Daniel 8:1 - MUKANDA USANDU WA ZAMBI 1975

¹ Ha mwaka wamuchitatu wa chiyulo cha mwanangana Beleshazare, usolwelo wasolokele kuli yami Daniel, kulutwe lia uze wasolokele hatangu.

Mukanda Wa Zambi 1970

¹ Ha mwaka wa muchitatu wa kuyula cha mwanangana Belshazare, yami Daniel yingumona Usolwelo wa muchaali.

Daniel 8:1 Iomraidhean Croise

Ezekiel 1:1

Ha mwaka makumi atatu, ha kakweji wamuchiwana, ha tangwa liamuchitano lia kakweji, te nguli hakachi ka njize ku lwiji Chebare, malilu azulukile, mba yingumona usolwelo wa Zambi.

Daniel 1:17

Ha kutwala kuli wano akweze awana, Zambi yaaha chinyingi ni kulongoloka mu sona jeswe ni mana, ni Daniel wapwile ni chinyingi cha usolwelo weswe ni yilota.

Daniel 10:2

Ha matangwa aze yami Daniel napwile ni chinyengo semana jitatu ja muwundu.

Daniel 10:7

Yami Daniel yingumona usolwelo ukawami mumu malunga aze napwile no kamwene usolwelo, alioze kuchikima chinji yichiakwata; yachina aswame.

Daniel 11:4

Mba muze hatatuka, wanangana wenyi maumakuna ni kuupangila ku mafuji awana a mwilu alioze hi kuli ana jenyi ko; ni kuyula kechi kayula nikulita ni chiyulo chenyi, mumu wanangana wenyi mautukula akauhane kuli akwo nawa helu lia wano.

Daniel 7:1

Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma.

Daniel 7:15

Ha kutwala kuli yami Daniel, Spiritu yami muchima yalifwita, ni usolwelo wa mutwe wami wanguvwishile woma.

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Daniel 8:15

Yami Daniel, muze hinamona usolwelo uno, nafupile kuusa chinyingi, mba kwamanyine hakamwihi ni yami umwe wa kulifwa ni mutu.

Daniel 8:2

Namwene mu usolwelo wami, te nguli mu mbala ya Shushane, mu chifuchi cha Elame. Namwene mu usolwelo, nguli ku lwiji Ulai.

Daniel 9:2

ha mwaka wenyi utangu wa kuyula, yami Daniel nasele chinyingi mu mikanda, nikulita ni liji lia Yehova kuli profeta Jeremia, kwalula cha miaka yize muyipalika ndo ku songo lia kupwa Yerusaleme ya hululu—chinalumbunuka, makumi shimbiali a miaka.