Daniel 8:3 - MUKANDA USANDU WA ZAMBI 1975

³ Nahetwile meso jami kutala, kumanyi, kuji ya panga kanamana ha mbumbulu ya lwiji. Kali ni mbinga jiali, jeswe ni jiali jisuku, alioze yimwe yahianyine yikwo ha usuhe, ni mbinga yisuku te yize yasulile kusoka.

Mukanda Wa Zambi 1970

³ Kwe ku mbumbulu ya lwiji yoze yingumona ko kuji a panga, te uli ni mbinga jaali jisuku jisuku, yimwe yili yaha, yiisuhwa kuhiana yikwo.

Daniel 8:3 Iomraidhean Croise

1 Sango Ja Mianangana 21:16

David yahetula meso jenyi, yamona mungelo wa Yehova kanamana hakachi ka hashi ni lilu, ni katana wa kutomona mu kwoko lienyi kanamuzozo helu lia Yerusaleme. Henaho David ni makulwana, eswe anazala yikeleyi, yafulamana hashi.

Ezra 1:2

Siru mwanangana wa Persia ngwenyi, Yehova Zambi ya mwilu hangwaha mawanangana eswe a hashi. Mba iye hangwaha shimbi kumutungila zuwo mu Yerusaleme mu chifuchi cha Yunda.

Ezra 4:5

Yafweta akwa mana kulimika no kufuwisa chize A-Izalele apalile kulinga, matangwa eswe a Siru mwanangana wa Persia ndusu ndo ku matangwa a kuyula Dariu mwanangana wa Persia.

Estere 1:3

ha mwaka wamuchitatu wa kuyula chenyi yalinga chiteleka hali alemu jenyi eswe ni tuvumbi twenyi. Akwa ndundo eswe a Persia ni Media, ni akwa lutwe ni alemu a yifuchi yatwama kumeso jenyi;

Izaya 13:17

Ngunavundula A-Media kulimika no. O keshi kupala prata, keshi kuwaha ni oru.

Izaya 21:2

Usolwelo ukalu hangulweza; mukwa kupupa kanapupu; mukwa kwonwona kanonwona. Kandukenu, akwa Elame! Selekenu, akwa Media! Mikuma yeswe hatwisa mungumanununa.

Izaya 44:28

Ha kutwala kuli Siru kakwamba ngwenyi, Iye kafunga kami, kumakamanununa upale wami weswe; ha kutwala ku Yerusaleme kanambe ngwenyi, Kumuyikatungiwa! Ha kutwala ku tembele ngwenyi, Kumakasa fundamentu ye.

Jeremia 51:11

Kalulenu mivu! Andenu kepwe! Yehova hanavundula Spiritu ya mianangana ja A-Media, mumu ha kutwala ku Babilonia upale wenyi wapwa wa kuyonwona mumu chenacho che kukala cha Yehova, kukalila tembele yenyi.

Daniel 10:5

yinguhetula meso jami kutala, kumanyi, umwe lunga kanazala mahina a linyu, mu zalilo yenyi yalijichika ni muya wa oru ya Ufaze.

Daniel 2:39

Kulutwe lia yenu mukusoloka wanangana ukwo kuwalemene ngwe yenu; ni wanangana ukwo nawa wamuchitatu wa unengu muukayula hashi heswe.

Daniel 5:31

Ka-Media Dariu watambwile wanangana, te kali ni makumi asambano a miaka ni miaka yiali.

Daniel 6:28

Chocho yono Daniel yawaha ni milimo yenyi mu wanangana wa Dariu, ni mu wanangana wa Ka-Persia Siru.

Daniel 7:5

Namwene ngongo mukwo wamuchiali, ngwe ursu. Wakatukile te ha sali limuwika; kali ni pachi jitatu mu kanwa mwe mu mazo. Amwambile ngwo, Katuka ukalie yifwo yinji.

Daniel 8:2

Namwene mu usolwelo wami, te nguli mu mbala ya Shushane, mu chifuchi cha Elame. Namwene mu usolwelo, nguli ku lwiji Ulai.

Daniel 8:20

Ha kutwala kuli kuji ya panga wamwene ni mbinga jiali, jinalumbunuka mianangana ja A-Media ni A-Persia.

Zakaria 1:18

Yinguhetula meso jami, yingumona mbinga jiwana.

Zakaria 2:1

Yinguhetula meso jami, yingumona umwe lunga ni muhipu wa kweseka nawo mu kwoko lienyi.

Zakaria 5:1

Cheka nawa yinguhetula meso jami, yingumona mukanda umwe wa chivungo unahumuka.

Zakaria 5:5

Mba mungelo yoze wahanjikile ni yami yakundama, yamba ngwenyi, Hetula meso je umone. Chino chinayi, chika?

Zakaria 5:9

Yinguhetula meso jami, kumanyi mapwo aali anakundama! Fuji yapwile mu mapulwa jo, te kali ni mapulwa ngwe a chitokola, mba yazundula ye *efa hakachi mu tetela.

Zakaria 6:1

Cheka nawa yinguhetula meso jami, yingumona matemba-a-jita awana kanatuhuka hakachi ka milundu yiali. Milundu te milundu ya unengu.

Kwalula 24:2

Mbalau yahetula meso jenyi, yamona Izalele o te kanatwama nikulita ni minyachi yo. Spiritu ya Zambi yapwila hali iye.

Yoshua 5:13

Muze te Yoshua ku Yeriku ali, yahetula meso jenyi kutala, kumanyi umwe tanga kanamana kumeso jenyi ni katana kenyi wa kutomona mu kwoko lienyi. Yoshua yakundama kuli iye ngwenyi, Ena uli ha sali lia yetu nyi uli ha sali lia akwa kole jetu?

Usolwelo 13:11

N amwene ngongo mukwo kanavumbuka, iye wapwile ni mbinga jiali ja kulifwa ni mwana-panga, wahanjikile ngwe ndragau.

Usolwelo 5:6

Mba namwene mukachi ka ngunja ni akwa mwono awana, ni mukachi ka makulwana, mwana-panga kanamana ngwe hamushiha, kali ni mbinga shimbiali, ni meso shimbiali, eno maspiritu shimbiali a Zambi a kutumiwa hashi heswe.