Daniel 9:3 - MUKANDA USANDU WA ZAMBI 1975

³ Mba natalikishile meso jami kuli Mwene Zambi kumufupa ha kulemba ni kuliumba hamwe ni kulitwamina kulia ni yikeleyi ni uto.

Mukanda Wa Zambi 1970

³ Yinguliumba kuli Mwene Zambi ni chinyengo, nikumulembela, nikulitwamina kulia, nikuzala mwanji, nikulimwangina uto.

Daniel 9:3 Iomraidhean Croise

2 Samuel 12:16

David walembelele mwana kuli Zambi. David kalile. Wanjilile nikupomba ha mavu ufuku weswe.

Ezra 10:6

Chocho Ezera yakatuka kulutwe lia zuwo lia Zambi, yanjila mu chipatulo cha Jehohana mwana Eliashipe; alioze ha kutuhu-kamo kalile, chipwe kunwa kanwine, mumu ha kulinyenga ha mulonga wa akwa unjize.

Ezra 8:21

Mba ku Lwiji Ahava nasele shimbu lia kulitwamina kulia tukalilelese kumeso ja Zambi yetu tukafupe kuli iye atwehe jila yinalulama, hali yetu, ni ana jetu, ni upite wetu weswe.

Ezra 9:5

Ha ola ya mulambu wa ngoloshi nakatukile ku kulilelesa chami, ni chikuto ni hina ya kusonya. Nazondamine ha makungunwa jami nikwolola moko jami kuli Yehova Zambi yami.

Nehemia 9:1

Ha tangwa makumi aali ni liamuchiwana lia kakweji yono A-Izalele yakunguluka nikulitwamina kulia, ni chikeleyi, ni kulikwita mavu.

Estere 4:16

Yako ukungulule A-Yunda eswe a mu Shushane alitwamine kulia hali yami. Kanda alia, kanda anwa matangwa atatu chipwe ufuku chipwe mwalwa. Ni yami ni tuvumbi twami twa mapwo mutulitwamina kulia chizechene mba chocho mungunjila kuli mwanangana. Acho kuchalitele ni shimbi, alioze nyi mungufwa, mungufwa, kwahwa.

Jobe 42:6

kashika ngunalilelesa, ngunalikonyeka mu fufuta ni uto.

Miaso (Masamu) 35:13

Alioze yami, muze ayijile nalijikile chikeleyi. Nayindamishine mbunge yami nikulitwamina kulia. Kulemba chami chahilukile mu tulo yami.

Izaya 22:12

Ha tangwa lize Mwene Yehova-wa-Tujita yatambika mutambi wa kulila ni kulishimwoka, ni kulitewula ni kuzala chikeleyi;

Jeremia 33:3

Ngusanyikenu mba mungukumbulula. Mungunulweza yuma yinene ya kuhengeka yize te kunwayinyingikine.

Ezekiel 36:37

Mwene Yehova kanambe ngwenyi, Chino nawa mungutayiza akwa munyachi wa Izalele akete kuli yami, ngukaokese malunga jo ngwe mbunga ya mapanga.

Daniel 6:10

Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu.

Daniel 9:2

ha mwaka wenyi utangu wa kuyula, yami Daniel nasele chinyingi mu mikanda, nikulita ni liji lia Yehova kuli profeta Jeremia, kwalula cha miaka yize muyipalika ndo ku songo lia kupwa Yerusaleme ya hululu—chinalumbunuka, makumi shimbiali a miaka.

Daniel 9:20

Shimbu munguchihanjika nikulemba, nikushikisa shili yami ni shili ya atu jami A-Izalele, ni kuliumba kumeso ja Yehova Zambi yami mumu ha mulundu usandu wa Zambi yami;

Daniel 9:4

Nalembele kuli Yehova Zambi yami ni kushikisa ngwami, Mwene, mwe Zambi munene kole ni woma; yena kuwakufunga usendo ni utu wa zango kuli waze akukuzanga ni kufunga shimbi je,

Joele 1:13

Enu asasendote, lijikenu yikeleyi nukalinyenge. Enu tuvumbi twa chilumbilo, lilenu mbimbi. Enu tuvumbi twa Zambi yami, tweyenu nukapombe ufuku weswe mu yikeleyi, mumu mulambu wa wunga ni mulambu wa kunwa hanayimina mu zuwo lia Zambi yenu.

Joele 2:12

Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Yona 3:5

Akwa Ninive afulielele Zambi. Yasela matangwa a kulitwamina kulia. Yazala yikeleyi chize kuli anene hakachi ko ndo kuli akepe.

Mateu 17:21

Alioze mulali uno kuushi kutuhuka shina ha kulemba ni ha kulitwamina kulia.

Luka 2:37

iye wapwile twamishi ndo ku makumi nake a miaka ni miaka yiwana), kakatukile ku tembele, alioze wavumbikile Zambi, nikulitwamina kulia, nikuliumba ufuku ni mwalwa.

Yilinga 10:30

Koneliu wambile ngwenyi, Matangwa awana kunyima, napwile nikulitwamina kulia ndo ku ola yino; ha ola yamuchilivwa, ngunalembe mu zuwo liami; kumanyi, lunga unamana kumeso jami ni hina lia mukambo lia kulejima.