Daniel 9:27 - MUKANDA USANDU WA ZAMBI 1975

²⁷ Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Mukanda Wa Zambi 1970

²⁷ Mwe mukwa kuyula yoze makakolesa Usendo ni atu anji ha miaka shimbiali. Muze miaka yitatu ni yipinji hiyabalika, mba makasa songo lia yitapo ni milambu. Hohene Chipupu cha Kuvwisa Woma makachisa mu zuwo lia Zambi. Muchikabwa mo ndoo mwe yoze makachisa mo makaheta ku songo lienyi lize Zambi amululikilile.”

Daniel 9:27 Iomraidhean Croise

Izaya 28:15

Mumu hinwamba ngwenu, Etu hitwakolesa usendo ni ufwe, hitwalitesa ni Shiole; kashika muze chilungo cha kuzemuna muchipalika kuchichi kutuheta; mumu hitwatenga mahuza chiswamo chetu, kwonga chapwa uchinyino wetu.

Izaya 28:22

Kashika kanda nulenya kuchina makolesa mihipu yenu; mumu hinevwa shimbi yimwe ya kwonwona kuli Mwene Yehova-wa-Tujita ha chifuchi cheswe.

Izaya 42:6

Yami Yehova nakusanyikine ni ululi, nakukwachile ku kwoko nikukufunga; hinakuhana ukapwe usendo kuli atu, pangu ku mavungu,

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Izaya 55:3

Neha twitwi lie, wize kuli yami. Panjika, mbunge ye yikatwame ni mwono. Mungukolesa ni yena usendo wa mutolo, utu wami wa zango ukolo kuli David.

Jeremia 7:30

Yehova kanambe ngwenyi, Ana ja A-Yunda halinga chipi kumeso jami. Hanase yuma yo ya lwaji mu zuwo lize haliluka jina liami, akalichise.

Daniel 11:31

Maswalale a kuli iye makasoloka; makajilula zuwo lisandu ni zuwo lia mbonge; makachiza mulambu wa kulumba wa matangwa eswe, mba makamika chizelwokeso cha kwenyeka.

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Daniel 12:11

Chize ku tangwa lize makachiza mulambu wa kulumba wa matangwa eswe, ni kumika cha chizelwokeso cha kwenyeka, kumukukapwa kanunu ka matangwa ni kulakaji aali a matangwa ni makumi livwa a matangwa.

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Daniel 8:13

Mba nevwile umwe musandu kanahanjika, ni musandu mukwo kanambe kuli yoze waliangile kuhanjika ngwenyi, Usolwelo uno wa mulambu wa kulumba wa matangwa eswe, ni Utanguko wa kupwisa hululu, ni kuhana zuwo lisandu ni mbunga ayiliate, wa shimbu lika?

Hosea 3:4

Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Kwalula 7:62

Musenge umuwika wa oru wa kumi lia shekele, wa tò wa insensu.

Mateu 24:15

Kashika muze munumona chizelwokeso cha kwenyeka chize achihanjikile ku kanwa lia profeta Daniel, kanamana muma musandu (yoze matanga akase chinyingi).

Mateu 26:28

mumu musenge uno manyinga jami a usendo waha waze anamwangana hali anji ha ukonekeno wa milonga.

Mateu 27:51

Kumanyi, chikalakala cha hina cha tembele chapulikile mukachi kwilu ndo hashi; ni hashi hanyikine; ni mawe apulikile;

Marku 13:14

Alioze muze munumona chizelwokeso cha kwenyeka chinamana kuze kuchatambile kumana (yoze matanga, akase chinyingi), hohene waze mapwa mu Yundeya, akachinyine ku milundu:

Luka 21:20

Alioze muze munumona Yerusaleme hayijingilika ni yilombo ya maswalale, hohene nukanyingike ngwenu, Kukuwa chayo hichakundama.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

A-ROMA 11:26

chocho makalamwina A-Izalele eswe; ngwe chinasonewa ngwo, Mukwa kupulula kumakakatuka ku Zaione; iye kumakakatwisa utanganyanyi kuli akwa Yakomba;

A-ROMA 5:15

Alioze chawana cha vumbi kuchapwile ngwe we mulonga. Mumu kachi ku mulonga wa umuwika anji afwile, Shinaho chikolo, vumbi lia Zambi, ni chawana ku vumbi, lia mutu umuwika, Yesu Kristu, lialumbamine kuli anji.

A-ROMA 5:19

Mumu chizechene ngwe ku uhulia wa mutu umuwika anji aapwishile yivulumunyi, chocho nawa ku kwononoka cha mutu umuwika anji kumaapwisa akwa ululi.

Hebreu 9:28

chocho Kristu nawa, se hanamulambula kamuwika hanga akambate milonga ya anji, kumakamoneka chisuho chamuchiali, hi ha kutwala ku shili ko, kuli waze akumutalatala ha ulamwino.