Daniel 8:22 - MUKANDA USANDU WA ZAMBI 1975

²² Ha kutwala ku mbinga yize yamakukine mba jikwo jiwana yijisalakana, chinalumbunuka mawanangana awana masalakana niwenyi, alioze kechi kapwa ni tachi jenyi.

Mukanda Wa Zambi 1970

²² Mbinga jiwana jize jasokele muze yitangu hiyamakuka jinalumbununa ngwo, wanangana utangu muukahandunuka mu mawanangana awana. No keechi kabwa ni tachi ngwe uze utangu.

Daniel 8:22 Iomraidhean Croise

Daniel 11:4

Mba muze hatatuka, wanangana wenyi maumakuna ni kuupangila ku mafuji awana a mwilu alioze hi kuli ana jenyi ko; ni kuyula kechi kayula nikulita ni chiyulo chenyi, mumu wanangana wenyi mautukula akauhane kuli akwo nawa helu lia wano.

Daniel 7:6

Kulutwe natalile kumanyi mukwo ngwe changwi, kali ni mapulwa awana a kajila hanyima. Ngongo yono kali ni mitwe yiwana, yamwaha chiyulo chinene.

Daniel 7:7

Kulutwe namwene ha usolwelo wa ufuku, kumanyi ngongo wamuchiwana wa kuvwisa mwongo ni lwaji, tachi jenyi jahiana. Kali ni mazo anene a utale; wapapulwile ni kupalwola ni kuliataliata masalila ni molu jenyi. Walipwila ni ngongo eswe waze ahangile. Kali ni kumi lia mbinga.

Daniel 8:21

Mwe kuji ya pembe wa wona wavunda aye mwanangana wa Ngresia, ni lumbinga hakachi ka meso jenyi mwanangana wo mutangu.

Daniel 8:23

Ku songo lia chiyulo cho, muze yivulumunyi hazalisa njongo yo, mukusoloka umwe mwanangana wa meso a tachi, mukwa kunyingika yijimbikilo.

Daniel 8:3

Nahetwile meso jami kutala, kumanyi, kuji ya panga kanamana ha mbumbulu ya lwiji. Kali ni mbinga jiali, jeswe ni jiali jisuku, alioze yimwe yahianyine yikwo ha usuhe, ni mbinga yisuku te yize yasulile kusoka.

Daniel 8:8

Mba kuji ya pembe yalitohesa kuhiana, alioze muze hapwa ni tachi, mbinga yenyi yinene yiyimakuka, mba yikusoka mbinga jiwana ja lufuma kusalakana ja kutalikisa ku fuji jiwana ja malilu.

Zakaria 6:1

Cheka nawa yinguhetula meso jami, yingumona matemba-a-jita awana kanatuhuka hakachi ka milundu yiali. Milundu te milundu ya unengu.