Daniel 8:23 - MUKANDA USANDU WA ZAMBI 1975

²³ Ku songo lia chiyulo cho, muze yivulumunyi hazalisa njongo yo, mukusoloka umwe mwanangana wa meso a tachi, mukwa kunyingika yijimbikilo.

Mukanda Wa Zambi 1970

²³ “Ku songo mawanangana waze maakabwa abi kuhiana. Kashika chatamba kwamwesa lamba. Mukukabwa mwanangana mukalu, mukwa shili kanda mukwa kwonga.

Daniel 8:23 Iomraidhean Croise

Ubutukilo 15:16

O ha chisemuko chamuchiwana kumakeza nawa ku kuno, mumu uhenge wa A-Amore te kanda woka.

Yishima 1:6

ha kunyingika chishima ni ulumbunwiso wacho, maliji a akwa mana ni yijimbikilo yo.

Ezekiel 38:16

Mukeza kulimika ni atu jami A-Izalele, ngwe lelwa lia kufuka chifuchi. Ha matangwa a kusula mungukakukoka ulimike ni chifuchi chami hanga mavungu ukangunyingike muze mungukasolola usandu wami muli yena Ngoke kumeso jo.

Ezekiel 38:8

Kulutwe lia matangwa anji makakukungulula; ha miaka ya kusula mukaya kulimika ni chifuchi chize hanachihwimisa ku jita ni kuchilulika; chifuchi kuze e atu haakonga ku mavungu anji ku milundu ya Izalele kuze kwapwile te puya ya miaka. Atu jako aachijile hakachi ka mavungu mba haliapwila kanatwama ni chipi kuchishiko—e eswe lume.

Daniel 10:14

Haliapwila hineza ngukulumbunwine yize muyikawana atu je ha matangwa a kusula. Mumu usolwelo watwala ku matangwa aze meza kwiza.

Daniel 11:21

Mukwiza kumusalakana umwe mukwa kusauka, te uhenya wa wanangana kamuhelewo, alioze makeza ha mwaka wa kuhwima ni kuzuka wanangana ni kupepieka.

Daniel 11:24

Ha mwaka wa kuhwima makeza ndo ku yihanda ya chifuchi yize yili ni upite wunji. Makalinga yuma atato kalingile, chipwe akako, ni kumwanga hakachi ko upite wa kupupa, ni upite wa ku jita, ni yikumba. Makataka manyonga a kulimika ni yihunda ya kukolesa, alioze ha kashimbu wika.

Daniel 7:11

Aho natalile mumu ha lundunjila wa maliji anene aze mbinga yinahanjika. Shimbu munguchitala, yashiha mwe ngongo; mujimba wenyi awenyekene ni kuukunjika awoche ni kahia.

Daniel 7:20

Yinguhula ha kutwala ku mbinga jenyi kumi ha mutwe wenyi, ni mbinga yize yikwo yasokako, mba mbinga jitatu jaholoka kumeso jenyi, ye mbinga yize yapwile ni meso, ni kanwa lia kuhanjika yuma yinene, ayo yasolokele kutoha kuhiana jikwo.

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Daniel 7:8

Nazewile mbinga, mba kwasokele hakachi kajo mbinga yikwo, yikepe tuhu, alioze kumeso jayo mbinga jitatu jize jitangu jatukukile. Kumanyi mbinga yino yili ni meso ngwe mutu, ni kanwa lia kuhanjika yuma yinene.

Daniel 8:22

Ha kutwala ku mbinga yize yamakukine mba jikwo jiwana yijisalakana, chinalumbunuka mawanangana awana masalakana niwenyi, alioze kechi kapwa ni tachi jenyi.

Daniel 8:24

Tachi jenyi mujipwa jinji, alioze hi ja kuli iye mwene ko; kumakonwona cha kukomwesa; kumakawaha mu yize analingi; kumakonwona akwa ndundo, ni atu ja asandu.

Daniel 8:25

Ku maseliekela jenyi masenyesa kulutwe ukanyame mu moko jenyi, mba mu mbunge yenyi malilemesa. Monwona anji, mumu kanalifuliela ene, mba makakatukila Mukwa-Kuyula mianangana. Hindu kumakamakuka, hi ni kwoko lia mutu ko.

Kwalula 24:24

Alioze mato meza kukatuka ku mbaka ya Kitime. Kumakayindamisa Ashure, kumakayindamisa Epere. Kwonwona muchiheta kuli iye nawa.

Mateu 23:32

Ni yenu nwakuzalisa njongo ya akakenu.

Shimbi 28:50

vungu lia meso akalu, kulichi kalemesa makulwana, chipwe kulweza vumbi kuli twanuke,

1 Tesalonika 2:16

Kakutukanjisa kuhanjika kuli akwa mavungu, kuchina maalamwina; hanga akazalise liakulu njongo ya milonga yo matangwa eswe: alioze utenu hiuneza hali ayo liakulu.

1 Timoteu 4:1

Alioze Spiritu kanambe pundu ngwenyi, Ha miaka ya kusuta, amwe makakatuka ku Ufulielo, nikupanjika kuli maspiritu a kupiangula, ni longeso lia andemoniu,

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.