Daniel 9:13 - MUKANDA USANDU WA ZAMBI 1975

¹³ Kuji-ni-tomo lino hilieza hali yetu nikulita ni chize chinasonewa mu shimbi ja Mose, hindu kutwalembelele vumbi lia Yehova Zambi yetu, ni kuhichika uhenge wetu, nikusa mbunge jetu ku umwenemwene we.

Mukanda Wa Zambi 1970

¹³ Hiwatumwesa lamba heswe lize linasonewa mu Shimbi ja Mose. Aa Mwene Zambi, Zambi yetu, chibwe haliabwila kutwesekele ko kulinga yize wakuzanga, kutwehukile ko milonga yetu, kutwakawile ko umwenemwene we.

Daniel 9:13 Iomraidhean Croise

1 MIANANGANA 22:16

Yehova kanambe ngwenyi, Munguneha chipi homa hano, ni hali atu jaho, chipwe maliji eswe a mu mukanda mwanangana wa Yunda hatanga.

Jobe 36:13

Waze ali ni mbunge ja utanganyanyi kakufunga utenu; katetele aakwase muze maakasa.

Miaso (Masamu) 119:18

Lawisa kama meso jami hanga ngukamone yuma ya kukomwesa ya mu shimbi je.

Miaso (Masamu) 119:27

Ngunyingikise jila ya ndongo je, chocho mungupukuna ha yitanga ye ya kukomwesa.

Miaso (Masamu) 119:73

Moko je angutangile nikunguwumba, ungwehe kama mana hanga ngulilongese shimbi je.

Miaso (Masamu) 85:4

Tutewulule kama, yena Zambi ya ulamwino wetu, utenu we kuli yetu ukahwe kama.

Izaya 31:1

Lamba kuli waze akupalumuka ku Engitu kufupa yikwashi. Waze akujikijila hali tuvwalu, kakufuliela matemba-a-jita mumu ha kupwa anji, kakufuliela akwa tuvwalu ha kupwa ni tachi jinji. Alioze katalile kuli mwe Musandu wa Izalele; kahulile Yehova.

Izaya 42:9

Yuma ya kushi, yeswe hiyapwa, haliapwila yuma yaha ngunambulula. Shimbu kanda yichisoloka ngunanwambulwilayo.

Izaya 43:22

Hindu yena Yakomba, kwangutambikile; ena Izalele, waliseka ni yami.

Izaya 64:6

Eswe hitwalumuka ngwe umwe mukwa luchisa, yitanga yetu yeswe ya ululi yapwa ngwe mahina a luchisa. Eswe twakulela ngwe lifwo, mba uhenge wetu wakutuhehula ngwe fuji.

Izaya 64:7

Kukushi yoze unatambika ha jina lie; yoze malisunga kukukwata. Mumu yena hiwasweka meso je kuli yetu, hiwatukunjika ku tachi ja uhenge wetu.

Izaya 9:13

Atu katewulukilile kuli yoze waalambile, kafupile Yehova-wa-Tujita.

Jeremia 2:30

Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Jeremia 30:14

Waze eswe akuzangile hanakuvulama; kakusele mbunge nichimwe, mumu hinakulamba ngwe nguli mukwa kole, hinakufwetesa ngwe nguli mukwa kulimika keshi keke, mumu uhie we unene, milonga ye kumeso ja atu eswe.

Jeremia 31:18

Hinevwa A-Eframe nikutwa mikuma ngwenyi, Hiwangufumba mba nafumbiwa ngwe musamba wa ngombe yoze kanda amuhombwesa. Nguhilwise kama hanga ngukahuzuluke mumu uli Yehova Zambi yami.

Jeremia 44:23

Chipi chino cheswe hichanuwana ndo musono mumu nwochele insensu, ni kuvulumuna Yehova; kunwononokene ku liji lia Yehova, chipwe kwenda nikulita ni shimbi jenyi, hanji yiyulo yenyi, hanji Shindakenyo jenyi.

Jeremia 44:27

Pundu, ngunatale kuli ayo kwalinga yikalu, hi yipema ko. A-Yunda eswe waze ali mu chifuchi cha Engitu makakuwa ni katana ni kapunga ndo makahwa lume.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Lungungu 5:21

Tuhilwise kuli yena mwene Yehova tukahuzuluke! Pwisa matangwa jetu aha, ngwe apwile kunyima!

Ezekiel 16:43

Mwene Yehova kanambe ngwenyi, Mungukakufwetesa yitanga ye ha mutwe we mumu kwewulukile matangwa ja wana-mapwo we ahoze wangwihia ni yuma yino yeswe, kashika. Te kwawezele usolo helu ha yitanga ye yeswe ya lwaji?

Daniel 9:11

A-Izalele eswe Hahambuluka, hatangula shimbi je, kasolo kupanjika ku liji lie. Kashika lie shingo ni che chilakenyo asonekene mu shimbi ja kavumbi ka Zambi Mose, hanayizukula hali yetu, mumu hitwamuvulumuna.

Hosea 7:10

Kulengumuka cha Izalele chakumushindakenya hindu kahilukile kuli Yehova Zambi yo, chipwe kumufupa ha yino yuma yeswe.

Hosea 7:14

Katambikile kuli yami ni mbunge, alioze ha mihela yo kakulila mbimbi. Kakukungulukila mbuto ni vinyu; kakungukatukila.

Hosea 7:7

Eswe kali ni chivukuminya ngwe jiko; kakulalisa akwa kuyula jo. Mianangana jo eswe hanalimbuka alioze kangusanyikine niumwe.

Luka 24:45

Hohene walawishile kunyonga cho, hanga anyingike ye yisoneko;

Yoano 10:35

Kachi waavulukile ngwenyi, Mazambi, waze kuli ayo liji lia Zambi liahetele (ni chisoneko kuchishi kuhasa kuhwa),

Yoano 6:45

Chinasonewa mu mikanda ya aprofeta ngwo, O eswe kumakalongoloka kuli Zambi; kashika mweswe hanevu kuli mwe Tata; lianalilongesa kuli iye, meza kuli yami.

Yoano 8:32

Kumunukanyingika umwenemwene, ni umwenemwene kumuukanutusula.

Efesu 4:21

kachi chinapu chocho ngwe hinunamwivu, hanufumba muli iye, ngwe umwenemwene uli muli Yesu.

Shimbi 29:4

Alioze Yehova kanuhele mbunge ya kunyingika, ni meso a kumona, ni matwi a kwivwa, ndo ku tangwa lino.

Tiangu (Jake) 1:5

Alioze kachi umwe wa kuli yenu mahona mana, akete kuli Zambi, yoze wakuhana kuli eswe ni kuvungumuna, keshi kuchoka; mba kumakamwaho.