Daniel 8:11 - MUKANDA USANDU WA ZAMBI 1975

¹¹ Yalitohesa chipwe ndo kuli Mukwa-Kuyula ye mbunga. Yamuchiza mulambu wa kulumba wa matangwa eswe, wapuzwile zuwo lienyi lisandu.

Mukanda Wa Zambi 1970

¹¹ Yiilimika chibwe ni mwe mwanangana wa tujita twa mwilu, yiikanjisa atu kumulambula milambu ya tangwa ha tangwa, yiibihisa zuwo lia Zambi.

Daniel 8:11 Iomraidhean Croise

Izaya 37:23

Yoze hiwachoka iya? Yoze hiwashililika iya? Hiwakalumioka nikutala chikandu meso je kulimika neya? Ngwami, Kulimika ni mwe Musandu wa Izalele.

Izaya 37:29

Mumu unanguvwila ufwatulo, ni kulizata che hichanguheta mu matwi, kashika mungusa chikungo chami mu zulu lie, mungusa lelia liami mu kanwa lie, mba mungukuhilwisa kunyima mu jila yize yene wejilile.

Jeremia 48:26

Muzengewese mumu walifujile kulimika ni Yehova, kashika Moape makalifwita mu yisaza yenyi, mba iye nawa mamuyunga.

Jeremia 48:42

Moape makanonga; kechi kapwa nawa vungu, mumu ha kulifuza ni Yehova.

Ezekiel 46:14

Makahana mulambu wa wunga hamwe nenyi tangwa ha tangwa; chihanda cha sambano cha *efa, ni chihanda cha yitatu cha *hine ya maji kuwulisa wunga ukapwe mulambu wa wunga kuli Yehova. Ye shimbi ya mulambu wa kulumba wa matangwa eswe yenayo.

Daniel 11:22

Mbunga ja tujita kumujikahungumuka kumeso jenyi, makajimakwona, chipwe mwe mukwa kuyula wa usendo.

Daniel 11:31

Maswalale a kuli iye makasoloka; makajilula zuwo lisandu ni zuwo lia mbonge; makachiza mulambu wa kulumba wa matangwa eswe, mba makamika chizelwokeso cha kwenyeka.

Daniel 12:11

Chize ku tangwa lize makachiza mulambu wa kulumba wa matangwa eswe, ni kumika cha chizelwokeso cha kwenyeka, kumukukapwa kanunu ka matangwa ni kulakaji aali a matangwa ni makumi livwa a matangwa.

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Daniel 8:12

Ye mbunga ayisele kuli iye hamwe ni mulambu wa kulumba wa matangwa eswe mumu ha Utanguko. Umwenemwene aumbilile hashi, mba mbinga yalinga upale wenyi nikuwaha.

Daniel 8:24

Tachi jenyi mujipwa jinji, alioze hi ja kuli iye mwene ko; kumakonwona cha kukomwesa; kumakawaha mu yize analingi; kumakonwona akwa ndundo, ni atu ja asandu.

Daniel 8:25

Ku maseliekela jenyi masenyesa kulutwe ukanyame mu moko jenyi, mba mu mbunge yenyi malilemesa. Monwona anji, mumu kanalifuliela ene, mba makakatukila Mukwa-Kuyula mianangana. Hindu kumakamakuka, hi ni kwoko lia mutu ko.

Daniel 9:25

Kashika nyingika Chikulumbunuke, chize ku kuhana liji lia kululika ni kutunga Yerusaleme ndo ku kwiza cha yoze mukwa-kuyula amuwayishile ni maji, kumukukapwa semana shimbiali, ni makumi asambano a semana ni semana jiali. Mayitunga nawa ni malwaza ni matapalo, hindu ha mwaka wa lamba.

Kwalula 28:3

Wambe kuli ayo ngwe, Mulambu wa kahia nukalambule kuli Yehova, uno: kuji a mapanga aali a mwaka umuwika, keshi chipa, aali ha tangwa, aali ha tangwa, akapwe mulambu wa kulumba wa matangwa eswe.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

Hebreu 2:10

Mumu yoze, hali iye yuma yeswe kuyili, ni kuli iye yuma yeswe yakatuka, ha kuneha ana anji ku uhenya, chatamba kaputu ka ulamwino wo akamupwise mungunu ha kumona lamba.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.