Daniel 9:4 - MUKANDA USANDU WA ZAMBI 1975

⁴ Nalembele kuli Yehova Zambi yami ni kushikisa ngwami, Mwene, mwe Zambi munene kole ni woma; yena kuwakufunga usendo ni utu wa zango kuli waze akukuzanga ni kufunga shimbi je,

Mukanda Wa Zambi 1970

⁴ Yingulemba kuli Mwene Zambi ni kushikisa milonga ya atu jami. Yingwamba ngwami: “Mwene Zambi, yena uli munene, twakukulemesa. Uli wamwenemwene hakutwala ku Usendo we. Wakulweza zango lie lize kulishi kuhwa kuli waze akukuzanga ni kufunga Shimbi je.

Daniel 9:4 Iomraidhean Croise

1 Yitanga Ya Mianangana 8:23

ngwenyi, Yehova, Zambi ya Izalele kukushi niumwe Zambi ngwe yena chipwe mwilu chipwe hashi. Kuwakufunga usendo ni utu wa zango ni tuvumbi twe waze akwenda kumeso je ni mbunge jo jeswe.

2 Sango Ja Mianangana 7:14

nyi atu jami waze hinaaluka jina liami malikehesa, ni kulemba, ni kufupa meso jami, ni kukatuka ku ndako jo jipi, ami mwilu mungupanjika, mungukonekena mutonga wo, munguwuka chifuchi cho.

Ezra 10:1

Shimbu Ezera machilemba ni kushikisa, ni kulila, ni kufulamana kulutwe lia zuwo lia Zambi, kwakungulukile kuli iye mbunga yinene ya malunga ni mapwo ni ana a kuli A-Izalele, mumu atu alilile chikolo.

Nehemia 1:5

ngwami, Ngunalembe, Yehova Zambi ya mwilu, Zambi munene, kole ni woma. Kuwakukolesa usendo ni utu wa zango kuli waze akukuzanga nikufunga shimbi je.

Nehemia 9:32

Kashika Zambi yetu, mwe Zambi munene, mukwa ndundo kole ni woma, mukwa kufunga usendo ni utu wa zango, kanda umona kukeha lamba lino lieswe hiliatushata, ni mianangana jetu, ni alemu jetu, ni asasendote jetu, ni aprofeta jetu, ni tulamba twetu, ni atu je eswe, chize ku miaka ya mianangana ja Asuria ndo musono.

Miaso (Masamu) 32:5

Natayile shili yami kuli yena, uhenge wami chauswekele. Nambile ngwami, Mungushikisa uvulumunyi wami kuli Yehova mba yena wakonekenene uhenge wa shili yami.(Litulike.)

Kutuhuka 20:6

nikulweza utu wa zango kuli tununu twa waze akunguzanga, kuli waze akufunga shimbi jami.

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Daniel 6:10

Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu.

Daniel 9:3

Mba natalikishile meso jami kuli Mwene Zambi kumufupa ha kulemba ni kuliumba hamwe ni kulitwamina kulia ni yikeleyi ni uto.

Luka 1:72

Mukulweza keke kuli tulamba twetu, mukwiwuluka usendo wenyi usandu;

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

Shimbi 5:10

nikulweza utu wa zango kuli tununu twa waze akunguzanga, kuli waze akufunga shimbi jami.

Shimbi 7:12

Mba mumu te nunapanjika ku upatwilo uno ni kuufunga, ni kuulinga, kashika, Yehova Zambi yenu makafunga ni yenu we usendo ni we utu wa zango iye walishingile kuli tulamba twenu.

Shimbi 7:21

Kanda nususamiana mumu hali ayo, mumu Yehova Zambi yenu hwali hakachi kenu, Zambi munene, kole ni mwongo.

Shimbi 7:9

Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?