Daniel 8:15 - MUKANDA USANDU WA ZAMBI 1975

¹⁵ Yami Daniel, muze hinamona usolwelo uno, nafupile kuusa chinyingi, mba kwamanyine hakamwihi ni yami umwe wa kulifwa ni mutu.

Mukanda Wa Zambi 1970

¹⁵ Yingweseka kusa chinyingi cha Usolwelo uno, mba susumuku umwe mutu te unamana kulutwe liami.

Daniel 8:15 Iomraidhean Croise

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Daniel 10:16

Kumanyi, umwe wa kulifwa ni ana ja atu yangusunga ku mivumbo; mba napakwile kanwa liami ni kuhanjika. Yingwamba kuli yoze kanamana kumeso jami ngwami, Mwene wami, yikola hiyangukwata, chishi nawa ni tachi ha mukunda wa usolwelo.

Daniel 10:18

Cheka nawa umwe walifwa ni mutu wangusunga ni kungutakamisa.

Daniel 10:5

yinguhetula meso jami kutala, kumanyi, umwe lunga kanazala mahina a linyu, mu zalilo yenyi yalijichika ni muya wa oru ya Ufaze.

Daniel 12:8

Ami nevwile, hindu kuchangulumbunukine, kashika nambile ngwami, Mwene wami, songo lia yuma yino kuchi mulipwa?

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Daniel 8:1

Ha mwaka wamuchitatu wa chiyulo cha mwanangana Beleshazare, usolwelo wasolokele kuli yami Daniel, kulutwe lia uze wasolokele hatangu.

Daniel 8:19

Yamba ngwenyi, Mungukulweza yize muyikapwa ha songo lia utenu, mumu chatwala ku miaka ya kufunjika ku songo.

Zakaria 1:9

Ami yingwamba ngwami, Aka aze, mwene wami? Mba mungelo yoze unahanjika ni yami yamba ngwenyi, Mungukulweza chize apwa.

Mateu 13:36

Mba Yesu washikile ni mbunga, wanjilile mu zuwo: ni tumbaji twenyi ejile kuli iye ngwo, Tulumbunwine chishima cha mwambu wamokomoko wa mu munda.

Mateu 24:15

Kashika muze munumona chizelwokeso cha kwenyeka chize achihanjikile ku kanwa lia profeta Daniel, kanamana muma musandu (yoze matanga akase chinyingi).

Mateu 24:30

Hohene chilayi cha mwe Mwana Mutu kumuchikasoloka mwilu: ni hohene mavungu eswe a hashi kumakahia mbimbi, kumakamona mwe Mwana Mutu kaneza ha malelwa a mwilu ni tachi ni uhenya unene.

Marku 13:14

Alioze muze munumona chizelwokeso cha kwenyeka chinamana kuze kuchatambile kumana (yoze matanga, akase chinyingi), hohene waze mapwa mu Yundeya, akachinyine ku milundu:

Marku 4:12

hanga ha kutala, akatale, alioze kechi kamona; mba ha kwivwa akevwe, alioze kechi kanyingika; kuchina hanji malumuka, maakonekenacho.

Yoshua 5:14

Iye yakumbulula ngwenyi, Ka, alioze yami hineza ngukapwe kapitau ka tujita twa Yehova. Mba Yoshua yafulamana ha meso jenyi nikuwayila, ngwenyi, Mwene, kuchi mutuma yami ngamba ye?

Usolwelo 1:13

mukachi ka yikwachilo shimbiali ya ndeya umwe wa kulifwa ni mwe Mwana Mutu, unazala uzalo wa kuheta ku yiliato, kanalijichika ha tulo ni muya wa oru.

Usolwelo 13:18

Muno muli mana, yoze ukwete malinjekela, alule chize analula ngongo; mumu chize anamwalula chize analula mutu: ni chize anamwalula ngwo, Kulakaji asambano ni makumi asambano ni sambano.