Daniel 8:14 - MUKANDA USANDU WA ZAMBI 1975

¹⁴ Aye yamba kuli iye ngwenyi, Ha tununu aali a matangwa ni kulakaji atatu a matangwa, mba zuwo lisandu malihilwisa chize chatamba kupwa.

Mukanda Wa Zambi 1970

¹⁴ Yingwivwa kanganda mukwo kanakumbulula ngwenyi: “Muyikalinduluka matangwa 1,150. Ha matangwa waze eswe, atu keechi kalambula milambu ya chichamene ni chingoloshi. Hohene maabemesa zuwo lia Zambi.”

Daniel 8:14 Iomraidhean Croise

Ubutukilo 1:5

Zambi yaluka pangu ngwenyi, Tangwa. Milima yayiluka ngwenyi, Ufuku. Yikupwa chingoloshi, yikupwa chimene, tangwa litangu.

Izaya 1:27

Makakula Zaione ni umwenemwene, ni waze malikonyekenamo makaakula ni ululi.

Izaya 45:25

Muli Yehova ana eswe a Izalele makumba ni kulisamba.

Daniel 12:11

Chize ku tangwa lize makachiza mulambu wa kulumba wa matangwa eswe, ni kumika cha chizelwokeso cha kwenyeka, kumukukapwa kanunu ka matangwa ni kulakaji aali a matangwa ni makumi livwa a matangwa.

Daniel 12:12

Kawaha mukwa kutwaminyina akahete ku kanunu ka matangwa ni kulakaji atatu a matangwa ni makumi atatu a matangwa ni matangwa atano.

Daniel 12:7

Nevwile lunga yoze wa mazalo a linyu, uli helu lia meya a lwiji, muze hazoza kwoko lienyi lia chindume ni kwoko lienyi lia chimeso kwilu, walishingile ni yoze watwama ni mwono ku miaka ya mutolo ngwenyi, Kumuchi kapwa ha mwaka, ni miaka yiali, ni chihanda cha mwaka. Muze hamana kumakwona tachi ja atu asandu, mba yuma yino yeswe muyihwa.

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Daniel 8:26

Usolwelo wa matangwa, uno hiwevwa, wamwenemwene, alioze jika ni Chijikilo, mumu watwala ku matangwa a kulutwe kusuku.

Galashia 3:8

Che chisoneko, nikumona Shimbu-kanda ngwe Zambi makasambisa akwa mavungu ku Ufulielo, chambulwile Shimbu-kanda sango lipema kuli Apalahama, ngwo, Muli yena akwa mavungu eswe kumakawaha.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 12:14

Alioze ahanyine kuli pwo mapulwa aali a pupa munene, hanga akahumuke ku puya kuma kwenyi kuze akumuhokela mwaka, ni miaka, ni chihanda cha hakachi cha mwaka, kanamusweke kuli kapela.

Usolwelo 13:5

Iye amuhele kanwa lia kuhanjika yuma yinene ya kushililika; ni poko ya kulinga makumi awana a tukweji ni tukweji aali.