Daniel 7:8 - MUKANDA USANDU WA ZAMBI 1975

⁸ Nazewile mbinga, mba kwasokele hakachi kajo mbinga yikwo, yikepe tuhu, alioze kumeso jayo mbinga jitatu jize jitangu jatukukile. Kumanyi mbinga yino yili ni meso ngwe mutu, ni kanwa lia kuhanjika yuma yinene.

Mukanda Wa Zambi 1970

⁸ Muze ngunashishika kutala je mbinga, yingumona nawa mbinga yikwo yikepe yinasoko mukachi ka jikwo. Yiimakwona mbinga jitatu jize jitangu. Mbinga yiibwa ni meso ngwe a mutu, ni kanwa lize liahanjekele yuma ya kulizelula.

Daniel 7:8 Iomraidhean Croise

Miaso (Masamu) 12:3

Yehova kumakasutula mivumbo yeswe ya kupepieka, ni limi lize lia kuhanjika yuma yinene;

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Daniel 7:19

Yingumuhula umwenemwene ha kutwala kuli ngongo wamuchiwana yoze walipwilile ni akwo eswe, mwe mukwa kuvwisa mwongo, kali ni mazo a utale, ni yala ya unengu; mukwa kupapulula ni kupalwola ni kuliataliata masalila ni molu jenyi.

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

2 Timoteu 3:2

Mumu atu kumakapwa akwa kulifwila ene, akwa kufwila mbongo, akwa kulizata, akwa kulizelula, akwa kushililika, keshi kwononoka kuli yisemi jo, akwa kaleleso, akwa luchisa,

2 Petulu 2:18

Mumu nikuhanjika maliji anene a kulivwimba amokomoko, kakusondojola mu usolo wa musunya, ni ujila, waze anambe kwomboka kuli waze akwenda mu maliji a kupiangula.

Yuda 1:16

Wano akwa kulinyenyeta, akwa kulinyengetela, akwenda nikulita ni usolo wo ene; (ni makanwa jo kakuhanjika maliji anene a kulivwimba), kakulinga ni katonde, akafumbuke ene.

Usolwelo 13:1

Mba namanyine ha masekeseke a ku kalunga-lwiji. Namwene ngongo kanatuhuka mu kalungalwiji, kali ni kumi lia mbinga ni mitwe shimbiali, ni ha mbinga jenyi kumi lia yipangula, ni ha mitwe yenyi majina a kushililika.

Usolwelo 9:7

Kulifwa cha makumbi ngwe tuvwalu a kululika ha jita; ni ha mitwe yo, yipangula ngwe ya oru, ni meso jo ngwe meso ja atu.

1 Samuel 2:3

Kanda nuhanjika nawa nikulengumuka kuhiana. Kanda nulivwimba mu makanwa jenu. Mumu Yehova iye Zambi ya yinyingi, iye kakupezalisa yitanga.