Daniel 9:26 - MUKANDA USANDU WA ZAMBI 1975

²⁶ Kulutwe lia makumi asambano a semana ni semana jiali yoze amuwayishile ni maji mamutetaho, keshi nichimwe, mba atu ja mukwa kuyula yoze meza kwiza kumakonwona chihunda ni zuwo lisandu. Songo liayo mulikeza ngwe sanga; ndo ku songo kumukukapwa jita—hanaafunjikila kwenyeka wika.

Mukanda Wa Zambi 1970

²⁶ Ku songo lia matangwa waze mukwa lutwe yoze Zambi atongwele maakamushiha keshi ni chitela. Limbo ni lie zuwo lia kuwayila kumaakayibuzula kuli umwe mukwa kuyula wa tachi ni tujita twenyi. Songo mulikeza ngwe sanga lia meya, nikuneha jita ni kwonona yize Zambi hanalulika.

Daniel 9:26 Iomraidhean Croise

2 Samuel 21:5

O yamba kuli mwanangana ngwo, Mutu yoze watwonwene nikututakila chipi akatunongese mweswe mu manjiza ja Izalele,

Miaso (Masamu) 22:15

Tachi jami jinomu ngwe chipalupalu cha ndeho; limi liami linalamata ku mbangachi jami; kuwanguneha mu fufuta ya kufwa.

Izaya 28:2

Mwene kali ni umwe chitakame cha ndundo; kapwa ngwe kangonga ka chiwe, ngwe kakundukundu wa kwonwona, ngwe kangonga ka meya a tachi a kukumba. Kumakanunguna hashi ni upupilo.

Izaya 28:22

Kashika kanda nulenya kuchina makolesa mihipu yenu; mumu hinevwa shimbi yimwe ya kwonwona kuli Mwene Yehova-wa-Tujita ha chifuchi cheswe.

Izaya 53:8

Amushihile ni yihungumiona ni upatwilo; mba hakachi ka akwa chisemuko chenyi iya wachizewile ngwenyi, Amusutwile ku chifuchi cha akwa mwono, amulambile mumu ha Utanguko wa atu jami?

Izaya 8:7

kashika Mwene maneha hali ayo meya a mu mwe Lwiji, anji a tachi, mwanangana wa Asuria ni uhenya wenyi weswe. Kumakasupwokela ha wendelo wo weswe ni helu lia mbumbulu jeswe.

Jeremia 46:7

Yono iya kanafutunuka ngwe Nilo, ngwe njiji jize meya jajo kanafuluka?

Jeremia 51:42

Kalunga-lwiji haneza ha Babilonia, hafukiwa ni mikanya yenyi ya kupinda.

Daniel 11:10

Ana jenyi makasa jita ni kukungulula chihuji cha tujita a tachi, o makeza ni kusupwokela ni kupalika ndusu. Makahiluka ni kwasa jita ndo ku chihunda chenyi cha kukolesa.

Daniel 11:17

Makasa meso jenyi kwiza ni tachi ja wanangana wenyi weswe ni akwa ululi hamwe nenyi. Kumakalinga upale wenyi. Makamwaha mwana wa pwo akamwenyeke, alioze chipwe iye kechi kamana, chipwe kumukwasa.

Daniel 11:22

Mbunga ja tujita kumujikahungumuka kumeso jenyi, makajimakwona, chipwe mwe mukwa kuyula wa usendo.

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Hosea 1:9

Yehova yamba ngwenyi, Umuluke jina lienyi, Lo-Ami, mumu yenu hi nuli atu jami ko, ni yami hi nguli Zambi yenu ko.

Amose 8:8

Te chifuchi kuchichi kachikima ha chikuma chino? Ni waze eswe atwamamo kechi kalishimwoka? Cheswe te kuchichi kazunduka ngwe lwiji Nilo, ni kupindangana ni kuhuwa nawa ngwe Nilo wa Engitu?

Amose 9:5

Mwene Yehova-wa-Tujita, yoze masunga hashi mba muhasangunuka, mba waze eswe aliho malishimwoka, neho heswe muhazunduka ngwe lwiji Nilo ni kuhuwa nawa ngwe Nilo wa Engitu;

Nahume 1:8

Alioze makasulisa liakulu akwa kulimika nenyi ni sanga lia kusupwokela. Makahanga akwa kole jenyi ndo mu milima.

Mateu 22:2

Hanapwisa wanangana wa malilu ngwe mwanangana yoze walulikile ulungi hali mwanenyi,

Mateu 22:7

Muze mwanangana achivwile, watenukine, watumine mbunga ya maswalale jenyi, wonwene yingalwe aze, mba wochele limbo lio.

Mateu 23:38

Ivwenu, zuwo lienu hanalihichika kuli yenu Hahululu.

Mateu 24:2

Alioze waakumbulwile, ngwenyi, Kunwamwene yuma yino yeswe, nyi? Pundu ngunambe kuli yenu ngwami, Kechi kahichika kuno liwe nilimwe ha liwe, lize kechi kalipuzula.

Marku 13:2

Yesu wambile kuli iye ngwenyi, Unamono mazuwo ano anene? Kechi kahichika liwe nilimwe ha liwe likwo, lize kechi kalipuzula.

Marku 13:7

Alioze muze munwivwa ha jita ni ndundumwino ya jita, kanda nukasungalala; mumu chatamba yino yuma yeswe kupwa; alioze songo kanda lichipwa.

Marku 9:12

Iye wambile kuli ayo ngwenyi, Eliya chamwenemwene mahanga kwiza, akalulike yuma yeswe: alioze ngwe kuchi chinasonewa hali mwe Mwana Mutu ngwo, Makevwa lamba linji, makamupwisa wamokomoko?

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Luka 21:6

Ha kutwala ku yuma yino nunamono, matangwa kumakeza muze kechi kahichika kuno liwe nilimwe ha likwo, lize kechi kalipuzula.

Luka 24:26

Te kuchatambile Kristu kwivwa lamba lia yino yuma, nikunjila mu uhenya wenyi, nyi?

Luka 24:46

Iye wambile kuli ayo ngwenyi, Chocho chinasonewa, ni chocho chatamba Kristu kwivwa lamba ni kuhinduka hakachi ka afu ha tangwa liamuchitatu;

Yoano 14:30

Chichi kuhanjika chinji nawa ni yenu, mumu mwata wa hano hashi meza: keshi nichimwe muli yami;

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Galashia 3:13

Kristu hanatukula ku shingo lia shimbi, se a amupwishile shingo hali yetu; mumu chinasonewa ngwo, Kashingiwa mweswe hamuzezeleka ha mutondo.

1 Petulu 2:21

Mumu ku chino hananutambika: mumu Kristu nawa wanuvwilile lamba, nikunuhichikila cheseko, hanga nukakaule mu ngano jenyi.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.