Daniel 7:25 - MUKANDA USANDU WA ZAMBI 1975

²⁵ Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Mukanda Wa Zambi 1970

²⁵ Makahanjika maliji akulimika ni Zambi Chitunda, makabinjisa atu ja Zambi. Makeseka kwalumuna Shimbi jo ja kuwayila Zambi ni ja yiwanyino yo. Atu ja Zambi maakabwa mu chiyulo chenyi miaka yitatu ni Chipinji.

Daniel 7:25 Iomraidhean Croise

Izaya 37:23

Yoze hiwachoka iya? Yoze hiwashililika iya? Hiwakalumioka nikutala chikandu meso je kulimika neya? Ngwami, Kulimika ni mwe Musandu wa Izalele.

Daniel 11:28

Makahiluka ku chifuchi chenyi ni yikumba yinji; alioze mbunge yenyi muyikalimika ni usendo usandu. Makalinga upale wenyi, mba makahiluka ku chifuchi chenyi mwene.

Daniel 12:7

Nevwile lunga yoze wa mazalo a linyu, uli helu lia meya a lwiji, muze hazoza kwoko lienyi lia chindume ni kwoko lienyi lia chimeso kwilu, walishingile ni yoze watwama ni mwono ku miaka ya mutolo ngwenyi, Kumuchi kapwa ha mwaka, ni miaka yiali, ni chihanda cha mwaka. Muze hamana kumakwona tachi ja atu asandu, mba yuma yino yeswe muyihwa.

Daniel 2:21

Iye kakwalumuna miaka ni tungonde; kakuchiza mianangana; kakumika mianangana. Kakuhana mana kuli akwa mana; kakuhana yinyingi kuli waze yuma muyialumbunuka.

Daniel 3:26

Nabukanezore yakundama ku chikolo cha lutengo wa kahia ka kulengenya, yamba ngwenyi, Shadrake, ni Meshake, ni Abedenego, tuvumbi twa Zambi Chitunda, tuhukenu, nwize kuno! Mba Shadrake, ni Meshake, ni Abedenego yatuhuka mu kahia.

Daniel 4:17

Upatwilo uno wa ku shimbi ja tulayi; chiyulo chino cha ku liji lia asandu hanga akwa mwono akanyingike, mwe Chitunda kakuyula mu wanangana wa atu, kakuuhana kuli mweswawo mapala; kakusa alelu chikolo hakachi ka atu akauyule.

Daniel 4:2

Ngunamono chipema ngunulweze yilayi ni yikomokeso yize Zambi Chitunda halinga kuli yami.

Daniel 4:25

akanuhume hakachi ka atu; wendelo wenu muukapwa hakachi ka tushitu a mu yambu; makanulisa mwambu ngwe ngombe, munukawula ni mume wa mwilu, ndo tungonde shimbiali hanupalika, nukanyingike mwe Chitunda kakuyula mu wanangana wa atu nikuuhana kuli mweswawo mapala.

Daniel 4:32

mba makuhuma hakachi ka atu, ni wendelo we muukapwa hakachi ka tushitu a mu yambu. Muolia mwambu ngwe ngombe, mba tungonde shimbiali makakupalika ndo hiwalilongesa, mwe Chitunda kakuyula mu wanangana wa atu ni kuuhana kuli mweswawo mapala.

Daniel 7:18

Alioze asandu ja mwe Chitunda makatambula we wanangana, ni kuzuka we wanangana ndo ku miaka, ni miaka ya mutolo.

Daniel 7:20

Yinguhula ha kutwala ku mbinga jenyi kumi ha mutwe wenyi, ni mbinga yize yikwo yasokako, mba mbinga jitatu jaholoka kumeso jenyi, ye mbinga yize yapwile ni meso, ni kanwa lia kuhanjika yuma yinene, ayo yasolokele kutoha kuhiana jikwo.

Daniel 7:8

Nazewile mbinga, mba kwasokele hakachi kajo mbinga yikwo, yikepe tuhu, alioze kumeso jayo mbinga jitatu jize jitangu jatukukile. Kumanyi mbinga yino yili ni meso ngwe mutu, ni kanwa lia kuhanjika yuma yinene.

Daniel 8:11

Yalitohesa chipwe ndo kuli Mukwa-Kuyula ye mbunga. Yamuchiza mulambu wa kulumba wa matangwa eswe, wapuzwile zuwo lienyi lisandu.

Daniel 8:14

Aye yamba kuli iye ngwenyi, Ha tununu aali a matangwa ni kulakaji atatu a matangwa, mba zuwo lisandu malihilwisa chize chatamba kupwa.

Daniel 8:9

Mu mbinga yimwe mwasokele kambinga kakwo, yikatatuka kuhiana kutalikisa ku Sule, ni ku Chivumbuko, ni ku chifuchi cha uhenya.

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Hosea 7:16

Kakutala kuli Mbale; o kapwa ngwe uta wa mafwefwe. Alemu jo makafwa ni katana mumu ha shino lia malimi jo. Chocho maakekuna mu chifuchi cha Engitu.

2 A-TESALONIKA 2:3

Kanda nutayiza niumwe kunwonga, chipwe hakehe, mumu tangwa lize kulichi kwiza shina che kulumbuka muchilianga kwiza, akasolole mwe mutu wa shili, mwe mukwa utoke,

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

2 A-TESALONIKA 2:8

Hohene kumakasolola mwe chihulia, yoze Mwene Yesu makamulukisa ni mwiku wa mu kanwa lienyi; makamwenyeka ni kupanguka cha kuheta chenyi.

Usolwelo 12:14

Alioze ahanyine kuli pwo mapulwa aali a pupa munene, hanga akahumuke ku puya kuma kwenyi kuze akumuhokela mwaka, ni miaka, ni chihanda cha hakachi cha mwaka, kanamusweke kuli kapela.

Usolwelo 12:6

Ni pwo wachinyinyine ku puya, kuze kuma akwete kwa kululika kuli Zambi, hanga akamuhokeleko kanunu ka matangwa ni kulakaji aali a matangwa, ni makumi asambano a matangwa.

Usolwelo 14:12

Muno muchili kunyongonona cha asandu, waze akufunga maliji a shimbi a Zambi ni Ufulielo wa Yesu.

Usolwelo 16:6

Mumu amwangine manyinga ja asandu ni aprofeta, hiunaahe manyinga a kunwa; mumu kanatelo.

Usolwelo 17:6

Namwene pwo kanazengewa ni manyinga ja asandu, ni manyinga ja yela ja Yesu. Muze namumwene, nakomokene ni kukomoka chinene.

Usolwelo 18:24

Muli iye awanyine manyinga ja aprofeta ni ja asandu, ni ja waze eswe aashihile hashi.