Daniel 9:20 - MUKANDA USANDU WA ZAMBI 1975

²⁰ Shimbu munguchihanjika nikulemba, nikushikisa shili yami ni shili ya atu jami A-Izalele, ni kuliumba kumeso ja Yehova Zambi yami mumu ha mulundu usandu wa Zambi yami;

Mukanda Wa Zambi 1970

²⁰ Nanyongonona nikulemba, nikushikisa milonga yami ni ya atu jami Aisraele, nikuliumba kuli Mwene Zambi, Zambi yami, hanga atungulule zuwo lienyi lia chijila.

Daniel 9:20 Iomraidhean Croise

Ezra 10:1

Shimbu Ezera machilemba ni kushikisa, ni kulila, ni kufulamana kulutwe lia zuwo lia Zambi, kwakungulukile kuli iye mbunga yinene ya malunga ni mapwo ni ana a kuli A-Izalele, mumu atu alilile chikolo.

Nehemia 1:6

Matwi je akapanjike; meso je akatale, wivwe kulemba cha yami kavumbi ke, chino ngunalembe kumeso je haliapwila, mwalwa ni ufuku, hali tuvumbi twe A-Izalele, shimbu ngunashikisa milonga ya A-Izalele yize hitwakuvulumuna; ewa, ni yami ni munyachi wa tata hitwavulumuna.

Miaso (Masamu) 145:18

Yehova hakamwihi ali ni waze eswe aku-tambika kuli iye; waze eswe akutambika kuli iye mu umwenemwene.

Miaso (Masamu) 32:5

Natayile shili yami kuli yena, uhenge wami chauswekele. Nambile ngwami, Mungushikisa uvulumunyi wami kuli Yehova mba yena wakonekenene uhenge wa shili yami.(Litulike.)

Longeshi 7:20

Pundu kuheshi mutu niumwe hano hashi yoze kakulinga chipema ni kuvulumuna ka.

Izaya 56:7

wano mungwaneha ku mulundu wami lisandu, ni kwaaha uwahililo mu zuwo liami lia kulembela. Milambu yo ya kulumba ni yitapo yo mungutambula ha chilumbilo chami; mumu zuwo liami malitongola ngwo, Zuwo lia kulembela lia mavungu eswe.

Izaya 58:9

Mba munukatambika ni Yehova makanukumbulula. Munuteta mba iye mamba ngwenyi, Yami uno. Nyi munuchiza kuli hakachi kenu, ni kwinyika munwe, ni kuhanjika ungulungulu;

Izaya 6:5

Ami yingwamba ngwami, Lamba liami! Ngunatoko, mumu nguli mukwa mivumbo ya luchisa, natwama hakachi ka akwa mivumbo ya luchisa; mumu meso jami hamona Mwanangana, Yehova-wa-Tujita.

Izaya 65:24

Mungukumbulula shimbu kanda achitambika; shimbu machihanjika mungwivwa.

Daniel 10:12

Aye yamba kuli yami ngwenyi, Daniel kanda wivwa woma, mumu chize ku tangwa litangu lize wasele manyonga je yino yuma yikulumbunuke, ni kulikehesa kumeso ja Zambi ye, hapanjika ku maliji je, mba yami hineza ha mukunda wa maliji je.

Daniel 10:2

Ha matangwa aze yami Daniel napwile ni chinyengo semana jitatu ja muwundu.

Daniel 11:45

Makajika mbalaka ja palasiu yenyi hakachi ka kalunga-lwiji ni mulundu usandu wa uhenya. Hindu kumakaheta kwe ku songo lienyi, ni yoze mamukwasa wakuhi.

Daniel 9:16

Mwene, nikulita ni yitanga ye yeswe ya ululi, utenu we ni ufwatulo we ukakatuke ku chihunda che cha Yerusaleme, ku mulundu we usandu. Mumu ha mukunda wa milonga yetu ni uhenge wa tulamba twetu, Yerusaleme ni atu je hanalumuka kashilikilo hakachi ka waze eswe anatujingilika.

Zakaria 8:3

Yehova kanambe ngwenyi, Mungukahiluka ku Zaione, mungukatwama hakachi ka Yerusaleme, mba makatongola Yerusaleme ngwo, Chihunda cha jika, ni mulundu wa Yehova-wa-Tujita, makautongola ngwo, Mulundu usandu.

Yilinga 4:31

Muze te halemba, muma muze akungulukile mwanyikine; o eswe azalile tò ni Spiritu Musandu, mba ahanjikile liji lia Zambi ni hamu.

A-ROMA 3:23

Mumu eswe hanavulumuna, kanahono uhenya wa Zambi.

Tiangu (Jake) 3:2

Mumu yetu eswe twakutalinga kanji, kachi umwe keshi kutalinga ha liji, iye mutu mungunu, kanahase kuhombola mujimba weswe nawa.

Usolwelo 21:10

Iye wangumbachile mu Spiritu ku mulundu unene, usuku, wangulwezele limbo lisandu, Yerusaleme, linahulumuka mwilu lia kuli Zambi.

Usolwelo 21:2

Namwene limbo lisandu, Yerusaleme yaha, yinahulumuka mwilu ya kuli Zambi, kuyinalulika hali mukwo-lunga ngwe ndungi wa kuhenyesa.