze wapwa mwanami ngunamuzange chikolo ni wamwenemwene muli Mwene, iye makanwiwulula majila jami aze ali muli Kristu, chizechene ngwe nakulongesa kweswe mu yikungulwila yeswe.

2 Korintu 1:1

Yetu, Paulu postolo wa Yesu Kristu ku upale wa Zambi, ni ndumbu Timoteu, Ku chikungulwila cha Zambi chize chili ku Korindu, hamwe ni asandu waze eswe ali mu chifuchi cha Akeya:

Galashia 1:1

Yami Paulu, postolo (hi wa kuli atu ko, hanji ku tachi ja mutu, alioze wa kuli Yesu Kristu, ni Zambi mwe Tata, yoze wamuhindwishile hakachi ka afu);

Galashia 3:26

Mumu yenu eswe muli Kristu nuli ana a Zambi ku Ufulielo.

Galashia 3:28

Kukushi Ka-Yunda hanji Ka-Ngresia, kukushi ndungo hanji mwenya chifuchi, kukushi lunga hanji pwo; mumu yenu eswe nunapu umuwika muli Kristu Yesu.

Galashia 3:9

Chocho akwa Ufulielo haawahisa hamwe ni Apalahama mwe mukwa ufulielo.

Efesu 1:15

Ha chikuma chino yami nawa, se hingunevu ha Ufulielo muli Mwene Yesu, uze uli muli yenu, ni zango lize nuli nalio kuli asandu eswe,

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Efesu 2:13

Alioze haliapwila muli Kristu Yesu, yenu ha miaka ya kunyima nwapwile kusuku, hananukundamisa mumu ha manyinga ja Kristu.

Efesu 2:6

Hanatuhindwisa hamwe nenyi; hanatutwamisa hamwe nenyi mu malilu muli Kristu Yesu;

Efesu 6:21

Alioze hanga ni yenu nawa nukanyingike chize cha kutwala kuli yami, ngwe chize ngunatwama, Techiku, ndumbwetu wa zango, ni kavumbi wamwenemwene muli Mwene, kumakanunyingikisa yuma yeswe.

Kolosu 1:2

Kuli asandu kanda mandumbu amwenemwene muli Kristu, waze atwama mu Kolosu: Vumbi kuli yenu ni sambukila ya kuli Zambi Tata.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

Usolwelo 2:13

Ngunanyingika kuze yena watwama, kuze ngunja ya Satana yili; ni yena wakulalaminya ku jina liami, kwalikalile Ufulielo wami, chipwe ha matangwa ja Andipa, chela chami wa jika, yoze amushihile hakachi kenu, kuze atwama Satana.