Daniel 8:13 - MUKANDA USANDU WA ZAMBI 1975

¹³ Mba nevwile umwe musandu kanahanjika, ni musandu mukwo kanambe kuli yoze waliangile kuhanjika ngwenyi, Usolwelo uno wa mulambu wa kulumba wa matangwa eswe, ni Utanguko wa kupwisa hululu, ni kuhana zuwo lisandu ni mbunga ayiliate, wa shimbu lika?

Mukanda Wa Zambi 1970

¹³ Mba yingwivwa umwe kanganda ka mwilu kanahula mukwo ngwenyi: “Yuma yino ya mu Usolwelo muyibwa lume ndoo tangwa lika? Yibi yibwahaha muyisalakana milambu ya tangwa ha tangwa ndoo matangwa angahi? Tujita twa mwilu ni zuwo lia Zambi maakayiliataliata ndoo mwiji muka?”

Daniel 8:13 Iomraidhean Croise

Miaso (Masamu) 74:10

Zambi! Ndo mwiji muka mukwa kulimika machoka? Mukwa kole kumakatuka jina lie ndo ku miaka ya mutolo nyi?

Miaso (Masamu) 74:9

Kutwamwene yilayi yetu. Kukushi nawa profeta niumwe. Niumwe keshiko hakachi ketu yoze manyingika muze mwaka muusula.

Miaso (Masamu) 79:5

Yehova, ndo mwiji muka? Mukatenuka ku miaka ya mutolo, nyi? Ukwa we muuyila ngwe kahia, nyi?

Izaya 28:18

Mba usendo wenu ni ufwe maushiha; kulitesa chenu ni Shiole kuchichi kakola. Muze chilungo cha kuzemuna muchipalika, munukazemuka nacho.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Izaya 63:18

Atu je asandu azukile zuwo lie lisandu ha shimbu likepe; alioze akwa kole jetu haliliachila mu mavu.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Jeremia 12:10

Tufunga anji hanenyeka munda wami wa uva, hanaliate chihinga chami ni molu jo, hanapwisa chihinga chami chipema ngwe puya ya hululu.

Daniel 11:31

Maswalale a kuli iye makasoloka; makajilula zuwo lisandu ni zuwo lia mbonge; makachiza mulambu wa kulumba wa matangwa eswe, mba makamika chizelwokeso cha kwenyeka.

Daniel 12:11

Chize ku tangwa lize makachiza mulambu wa kulumba wa matangwa eswe, ni kumika cha chizelwokeso cha kwenyeka, kumukukapwa kanunu ka matangwa ni kulakaji aali a matangwa ni makumi livwa a matangwa.

Daniel 12:8

Ami nevwile, hindu kuchangulumbunukine, kashika nambile ngwami, Mwene wami, songo lia yuma yino kuchi mulipwa?

Daniel 4:10

Usolwelo wa mutwe wami shimbu nguchili ha muhela, uno: namwene, kumanyi, umwe mutondo hakachi ka hashi, Chizundamo chawo chisuku chikolo.

Daniel 4:13

Yingumona mu usolwelo wa mutwe wami ha muhela wami, kalayi kanda musandu kanahulumuka mwilu.

Daniel 4:23

Mba haze enu mwanangana nwamwene kalayi, kanda musandu, kanahulumuka mwilu nikwamba ngwenyi, Pakulenu mutondo nukawenyeke, alioze hichikenu shina lia miji mu mavu, lia kukasa ni chikungo cha utale ni unengu, hakachi ka mwambu wisu wa mu musenge. Akawule ni mume wa mwilu, akende ni tushitu a mu yambu ndo tungonde shimbiali amupalike—

Daniel 7:16

Yingukundama kuli umwe wa waze amanyineko; yingumuhula umwenemwene ha kutwala ku yino yeswe. Aye yangulweza, yangulumbunwina ye yuma.

Daniel 7:23

Aye yamba Chichino ngwenyi, Ha kutwala kuli ngongo wamuchiwana, kumukukapwa hano hashi wanangana wamuchiwana wa kulipwila ni mawanangana eswe. Kumuukapapulula hashi heswe nikuliataliata, nikupalwola.

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Zakaria 1:19

Yingwamba kuli mungelo yoze unahanjika ni yami ngwami, Ajo jika? Aye yangukumbulula ngwenyi, Ajo je mbinga jamwangine Yunda, ni Izalele, ni Yerusaleme.

Zakaria 14:5

Mba mungulunga wa milundu yami makaujika, mumu mungulunga wa milundu muukakwata kwe ku lumbu liawo, mba munukachina ngwe nwachinyine ku munyiko ha matangwa ja Uzia mwanangana wa Yunda. Henaho Yehova Zambi yenu kumakeza ni asandu jenyi eswe hamwe nenyi.

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Mateu 24:15

Kashika muze munumona chizelwokeso cha kwenyeka chize achihanjikile ku kanwa lia profeta Daniel, kanamana muma musandu (yoze matanga akase chinyingi).

Marku 13:14

Alioze muze munumona chizelwokeso cha kwenyeka chinamana kuze kuchatambile kumana (yoze matanga, akase chinyingi), hohene waze mapwa mu Yundeya, akachinyine ku milundu:

Luka 10:22

Kanangukunjika yuma yeswe kuli Tata; mba niumwe manyingika chize mwe Mwana apwa shina Tata; ni chize apwa Tata shina mwe Mwana, ni yoze mweswawo mwe Mwana mapala kumusolola.

Luka 21:20

Alioze muze munumona Yerusaleme hayijingilika ni yilombo ya maswalale, hohene nukanyingike ngwenu, Kukuwa chayo hichakundama.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Yoano 1:18

Niumwe wamwene Zambi niumwe mwaka; mwe Mwana wa wika, yoze uli mu kondo ya Tata, iye hanamusolola.

Shimbi 33:2

ngwenyi, Yehova wakatukile ku Sinai, ku Sere wavumbukile hali ayo ngwe mwalwa. Ku mulundu wa Parane wapangulukile. Yakatuka ku kumi lia tununu twa asandu ni shimbi ya kahia mu kwoko lienyi lia chindume.

1 Tesalonika 3:13

hanga akatakamise mbunge jenu kujishi chitela, jisandu kumeso ja Zambi kanda Tata yetu, ha kuheta cha Mwene wetu hamwe ni asandu jenyi eswe.

Hebreu 10:29

Kuchi nunanyongo? Yoze hanaliate mwe Mwana Zambi, hanajilula manyinga a usendo aze amuselele no ku usandu, hanasaula mwe Spiritu ya vumbi, lamba lika Mamutela?

1 Petulu 1:12

Aalwezele ngwe, hi kuli ayo ko, aiioze kuli yetu atuvumbikile ni yino yuma, yize haliapwila hananwambulwilayo ku makanwa ja akwa kwambujola, muli Spiritu Musandu kanatumiwa mwilu; yuma yize angelo kakwivwa usona kuhengulamo.

Yuda 1:14

Enoke, wamuchishimbiali kuli Alama, waprofetezele hali wano, ngwenyi, Mwene kumeza hamwe ni yizavu yinji ya asandu jenyi,

Usolwelo 11:2

Alioze yize, yize yili haze lia tembele, hichika, kanda uyeseka; mumu hanayihana kuli akwa mavungu: ni limbo lisandu kumakaliliata kushi lia yiliato makumi awana a tukweji ni tukweji aali.

Usolwelo 6:10

O akololokele ni liji linene ngwo, Ndo mwiji muka, Mwata musandu wamwenemwene, yena kushi kupatula, kushi kukala manyinga jetu hali akwa hashi?

Akwa Kuyula 13:18

Mungelo wa Yehova yamba kuli iye ngwenyi, Kuchi te muhula jina liami se liapwa chikomokeso?