Daniel 7:5 - MUKANDA USANDU WA ZAMBI 1975

⁵ Namwene ngongo mukwo wamuchiali, ngwe ursu. Wakatukile te ha sali limuwika; kali ni pachi jitatu mu kanwa mwe mu mazo. Amwambile ngwo, Katuka ukalie yifwo yinji.

Mukanda Wa Zambi 1970

⁵ Ngongo wa muchaali yalifwa ngwe ursu, yamana. Yabwa ni pachi jitatu ku mazo jenyi. Yikwiza liji ngwo: “Yako, ulie yifwo yinji ngwe chize unazange.”

Daniel 7:5 Iomraidhean Croise

1 MIANANGANA 2:24

Aye yatala kunyima, yaamona, yaashinga ni jina lia Yehova. Mba kwatuhukile mu musenge ursu aali a yihwo, yapapulula makumi awana a akweze ni akweze aali.

Yishima 17:12

Kutakana ni ursu yoze hamutambula anenyi chashi, kutakana ni chihepuke mu uhepuke wenyi chikalu.

Izaya 56:9

Enu tushitu eswe a mu yambu, tweyenu nukalie, enu tushitu eswe a mu musenge.

Daniel 11:2

Mba haliapwila mungukulumbunwina umwenemwene. Tala, mianangana atatu akwo makasoloka mu Persia; mba wamuchiwana mapwa pichi kuhiana o eswe. Muze hatambula tachi ku upite wenyi, mavundula eswe kulimika ni Ngresia.

Daniel 2:39

Kulutwe lia yenu mukusoloka wanangana ukwo kuwalemene ngwe yenu; ni wanangana ukwo nawa wamuchitatu wa unengu muukayula hashi heswe.

Daniel 5:28

PERESE, hanahandununa wanangana we, hanauhana kuli A-Media ni A-Persia.

Daniel 7:4

Mutangu wapwile ngwe ndumba, alioze kali ni mapulwa a pupa. Shimbu munguchitala asuchile mapulwa, mba amuzundwile hashi ni kumumanyisa ha molu aali ngwe mutu. Amuhele nawa manyonga ja mutu.

Daniel 7:6

Kulutwe natalile kumanyi mukwo ngwe changwi, kali ni mapulwa awana a kajila hanyima. Ngongo yono kali ni mitwe yiwana, yamwaha chiyulo chinene.

Hosea 13:8

Mungwalundumukina ngwe ursu yoze hamwiya ana jenyi. Mungwapula pambo; kwenako mungwaha ngwe ndumba; ngwe ngongo kakwapapulula.

Usolwelo 13:2

Ni ngongo yoze namumwene walifwile ni kangwili, ni makata jenyi ngwe makata ja ursu: ni kanwa lienyi ngwe kanwa lia ndumba: ni ndragau wamuhele tachi jenyi, ni ngunja yenyi, ni poko yenyi yinene.