Daniel 7:21 - MUKANDA USANDU WA ZAMBI 1975

²¹ Shimbu munguchitala, mbinga yino yasa jita ni asandu, ni kwakumba,

Mukanda Wa Zambi 1970

²¹ Muze te ngunatale, ye mbinga yiiyasa jita ni atu ja Zambi, yiiyaakumba.

Daniel 7:21 Iomraidhean Croise

Daniel 11:31

Maswalale a kuli iye makasoloka; makajilula zuwo lisandu ni zuwo lia mbonge; makachiza mulambu wa kulumba wa matangwa eswe, mba makamika chizelwokeso cha kwenyeka.

Daniel 12:7

Nevwile lunga yoze wa mazalo a linyu, uli helu lia meya a lwiji, muze hazoza kwoko lienyi lia chindume ni kwoko lienyi lia chimeso kwilu, walishingile ni yoze watwama ni mwono ku miaka ya mutolo ngwenyi, Kumuchi kapwa ha mwaka, ni miaka yiali, ni chihanda cha mwaka. Muze hamana kumakwona tachi ja atu asandu, mba yuma yino yeswe muyihwa.

Daniel 7:20

Yinguhula ha kutwala ku mbinga jenyi kumi ha mutwe wenyi, ni mbinga yize yikwo yasokako, mba mbinga jitatu jaholoka kumeso jenyi, ye mbinga yize yapwile ni meso, ni kanwa lia kuhanjika yuma yinene, ayo yasolokele kutoha kuhiana jikwo.

Daniel 8:12

Ye mbunga ayisele kuli iye hamwe ni mulambu wa kulumba wa matangwa eswe mumu ha Utanguko. Umwenemwene aumbilile hashi, mba mbinga yalinga upale wenyi nikuwaha.

Daniel 8:24

Tachi jenyi mujipwa jinji, alioze hi ja kuli iye mwene ko; kumakonwona cha kukomwesa; kumakawaha mu yize analingi; kumakonwona akwa ndundo, ni atu ja asandu.

Daniel 8:9

Mu mbinga yimwe mwasokele kambinga kakwo, yikatatuka kuhiana kutalikisa ku Sule, ni ku Chivumbuko, ni ku chifuchi cha uhenya.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 17:6

Namwene pwo kanazengewa ni manyinga ja asandu, ni manyinga ja yela ja Yesu. Muze namumwene, nakomokene ni kukomoka chinene.

Usolwelo 19:19

Namwene ngongo, ni mianangana ja hashi, ni mbunga ja maswalale jo, kanakunguluka mukwasa jita ni yoze Watwamine hali kavwalu, ni mbunga ja maswalale jenyi.