Daniel 7:7 - MUKANDA USANDU WA ZAMBI 1975

⁷ Kulutwe namwene ha usolwelo wa ufuku, kumanyi ngongo wamuchiwana wa kuvwisa mwongo ni lwaji, tachi jenyi jahiana. Kali ni mazo anene a utale; wapapulwile ni kupalwola ni kuliataliata masalila ni molu jenyi. Walipwila ni ngongo eswe waze ahangile. Kali ni kumi lia mbinga.

Mukanda Wa Zambi 1970

⁷ Muze te ngunatale, yingumona nawa ngongo wa muchiwana. Yabwa ni tachi, kole ni woma. Yapapulula akwa kole jenyi ni mazo jenyi, yaabatwola, yaaliataliata. Kalifwile ko ni ngongo akwo, yabwa ni mbinga kumi.

Daniel 7:7 Iomraidhean Croise

2 Samuel 22:43

Mba naafwenyene ngwe fufuta ya hashi. Naaliachile ngwe malowa ha tapalo nikwamwanga.

Jobe 41:14

Iya mahasa kwazulula mapito a kumeso jenyi? Kweswe kwakujingilika mazo jenyi mwongo wika.

Ezekiel 40:2

Mu usolwelo wa Zambi liangunehene ku chifuchi cha Izalele ni kungutumbika ha mulundu umwe usuku chikolo, henaho hapwile ngwe kweseka cha chihunda ha sali lia ku Sule.

Daniel 2:19

Henaho chijimbikilo achijimbwile kuli Daniel mu usolwelo ha ufuku. Kashika Daniel yahalisa Zambi ya mwilu.

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Daniel 7:2

Daniel yamba ngwenyi, Namwene mu usolwelo wami ha ufuku, kumanyi fuji jiwana ja mwilu jinavundula kalunga-lwiji munene.

Daniel 8:10

Yatatuka chikolo ndo ku mbunga ya mwilu, mba amwe a ku mbunga ya matongonoshi yaambila hashi ni kwaliata.

Daniel 8:22

Ha kutwala ku mbinga yize yamakukine mba jikwo jiwana yijisalakana, chinalumbunuka mawanangana awana masalakana niwenyi, alioze kechi kapwa ni tachi jenyi.

Zakaria 2:1

Yinguhetula meso jami, yingumona umwe lunga ni muhipu wa kweseka nawo mu kwoko lienyi.

Usolwelo 12:3

Chilayi chikwo chamonekene mwilu: kumanyi, ndragau muchila munene, kali ni mitwe shimbiali, ni kumi lia mbinga, ni ha mitwe yenyi yipangula shimbiali.

Usolwelo 13:1

Mba namanyine ha masekeseke a ku kalunga-lwiji. Namwene ngongo kanatuhuka mu kalungalwiji, kali ni kumi lia mbinga ni mitwe shimbiali, ni ha mbinga jenyi kumi lia yipangula, ni ha mitwe yenyi majina a kushililika.

Usolwelo 17:12

Ni kumi lia mbinga jize hiwamona, kumi lia mianangana, waze kanda achitambula wanangana; aiioze matambula poko ngwe mianangana, hamwe ni ngongo, ha ola yimuwika.

Usolwelo 17:7

Ni mungelo wambile kuli yami ngwenyi, Kuchi te wakomoka? Mungukwambulwila chijimbikilo cha pwo, ni cha ngongo yoze wakumumbata ha nyima yenyi, yoze uli ni mitwe shimbiali ni kumi lia mbinga.

Usolwelo 17:8

Ngongo yoze hiwamona, wapwile, keshiho; himakanduka mu jondo, maya ku kwonwona. Ni akwa hashi, waze majina jo kasonewene chize ku kusela cha fundamentu ya hashi mu mukanda wa mwono, makakomoka muze mamona ngongo yoze wapwile, keshiho, makeza.