Daniel 9:9 - MUKANDA USANDU WA ZAMBI 1975

⁹ Kuli Mwene Zambi yetu kwatwama keke ni ukonekeno, mumu yetu hitwamukatukila.

Mukanda Wa Zambi 1970

⁹ Yena wakutuvwila keke, wakutukonekena, chibwe yetu hitunakukatukila.

Daniel 9:9 Iomraidhean Croise

2 Samuel 24:14

David yamba kuli Ngate ngwenyi, Nguli wa kupalakenya. Hapwa tuholoke mu kwoko lia Yehova, mumu keke yenyi yinene. Kanda nguholoka mu kwoko lia atu.

1 Yitanga Ya Mianangana 8:30

Panjika ku kuliumba cha kavumbi ke ni ku kuliumba cha atu je A-Izalele muze matemba nikutalikisa kuno. Panjika muze mwilu watwama, ni ha kupanjika, utokonekene kama.

Nehemia 9:31

Alioze mumu ha keke ye yeka ni yeka kwaamanunwine pundu, chipwe kwaehuka, mumu uli Zambi ya vumbi ni keke.

Miaso (Masamu) 130:4

Alioze ukonekeno ukwete, hanga akuvwile woma.

Miaso (Masamu) 130:7

Enu A-Izalele, talatalenu Yehova, mumu kuli Yehova kwatwama utu wa zango. Kuli iye kwatwama ukule wa kulumbama.

Miaso (Masamu) 62:12

Chikwo nawa, utu wa zango wapwa wa mbala wa yena mwe Mwene, mumu wakuhana kuli mutu mweswe nikulita ni milimo yenyi.

Miaso (Masamu) 86:15

Alioze yena Mwene uli Zambi wa tò ni keke ni vumbi. Kushi kutenuka nikawashi; utu wa zango lie ni umwenemwene we kuyalumbama.

Miaso (Masamu) 86:5

Mumu yena Mwene uli mupema, uli mukwa kukonekena. Utu we wa zango kuwakulumbama kuli waze eswe masanyika kuli yena.

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Izaya 63:7

Mungwambulula utu wa zango lia Yehova. Mungwambulula uhaliso wa Yehova, nikulita ni yuma yeswe Yehova hatwaha, ni yipema yize yinene hahana ku munyachi wa Izalele, yize haaha nikulita ni keke yenyi, nikulita ni kulumbama cha utu wa zango lienyi.

Jeremia 14:7

Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Ezekiel 20:13

Alioze akwa munyachi wa Izalele yangukatukila mu puya; kendele mu yiyulo yami, yalituna shimbi jami jize mutu matwama ni mwono ha kujifunga. Masambata jami aajilwile chikolo. Yingunyonga kwazukwila ufwatulo wam mu puya ngukaamanunune lume.

Daniel 9:5

etu hitwavulumuna, hitwalinga chipi, hitwalinga ungulungulu, hitwakukatukila ni kuhambuluka ku shimbi je ni yiyulo ye.

Daniel 9:6

Kutwapanjikile kuli tuvumbi twe aprofeta, waze ahanjikile mu jina lie kuli mianangana jetu, ni alemu jetu, ni tulamba twetu, ni atu eswe a chifuchi.

Daniel 9:7

Mwene, ululi unalite ni yena, alioze chize chinatute yetu, sonyi ku meso, chize tunamono musono, kuli malunga ja Yunda, ni kuli akwa Yerusaleme, ni kuli A-Izalele eswe, waze ali hakamwihi ni waze ali kusuku mu yifuchi yeswe kuze hiwaahumina mumu ha mafwefwe aze halinga ni yena.

Daniel 9:8

Mwene, kuli yetu sonyi ku meso jinatute, ni kuli mianangana jetu, ni alemu jetu, ni tulamba twetu, mumu Hitwakuvulumuna.

Yona 4:2

Yalemba kuli Yehova ngwenyi, Yehova, ngunalembe kuli yena, te chambile chino chene shimbu te nguchili mu chifuchi chami nyi? Kashika naliangile kuchinyina ku Tashi, mumu nanyingikine ngwami, Uli Zambi ya vumbi, wa tò ni keke, makoke kutenuka, mukwa kulumbamisa utu wa zango, kuwakulikonyeka ha chuma chikalu.