Daniel 8:16 - MUKANDA USANDU WA ZAMBI 1975

¹⁶ Nevwile liji lia mutu hakachi ka mbumbulu ja Ulai, linatambika ngwo, Gabriele, lumbunwina yono lunga we usolwelo.

Mukanda Wa Zambi 1970

¹⁶ Yingwivwa liji linene linahanjika muze musali lia lwiji Ulai ngwenyi: “Gabriel lumbunwina Daniel yuma yize amona.”

Daniel 8:16 Iomraidhean Croise

Daniel 10:14

Haliapwila hineza ngukulumbunwine yize muyikawana atu je ha matangwa a kusula. Mumu usolwelo watwala ku matangwa aze meza kwiza.

Daniel 10:21

Alioze mungukulweza chize chinasonewa mu mukanda wa umwenemwene. Niumwe kakungukwasa kulitachika ni wano shina Mikele wika, mukwa kunuyula.

Daniel 7:16

Yingukundama kuli umwe wa waze amanyineko; yingumuhula umwenemwene ha kutwala ku yino yeswe. Aye yangulweza, yangulumbunwina ye yuma.

Daniel 8:2

Namwene mu usolwelo wami, te nguli mu mbala ya Shushane, mu chifuchi cha Elame. Namwene mu usolwelo, nguli ku lwiji Ulai.

Zakaria 1:9

Ami yingwamba ngwami, Aka aze, mwene wami? Mba mungelo yoze unahanjika ni yami yamba ngwenyi, Mungukulweza chize apwa.

Zakaria 2:4

Yamba kuli iye ngwenyi, Zomboka uambe kuli yono mukweze ngwe, Yerusaleme muyipwa ni atu a kutwamamo ngwe yihunda yize kuyishi yipanga-ya-mawe, mumu ha kwokelamo cha atu ni yimuna.

Luka 1:19

Mungelo wamukumbulwile ngwenyi, Yami nguli Gabriele, nakumana kumeso ja Zambi; angutumine mukuhanjika ni yena, ngukwambulwile lusango yono mupema.

Luka 1:26

Achi, ha kakweji wamuchisambano, Zambi watumine mungelo Gabriele ku limbo lia mu Ngalileya, jina liacho Nazare.

Yilinga 10:13

Liji liejile kuli iye ngwo, Katuka, Petulu; shiha, ulie.

Yilinga 9:7

Alioze malunga waze endele hamwe nenyi amanyine ngwe tumama, se evwile liji, alioze kamwene niumwe.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Usolwelo 1:12

Natewulukile hanga ngumone liji lize liahanjikile ni yami; mba ha kutewuluka, namwene yikwachilo ya ndeya ya oru shimbiali;

Usolwelo 22:16

Yami Yesu hingunatumu mungelo wami mukushindakenya yino yuma kuli yenu mu yikungulwila. Yami nguli che chikota, mwe Mwana wa David, we mutumbu wa kutemuka.