Daniel 9:24 - MUKANDA USANDU WA ZAMBI 1975

²⁴ Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Mukanda Wa Zambi 1970

²⁴ “Atu je ni limbo lino lia chijila hanaabatwila miaka makumi shimbiali yisuho shimbiali aatusule ku yibi yo ni ungulungulu wo. Yibi yo makaakonekena yo. Ululi muukalinduluka ku miaka yeswe hanga Usolwelo ni maliji a munanyi yikamanunuke, zuwo lia Zambi lia chijila maakakunjika lio.

Daniel 9:24 Iomraidhean Croise

2 Sango Ja Mianangana 29:24

Mba asasendote yaashiha, yapwisa manyinga jo mulambu ha shili ha chilumbilo akafuke A-Izalele eswe, mumu mwanangana yatuma ngwenyi, Mulambu wa kulumba ni mulambu ha shili yikapwe hali A-Izalele eswe.

Miaso (Masamu) 2:6

Hindu yami hingunawayisa ni maji mwanangana wami ha Zaione, we mulundu wami lisandu.

Miaso (Masamu) 45:7

Kuwazanga ululi; kuwavwila kole ungulungulu; kashika Zambi, Zambi ye, hanakuwayisa ni maji a uwahililo helu lia akwenu.

Izaya 42:4

Kechi kakokoloka hanji kuhonga ndo hanakolesa ululi hano hashi. Akwa mbaka kanatwaminyina shimbi yenyi.

Izaya 51:6

Hetukenu nukatale kwilu, talenu nawa hashi; mumu malilu majimuka ngwe mwishi, ni hashi muhapapuluka ngwe uzalo, ni waze atwamaho kumafwa chizechene, alioze ulamwino wami muupwa wa mutolo, ni ululi wami kuuchi kahwa.

Izaya 51:8

Mumu ndulu maalia ngwe uzalo, ni mavuno maalia ngwe wona wa panga; alioze ululi wami muupwa wa mutolo, ni ulamwino wami ku yisemuko yeswe.

Izaya 56:1

Yehova kanambe ngwenyi, Funga chize chinalite, linga ululi, mumu ulamwino wami muwiza nikawashi, ululi wami muusoloka.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Lungungu 4:22

Ena mwana-pwo Zaione kastigu ya uhenge we hiyahwa; kechi kukutwamisa nawa mu unjize. Alioze yena mwana-pwo Endome kumakakwaha kastigu, kumakafukula milonga ye.

Ezekiel 28:12

Mwana mutu, imba lungungu hali mwanangana wa Teru ukambe kuli iye ngwe, Mwene Yehova kanambe ngwenyi, Yena mukwa kusa chijikilo ha upeme weswe, wa tò ni mana ni upeme kuushi kachipa.

Ezekiel 4:5

Mumu ngunakusela matangwa a kwalula, kulakaji atatu ni makumi livwa a matangwa nikulita ni miaka ya uhenge wo. Chocho mukambata uhenge wa munyachi wa Izalele.

Ezekiel 4:6

Muze hiwamana wano mukapomba chisuho chamuchiali ha pachi ja chindume Ukambate uhenge wa munyachi wa Yunda. Ngunakusela makumi awana a matangwa; ha mwaka, tangwa limuwika; ha mwaka, tangwa limuwika.

Alevi 25:8

Mba munukalula Sambata shimbiali a miaka ngwami, Shimbiali ya miaka shimbiali. Sambata shimbiali ja miaka mujilumbunuka kuli yenu makumi awana a miaka ni miaka livwa.

Alevi 8:15

Mose yamushiha, yanda manyinga ha munwe wenyi, yaakomona ha mbinga ja chilumbilo ha kujingilika, nikupemesa chilumbilo. Yazujila manyinga ku shina lia chilumbilo nikuchisela ku usandu, kuchifukila shili.

Zakaria 4:14

Aye yamba ngwenyi, Wano e aali a kuwayisa ni maji akumana kumeso ja mwe Mwene wa hashi heswe.

Kwalula 14:34

Nikulita ni kwalula cha matangwa nwasembwile chifuchi, te makumi awana, ha tangwa mwaka, ha tangwa mwaka, munukambata uhenge wenu, makumi awana a miaka. Munukanyingika kulimuna chami.

Mateu 1:21

Kumakasema mwana-lunga, ukamuluke jina ngwe, Yesu; mumu iye kumakalamwina atu jenyi ku milonga yo.

Mateu 11:13

Mumu mikanda ya aprofeta ni ya shimbi yeswe yaprofetezele ndo kuli Yoano.

Mateu 4:5

Hohene Ndiapu yamutwala ku limbo lisandu; wamusele ha kasonga ka tembele,

Marku 1:24

Kuchi yetu ni yena, Yesu Ka-Nazare? Uneza mukutwonwona, nyi? Ngunakunyingika, mwe Musandu wa Zambi.

Luka 1:35

Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Luka 21:22

Mumu wano e matangwa a kukala milonga, hanga yuma yize yeswe yinasonewa yikamanunuke.

Yoano 1:41

Iye hatangu yawana yayo Semone, yamba kuli iye ngwenyi, Hitunawane Mesaya (linalumbunuka ngwo, Kristu).

Yoano 3:34

mumu yoze Zambi hanamutumu kakuhanjika maliji a Zambi: mumu keshi kuhana Spiritu ku njongo.

Yilinga 3:14

Alioze yenu nwalikalile mwe Musandu, kanda Mukwa ululi, nwechile akanwehe chingalwe.

Yilinga 3:22

Mose chamwenemwene wambile ngwenyi, Mwene Zambi yenu kumakasolola profeta kuli yenu wa kuli usoko wenu, wa kulifwa ni yami; iye nukamwivwe ha yu ma yeswe makamba kuli yenu.

Yilinga 4:26

mianangana ja hashi akatukile, ni miata akungulukile hamuwika, mukulimika ni Mwene, ni kulimika ni Kristu yenyi:

A-ROMA 5:10

Mumu kachi shimbu twapwile akwa kole, twawanyine ni Zambi ku kufwa cha Mwanenyi, Shinaho chikolo se hitunawane, makatulamwina ni mwono wenyi;

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

Filipu 3:9

hanga akanguwane muli iye, hi ni ululi wa yami mwene ko, uze wa ku shimbi, alioze uze wa ku Ufulielo kuli Kristu, ululi uze wa kuli Zambi ku Ufulielo,

Kolosu 1:20

Muli iye kuwanyisa yuma yeswe kuli iye mwene, se hanalingi sambukila ku manyinga ja ku kulusu yenyi; kuli iye ngwami, Chipwe yuma ya hano hashi, hanji yuma ya mu malilu.

Kolosu 2:14

se hanajimuna chisoneko cha shimbi ja kutuhisa, chize chalimikine ni yetu: iye hanachichiza lume, nikuchihachila ha kulusu.

Hebreu 10:14

Mumu ku mulambu umuwika hanapwisa angunu ndo ku miaka ya mutolo waze hanaasela ku usandu.

Hebreu 2:17

Kashika chamutamba ku yuma yeswe akamupwise wa kulifwa ni mandumbu jenyi, hanga akapwe sasendote mukwa lutwe wa keke, wamwenemwene ni yuma ya kutwala kuli Zambi, hanga akakukile milonga ya atu.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

Hebreu 9:26

Nyi chocho, chamutamba kwivwa lamba kanji kanji chize ku kusela cha fundamentu ya hashi: aiioze haliapwila kamuwika ha kumanunuka cha miaka hanamusolola hanga akachize shili ha kulihana chitapo iye mwene.

2 Petulu 1:1

Yami Semone Petulu, ndungo kanda postolo wa Yesu Kristu, Kuli waze hanazuku Ufulielo ulemu wa kulita ni uze niwetu, ku ululi wa Zambi yetu kanda Chilamwina Yesu Kristu:

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.

Usolwelo 14:6

Mba namwene mungelo mukwo kanahumuka mukachi ka lilu, kali ni sango lipema lia mutolo mukwambujola kuli akwa hashi, ku mavungu eswe, ni ku minyachi yeswe, ni ku malimi pswe, ni kuli atu eswe.

Usolwelo 3:7

Kuli mungelo wa chikungulwila cha ku Filadelfia Soneka ngwe, Yino yuma kanambe mwe musandu, mukwa umwenemwene, yoze uli ni sapi ya David, yoze wakwazulula mba niumwe kechi kájila, wakwájila mba niumwe kechi kázulula, ngwenyi: