Daniel 7:28 - MUKANDA USANDU WA ZAMBI 1975

²⁸ Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Mukanda Wa Zambi 1970

²⁸ Lino lie songo lia che chikuma. Mba yami Daniel yingwivwa woma kuhiana, yingwalumuka ku meso, alioze yingufunga yuma yino yeswe mu mbunge.

Daniel 7:28 Iomraidhean Croise

Ubutukilo 37:10

Yachilweza kuli tato ni kuli ayayo. Alioze tato yamwambila ngwenyi, Chilota chino hiwalota kuchi chinalumbunuka? Te yami, ni noko, ni ayayenu mutukahetamina hashi kuli yena?

Ubutukilo 37:11

Ayayo amuvwilile ukwa, alioze tato wafungile maliji ano mu mbunge yenyi.

Daniel 10:16

Kumanyi, umwe wa kulifwa ni ana ja atu yangusunga ku mivumbo; mba napakwile kanwa liami ni kuhanjika. Yingwamba kuli yoze kanamana kumeso jami ngwami, Mwene wami, yikola hiyangukwata, chishi nawa ni tachi ha mukunda wa usolwelo.

Daniel 10:8

Chocho yingusala ukawami, mba yingumona usolwelo uno unene. Tachi chapwile najo; kuwaha chami cha ku meso hichalumuka kupiha; chasalile nawa ni tachi.

Daniel 11:27

Ha kutwala kuli mianangana wano aali, mbunge jo mujikapwa ja kulinga chipi. Makahanjika mahuza ku mesa yimuwika; hindu kuchichi kakola, mumu songo liacho mulipwa ha mwaka wa kufunjika.

Daniel 12:13

Alioze yena, yako kwe ndo mukukapwa songo; mumu kumukahwima, mba kumukamana kuma kwe ha songo lia matangwa.

Daniel 12:9

Aye yamba ngwenyi, Daniel, yako kwe, mumu wano maliji a kuyika ndo ku mwaka wa ku songo.

Daniel 4:16

Kunyonga chenyi cha mutu akamuchizecho, ukamwehe kunyonga cha kashitu, mba tungonde shimbiali akamupalike.

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Daniel 5:6

Ku meso ja mwanangana kwalumukine ngwe chitofwi; manyonga jenyi amuvwishile woma; molu jenyi apekumukine; makungunwa jenyi aliwakaminyine.

Daniel 7:15

Ha kutwala kuli yami Daniel, Spiritu yami muchima yalifwita, ni usolwelo wa mutwe wami wanguvwishile woma.

Daniel 8:1

Ha mwaka wamuchitatu wa chiyulo cha mwanangana Beleshazare, usolwelo wasolokele kuli yami Daniel, kulutwe lia uze wasolokele hatangu.

Daniel 8:17

Chocho iye wakundamine kuze namanyine; mba ha kukundama, ami nevwile woma, nafulamanyine hashi. Alioze yamba kuli yami ngwenyi, Mwana mutu, nyingika ngwami, usolwelo uno watwala ku miaka ya ku songo.

Daniel 8:19

Yamba ngwenyi, Mungukulweza yize muyikapwa ha songo lia utenu, mumu chatwala ku miaka ya kufunjika ku songo.

Daniel 8:27

Mba yami Daniel nalezumukine, napombele nikuyiza matangwa. Mba nakatukile nikulingalinga milimo ya mwanangana, alioze usolwelo wangushimine; kuwangulumbunukine.

Marku 9:15

Haze hene mbunga yeswe, muze amumwene, akomokene chikolo, o nikuzomboka kuli iye, amumenekene.

Luka 2:19

Alioze Maria wafungile maliji ano eswe nikwazewula mu mbunge yenyi.

Luka 2:51

Iye wapalumukine hamwe no ku Nazare, wazeyele kuli ayo; ni naye wafungile maliji ano eswe mu mbunge yenyi.

Luka 9:44

Maliji ano anjile mu matwi jenu; mumu kumakakunjika mwe Mwana Mutu mu moko ja atu.