Daniel 9:12 - MUKANDA USANDU WA ZAMBI 1975

¹² Iye hakolesa maliji jenyi aze ahanjikile kulimika ni yetu ni waze atuyulile ha kukokela hali yetu kuji-ni-tomo linene; mumu mushi lia lilu lieswe kanda musoloka chimwe cha kulifwa ni chino halinga ku Yerusaleme.

Mukanda Wa Zambi 1970

¹² Hiunalingi yize wambile kutulinga yetu ni akwa kuyula jetu. Hiwamwesa Yerusaleme lamba kuhiana lize lia membo akwo hano hashi.

Daniel 9:12 Iomraidhean Croise

1 Yitanga Ya Mianangana 3:9

Hana kuli yami kavumbi ke mbunge ya yinyingi hanga ngukayule atu je, ngukahase kupatula hakachi ka chipema ni chipi. Mumu iya mahasa kuyula vungu lino lilemu lia yena?

1 MIANANGANA 22:16

Yehova kanambe ngwenyi, Munguneha chipi homa hano, ni hali atu jaho, chipwe maliji eswe a mu mukanda mwanangana wa Yunda hatanga.

Jobe 12:17

Tuliamanga kakwatwala a kupupa; kakuhepwisa yipatula-milonga.

Miaso (Masamu) 148:11

Ni mianangana eswe a hashi ni atu eswe, ni yilolo, ni ngaji eswe a hashi.

Miaso (Masamu) 2:10

Kashika, enu mianangana, kanyamenu. Yenu ngaji a hashi, lilongesenu mana.

Yishima 8:16

Akwa chiyulo ku tachi jami akuyula, ni yilolo, ni ngaji eswe a hashi.

Izaya 43:28

Kashika najilwile alemu a muma musandu; nakunjikile Yakomba akanonge liakulu, nakunjikile Izalele ku sau.

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Jeremia 30:7

Lwangu! Mumu lie tangwa lino lialema naye kukushi likwo lia kulifwa. Liapwa tangwa lia lamba kuli Yakomba; hindu makaalamwina ku lamba lino.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 39:16

Yako ukambe kuli Ka-Etiopia Ebedemeleke ngwe, Yehova-wa-Tujita, Zambi ya Izalele kanambe ngwenyi, Mungumanununa maliji jami a kutwala ku chihunda chino ha yuma yikalu, hi yuma yipema ko, mba kumakamanunuka kumeso je ha tangwa liacho.

Jeremia 44:23

Chipi chino cheswe hichanuwana ndo musono mumu nwochele insensu, ni kuvulumuna Yehova; kunwononokene ku liji lia Yehova, chipwe kwenda nikulita ni shimbi jenyi, hanji yiyulo yenyi, hanji Shindakenyo jenyi.

Lungungu 1:12

Enu eswe nwakupajieka, nichimwe kuli yenu nyi? Talenu numone nyi chimwe chinyengo chiliko cha kulifwa ni chinyengo chami chize chinanguwane cha kungwaha Yehova ha tangwa lia utenu wenyi usasu.

Lungungu 2:13

Ena mwana-pwo Yerusaleme, Kuchi mungwamba hali yena? Ngukupwise ngwe kuchi? Ena mwana-pwo virgem Zaione. Ngukutese neka, hanga ngukuwumbikize? Mumu kulumbuka che chatoha ngwe kalunga-lwiji. Iya mahasa kukuhuzulula nawa?

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Lungungu 4:6

Mumu uhenge wa mwana wa pwo atu jami wahiana shili ya Sondome, yize ayinungwine susumuku ni kusaho kama kwoko ka.

Ezekiel 13:6

Hanahanjika mahuza; hanatahe cha kwonga. Kakwamba ngwo, Yehova kanambe, alioze Yehova kaatumine, hindu kanafuliela ngwo, Iye makamanununa liji lietu.

Ezekiel 5:9

Ha mukunda wa yitanga yenu ya lwaji mungulinga ni yenu chize kanda nguchilinga, ni chichi kalinga chuma chipwa haha nawa nilimwe tangwa.

Daniel 12:1

Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Joele 2:2

Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Amose 3:2

Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Zakaria 1:8

Namona ha ufuku kumanyi umwe lunga kanende hali kavwalu muchila. Kanamana hakachi ka mitondo ya miluta mu mungulunga; kunyima yenyi te kunamana tuvwalu achila, ni a yipeka, ni atoma.

Zakaria 7:12

Yapwisa mbunge jo jikalu ngwe diamante kuchina mevwa shimbi ni maliji aze Yehova-wa-Tujita watumine ni Spiritu yenyi kuli aprofeta a kushi. Kashika ufwatulo unene wejile wa kuli Yehova-wa-Tujita.

Mateu 24:21

mumu hohene kumukukapwa luyinda munene, ngwe kanda hamoneka hano hashi chize ku uputukilo wa hashi ndo haliapwila, chipwe kechi kapwa nawa.

Mateu 5:18

Mumu pundu, ngunambe kuli yenu ngwami, Ndo lilu ni hashi muyihwa, toshi limuwika hanji toma yimuwika kuyichi kahwa nichimwe ku shimbi ndo yeswe muyiza kupwa.

Marku 13:19

Mumu ha matangwa aze kumukukapwa luyinda, yoze kukwapwile umwe wa kulifwa nenyi chize ku uputukilo wa kutanga chize atangile Zambi ndo haliapwila, mba kechi kapwa nawa.

Luka 21:22

Mumu wano e matangwa a kukala milonga, hanga yuma yize yeswe yinasonewa yikamanunuke.

A-ROMA 15:8

Mumu ngunambe ngwami, Kristu wapwile kavumbi ka ungalami mukusolola umwenemwene wa Zambi, hanga akakolese yilakenyo kuli tulamba,