Daniel 9:6 - MUKANDA USANDU WA ZAMBI 1975

⁶ Kutwapanjikile kuli tuvumbi twe aprofeta, waze ahanjikile mu jina lie kuli mianangana jetu, ni alemu jetu, ni tulamba twetu, ni atu eswe a chifuchi.

Mukanda Wa Zambi 1970

⁶ Kutwabanjikile ko kuli tuvumbi twe akwa munanyi, waze ahanjikile mu jina lie kuli mianangana ni akwa kuyula jetu, ni tushakulu twetu, ni vungu lietu Heswe.

Daniel 9:6 Iomraidhean Croise

1 MIANANGANA 18:12

mumu kononokene ku liji lia Yehova Zambi yo; atangwile usendo; yuma yize yeswe Mose kavumbi ka Yehova watumine, kasolo kuyipanjika chipwe kuyilinga.

2 Sango Ja Mianangana 33:10

Yehova wahanjikile ni Manase ni kuli atu jenyi alioze kapanjikile.

Ezra 9:7

Chize ku matangwa ja tulamba hitwahia pundu ndo musono; mba ha uhenge wetu, yetu ni mianangana jetu, ni asasendote jetu, hanatukunjika ku moko ja mianangana ja yifuchi ku katana, ni ku ufunge, ni kutupupa, ni kutuhepwisa chize chapwa musono

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Nehemia 9:32

Kashika Zambi yetu, mwe Zambi munene, mukwa ndundo kole ni woma, mukwa kufunga usendo ni utu wa zango, kanda umona kukeha lamba lino lieswe hiliatushata, ni mianangana jetu, ni alemu jetu, ni asasendote jetu, ni aprofeta jetu, ni tulamba twetu, ni atu je eswe, chize ku miaka ya mianangana ja Asuria ndo musono.

Nehemia 9:34

Chipwe mianangana jetu, ni alemu jetu, ni asasendote, ni tulamba twetu kafungile shimbi je, kapanjikile ku maliji je ni Shindakenyo ye yize waámbile.

Jeremia 26:5

nukapanjike ku maliji a tuvumbi twami aprofeta, aze nakulikoleza kutuma chipwe kunwachinyongene,

Jeremia 29:19

mumu kapanjikile maliji jami, Yehova ngwenyi, Nalikolezele kutuma ni tuvumbi twami aprofeta alioze kunwapanjikile.

Jeremia 44:16

Ha kutwala ku liji lino watwaha mu jina lia Yehova, kutuchi kukupanjika.

Jeremia 7:13

Kashika haliapwila Yehova kanambe ngwenyi, Mumu hinwalinga yuma yino yeswe mba muze nahanjikile kuli yenu nikutumatuma kunwapanjikile, muze nasanyikine kunwakumbulwile,

Jeremia 7:24

Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Daniel 9:10

Kutwononokene ku liji lia Yehova Zambi yetu ha kukaula shimbi jenyi, jize asele kumeso jetu kuli tuvumbi twenyi aprofeta.

Daniel 9:9

Kuli Mwene Zambi yetu kwatwama keke ni ukonekeno, mumu yetu hitwamukatukila.

Mateu 23:37

A Yerusaleme! A Yerusaleme! Yena, wakushiha aprofeta, wakwasa mawe waze aatumine kuli yena! Yisuho yipwa haha hingunazange kukungulula ana je ngwe chali makunga ana jenyi mushi lia mapulwa jenyi, ni yenu kunwatayileko!

Yilinga 13:27

Mumu waze akutwama mu Yerusaleme, ni akwa kuyula jo, se kamusele chinyingi, chipwe kanyingikine maliji ja aprofeta aze akwatanga ha masambata eswe, aamanunwine ha kumuhisa.