Daniel 7:4 - MUKANDA USANDU WA ZAMBI 1975

⁴ Mutangu wapwile ngwe ndumba, alioze kali ni mapulwa a pupa. Shimbu munguchitala asuchile mapulwa, mba amuzundwile hashi ni kumumanyisa ha molu aali ngwe mutu. Amuhele nawa manyonga ja mutu.

Mukanda Wa Zambi 1970

⁴ Mutangu yalifwa ngwe tambwe, alioze yabwa ni mapulwa ngwe tela. Muze te ngunatale, mapulwa yaatukwoka. Mwe ngongo yamwolola, yamana ngwe mutu. Mba yaamwaha manyonga ja utu.

Daniel 7:4 Iomraidhean Croise

2 Samuel 1:23

Saulu ni Jonatas aazangile, apwile apema mu mwono wo, ni mu kufwa kaahandunwine. Tambu jo jahianyine ja pupa, tachi jo jahianyine ja ndumba.

Jobe 25:6

mba mutu—yoze wapwa vuno? Mwana mutu—yoze wapwa musangwinya?

Miaso (Masamu) 9:20

Uakolese woma Yehova, hanga mavungu alinyingike ngwo, Tuli atu tuhu.(Litulike.)

Jeremia 25:38

Hakatuka ku chiswamino chenyi ngwe ndumba. Chifuchi cho hichalumuka cha hululu mumu ha katana wa Yehova, ni ha utenu wenyi usasu.

Jeremia 4:13

Talenu, kaneza ngwe malelwa, ni matemba jenyi ngwe chijimbi, tuvwalu twenyi kali ni tambu kuhiana pupa— lamba lietu, hitwanonga!

Jeremia 4:7

Umwe ndumba hakatuka ku usaki wenyi; mukwa kwonwona mavungu haputuka, hakatuka kuma kwenyi akenyeke chifuchi chenu, akapuzule yihunda yenu, ni kuyihichika kuyishi atu.

Jeremia 48:40

Mumu Yehova kanambe ngwenyi, Umwe mahumuka fuji ngwe pupa ni kutanda mapulwa jenyi kulimika ni Moape.

Jeremia 49:19

Chizechene ngwe ndumba makatuka ku mushitu wa Yordau kulimika ni limba lia tachi lia mapanga chocho ni yami susumuku mungwahuma kuli iye, mba mungusela kumuyula mweswawo ngunazange yami. Mumu iya walifwa ni yami? Iya mangusanyika? Kafunga muka mahasa kumana kumeso jami?

Lungungu 4:19

Akwa kutuhanga atambikile kuhiana mapupa mwilu. Yatuhanga ha milundu, yatujikinyina mu puya.

Ezekiel 17:3

ngwe, Mwene Yehova kanambe ngwenyi, Pupa umwe munene wa mapulwa anene ni tonga jisuku, kali ni mangona anji a ulombo weka ni weka, yeza ku Lebano, yandako mutango wa ku songo lia musedru.

Ezekiel 28:2

Mwana mutu, amba kuli mukwa kuyula Teru ngwe, Mwene Yehova kanambe ngwenyi, Mumu mbunge ye yinulengumuka hiwamba ngwe, Nguli umwe Zambi, ngunatwama ha chitwamo cha mazambi hakachi ka kalunga-lwiji; hindu uli mutu tuhu, hi uli zambi ko— chipwe unalimono ngwe mana je a umwe zambi.

Ezekiel 28:9

Mukalikoleza kwamba ngwe, Nguli zambi, kumeso ja waze makakushiha, chipwe uli mutu tuhu, hi uli zambi ko, mu moko ja waze anakulemeka, nyi?

Daniel 2:38

kuli yenu hanakunjika ana ja atu kweswako atwama, ni tushitu a mu yambu, ni tujila a mu tetela, ni kunupwisa mukwa kwayula eswe—yenu nuli we mutwe wa oru.

Daniel 4:36

Haze hene mana jami anguhilukile nawa, ni ku ulemu wa wanangana wami, ulamba ni uhenya wanguhilukile nawa. Tuliamanga twami ni alemu jami angufupile nawa; angukolesele mu wanangana wami, ni ulemu ukwo anguwezelele helu.

Daniel 7:12

Ha kutwala kuli ngongo akwo, chiyulo cho achichijile, alioze mwono wo ausuhishile ha kangonde ni shimbu.

Daniel 7:5

Namwene ngongo mukwo wamuchiali, ngwe ursu. Wakatukile te ha sali limuwika; kali ni pachi jitatu mu kanwa mwe mu mazo. Amwambile ngwo, Katuka ukalie yifwo yinji.

Mateu 24:28

Kweswako mujimba wa mufu uli, kuze kwene makakunguluka pupa.

Shimbi 28:49

Yehova makahetesa vungu limwe Unakatuka kusuku kulimika ni yenu, ku songo lia hashi, ngwe pupa wakuhumuka, vungu Umwe limi lialio enu kunuchi kulivwa,

Usolwelo 13:2

Ni ngongo yoze namumwene walifwile ni kangwili, ni makata jenyi ngwe makata ja ursu: ni kanwa lienyi ngwe kanwa lia ndumba: ni ndragau wamuhele tachi jenyi, ni ngunja yenyi, ni poko yenyi yinene.