Daniel 7:9 - MUKANDA USANDU WA ZAMBI 1975

⁹ Shimbu munguchitala, akolesele ngunja, ni umwe jina lienyi Mukulu-wa-Matangwa yatwama. Mazalo jenyi atoma ngwe neve, ni kambu jenyi ja ha mutwe japwile ngwe wanda upema, ngunja yenyi yapwile milengi ya kahia, ni maroda jayo kahia ka kuyila.

Mukanda Wa Zambi 1970

⁹ Muze te ngunatale, yaasa yitwamo ya wanangana mu mihela yayo. Mba umwe, yoze wabwile ni mwono chize ku miaka yeswe, yatwama ha chimwe chitwamo. Mahina jenyi yaabwa atoma ngwe chiwe, kambu jenyi yiijibwa ngwe Wanda utoma. Chitwamo chenyi yichisoloka ngwe milengi ya kahia, yichibwa ha yijingo ya kahia kaze kanalengenya,

Daniel 7:9 Iomraidhean Croise

1 Yitanga Ya Mianangana 22:19

Mikaia ngwenyi, Ena kashika panjika ku liji lia Yehova. Namwene Yehova ha ngunja yenyi ni mbunga yeswe ya mwilu kanamana ha chindume chenyi ni ha chimeso chenyi.

2 Sango Ja Mianangana 18:18

Mba Mikaia yamba ngwenyi, Nyi chocho panjika ku liji lia Yehova. Namwene Yehova kanatwama ha ngunja yenyi ni mbunga yeswe ya mwilu kumana ku chindume chenyi ni ku chimeso chenyi.

Miaso (Masamu) 45:8

Mazalo je eswe anakupuka ni mira, ni aloa, ni kasha; ku mazuwo ja mwanangana a kutunga ni mazo a njamba anakuwahisa ni tulialia.

Miaso (Masamu) 90:2

Shimbu milundu kanda yichisemuka. Shimbu kanda uchitomba mavu ni hashi. Chize ku miaka ya mutolo ndo ku miaka ya mutolo, yena uli Zambi.

Miaso (Masamu) 93:2

Ngunja ye hanayikolesa ku shakulu. Yena uli wa ku miaka ya mutolo.

Izaya 6:1

Ha mwaka wa kufwa cha mwanangana Uzia namwene mwe Mwene kanatwama ha ngunja kwilu, nikunangama, ni lupula wenyi wazalishile tembele.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Jeremia 49:38

mba mungukakolesa ngunja yami mu Elame ngukanongese mwanangana wo ni alemu jo. Chocho kanambe Yehova.

Ezekiel 1:26

Helu lia kuzazuluka chize chapwile ha mitwe yo hapwile ngwe kulifwa cha ngunja nikusoloka ngwe safwira. Mba kutwama helu lia kulifwa cha ngunja kwapwile ngwe kulifwa cha kupwa cha mutu.

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Daniel 7:22

ndo ku kwiza cha mwe Mukulu-wa-Matangwa, muze ahanyine chiyulo kuli asandu ja mwe Chitunda, mwaka hiwaheta muze asandu matambula wanangana.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Habakuke 1:12

Yehova Zambi yami! Mwe Musandu wami! Hi uli wa mutolo ko? Kashika kutuchi kufwa. Yehova hiunaatongola akapwe kastigu; yena lwe Luliwe, hiunaakolesa atufumbe.

Mateu 17:2

Walumukine kumeso jo: ku meso jenyi kwapangukile ngwe tangwa ni mahina jenyi apwile atoma ngwe pangu.

Mateu 28:3

Kusoloka chenyi chapwile ngwe mihenyo, ni mazalo jenyi atoma ngwe neve.

Marku 9:3

mahina jenyi alumukine a kupeyima, atoma ahiana ngwe neve, ngwe mukwa kutomesa mahina hano hashi niumwe mahasa kwatomesa.

Yilinga 2:30

Kashika, se iye wapwile profeta, kananyingika ngwe Zambi walishingile kulu kuli iye ni shingo ngwo, Wa kuli ana jenya makatwamisa umwe ha ngunja yenyi;

Yilinga 2:33

Kashika se hanamunangamisa ku kwoko lia chindume lia Zambi, ni se hanatambula kuli mwe Tata chilakenyo cha Spiritu Musandu, hanazukula chino, nunamono, nunevu haliapwila.

Filipu 3:9

hanga akanguwane muli iye, hi ni ululi wa yami mwene ko, uze wa ku shimbi, alioze uze wa ku Ufulielo kuli Kristu, ululi uze wa kuli Zambi ku Ufulielo,

1 Timoteu 6:16

Iye wika keshi kufwa, katwama mu pangu lize keshi kuhasa kukundamako; mutu niumwe kamumwene, chipwe mahasa kumumona, ka: ulemu ni ndundo ja mutolo jikapwe kuli iye. Amene.

1 Yoano 1:5

Lino lie liji twevwile kuli iye, tunanwambulwilalio, ngwo, Zambi iye pangu, muli iye milima yakuhi niyimwe.

Usolwelo 1:14

Mutwe wenyi ni kambu jenyi japwile jitoma ngwe wanda, utoma ngwe neve; ni meso jenyi ngwe mulengi wa kahia.

Usolwelo 19:18

hanga nukalie musunya wa mianangana, ni musunya wa amanjolo, ni musunya wa yitakame, ni musunya wa tuvwalu, ni wa waze akutwamaho, ni musunya wa enya chifuchi ni ndungo, ni akepe ni anene.

Usolwelo 20:4

Mba namwene ngunja ni waze atwamineho, mba aahele upatwilo: namwene alma ja waze aatapile ha Shindakenyo ya Yesu, ni ha liji lia Zambi, ni waze kawayilile ngongo, chipwe kaponya kenyi, ka, katambwile mufunda ha mahuma jo ni ha moko jo; o atwamine ni mwono, ayulile hamwe ni Kristu kanunu ka miaka.

Usolwelo 4:2

Haze hene napwile mu Spiritu: ni kumanyi, ngunja ayisele mwilu, ni ha ngunja umwe kanatwama.