Daniel 8:9 - MUKANDA USANDU WA ZAMBI 1975

⁹ Mu mbinga yimwe mwasokele kambinga kakwo, yikatatuka kuhiana kutalikisa ku Sule, ni ku Chivumbuko, ni ku chifuchi cha uhenya.

Mukanda Wa Zambi 1970

⁹ Ku yimwe mbinga yikusoka yikwo yikepe. Mba tachi jayo yiitanda ku sude, ni ku chivumbuko, yiitalikisa ku chifuchi cha Chilakenyo.

Daniel 8:9 Iomraidhean Croise

Miaso (Masamu) 105:24

Wokesele chikolo atu jenyi; waatakamishine kuhiana waze alimikine no.

Miaso (Masamu) 48:2

Mulundu wa Zaione wapwa uwahililo wa hashi heswe wapema chikolo nikunangama, sali lia ku Norte, limbo lia mwanangana munene.

Jeremia 3:19

Nangyonga chize mungukusa hakachi ka ana jami a malunga nikukwaha chifuchi chipema, chihinga chahiana kuwaha hakachi ka mavungu eswe. Nanyonga ngwami, Mangutongola ngwenyi, Tata. Mangukaula, kechi kapianguka.

Ezekiel 20:15

Chikwo nawa nalishingile kuli ayo mu puya ngwami, Chichi kanutwala ku chifuchi chize nanuhele, chifuchi chinokela yamwa ni wuchi, chifuchi chahiana yifuchi yeswe ni uhenya,

Ezekiel 20:6

Ha tangwa lize nalishingile kuli ayo kwachiza mu chifuchi cha Engitu nikwaneha ku chifuchi hinaafupila; chifuchi chinokela yamwa ni wuchi, che chifuchi chahiana yifuchi yeswe ni uhenya.

Daniel 11:16

Alioze yoze makeza kulimika nenyi makalinga nikulita ni upale wenyi mwene; niumwe mahasa kujikiza kumeso jenyi. Makamana mu chifuchi cha uhenya; kwonwona muchikapwa mu kwoko lienyi.

Daniel 11:21

Mukwiza kumusalakana umwe mukwa kusauka, te uhenya wa wanangana kamuhelewo, alioze makeza ha mwaka wa kuhwima ni kuzuka wanangana ni kupepieka.

Daniel 7:8

Nazewile mbinga, mba kwasokele hakachi kajo mbinga yikwo, yikepe tuhu, alioze kumeso jayo mbinga jitatu jize jitangu jatukukile. Kumanyi mbinga yino yili ni meso ngwe mutu, ni kanwa lia kuhanjika yuma yinene.

Zakaria 7:14

Kashika naamwangine ni chijimbi hakachi ka mavungu eswe kaanyingikine. Chocho chifuchi cho chasalile cha hululu; niumwe wapajekelemo, ni chifuchi chipema achipwishile cha hululu.